၂၀၁၇ ခုနှစ် ဒီဇင်ဘာ ၃ ရက်

 မန္တလေးတိုင်းဒေသကြီး၊ မြင်းခြံခရိုင်၊ မြို့သာဒေသသည် စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီးတို့၏ အလယ်ဗဟိုနီးပါး၊ ဧရာဝတီမြစ်ကြီးအနီး တည်ရှိနေသည့်အတွက် ရေကြောင်းလမ်း၊ မန္တလေးအပြည်ပြည်ဆိုင်ရာ လေဆိပ်ကြီးနှင့်လည်း မိုင် ၂၀ မျှသာ ဝေးကွာပြီး မြန်မာနိုင်ငံရဲ့အထင်ကရ ရှေးဟောင်းပုဂံမြို့တော်ကိုလည်း လေကြောင်းလမ်းနှင့် ကုန်းကြောင်းလမ်း အချိန်တိုအတွင်း သွားလာနိုင်ပြီဖြစ်သည်။

 မြို့သာဒေသဟာ ပူပြင်းခြောက်သွေ့တဲ့ ရာသီဥတုဖြစ်တာကြောင့် ကျောက်စရစ်မြေသားများအပေါ် မိုးခေါင်တဲ့အတွက် စိုက်ပျိုးဖြစ်ထွန်းမှုမရှိဘဲ အလုပ်အကိုင်အခွင့်အလမ်း နည်းပါးရာဒေသဖြစ်နေတဲ့အတွက် တိုင်းဒေသကြီးအစိုးရက ဆင်းရဲနွမ်းပါးမှုလျှော့ချရေး အစီအမံနဲ့ မန္တလေး-မြို့သာ စက်မှု ဥယျာဉ်မြို့တော်စီမံကိန်းကြီးကို ရေးဆွဲပြီး မန္တလေး-မြို့သာ စက်မှုဖွံ့ဖြိုးတိုးတက်ရေး အများပိုင်ကုမ္ပဏီက မြေဧက ၁၁၁၄၀ အပေါ်မှာ အကောင်အထည် ဖော်ခဲ့ခြင်းဖြစ်ပါတယ်။

 စီမံကိန်းစတင် အကောင်အထည်ဖော်တဲ့ ၂၀၁၂-၂၀၁၃ ခုနှစ်မှာ စိန်ခေါ်မှုများနဲ့ ကြုံတွေ့ခဲ့ရပါတယ်။ စီမံကိန်းရဲ့ အဓိကလိုအပ်ချက်ဖြစ်တဲ့ လမ်းမကြီး တွေ၊ လျှပ်စစ်စွမ်းအင်ဓာတ်အားခွဲရုံတွေ၊ ဓာတ်အားလိုင်းတွေ စိုက်ထူရသလို ရေရရှိရေးအတွက် ဧရာဝတီမြစ်က ရေများသွယ်ယူခြင်းလုပ်ငန်းတွေ ဆောင်ရွက်ခဲ့ပါတယ်။ တစ်ဆက်တည်း စက်မှုဇုန်ဥယျာဉ်နဲ့ ဆက်နွှယ်တဲ့ ကုန်ပစ္စည်းတွေ တင်ပို့နိုင်ဖို့ ဧရာဝတီဆီမီးခုံဆိပ်ကမ်းကြီးကိုလည်း တန် ၅၀ ကရိန်းကြီး တပ်ဆင်ပြီး ကုန်သေတ္တာတွေ တင်ပို့နိုင်ဖို့ တည်ဆောက်ခဲ့ပါတယ်။ ဆိပ်ကမ်းကြီးနဲ့အတူ နိုင်ငံတကာ အထပ်ပါးလွှာစက်ရုံ၊ တိရစ္ဆာန်အစာစပ် စက်ရုံ၊ ဘီစကစ်စက်ရုံ၊ ကွန်ကရစ်တိုင်စက်ရုံ စတဲ့ စက်ရုံတွေနဲ့ နိုင်ငံတကာ အဆင့်မီ ကျင်း ၁၈ ကျင်းပါ ဂေါက်ကွင်းကြီးကိုလည်း တည်ဆောက်လျက် ရှိပါတယ်။ ဒါ့အပြင် အခုအစိုးရသစ်ကာလမှာ ရင်းနှီးမြှုပ်နှံလိုသူတွေလည်း လာရောက်နေကြဆဲဖြစ်သည်။