၂၀၁၇ခုနှစ်၊ ဇန်နဝါရီလ ၁၂ ရက်

 မန္တလေးတိုင်းဒေသကြီးအတွင်းစိုက်ပျိုးရေးလုပ်ငန်းများ ဆောင်ရွက်နေသော သမဝါယမအသင်းများသို့ အသေးစားအရင်းအနှီးချေးငွေ၊ လယ်ယာမြေများ အဆင့်မြင့်တင်ပြုပြင်ရန် ပံ့ပိုးချေးငွေနှင့် လယ်ယာသုံးစက်ကိရိယာများအတွက် ပံ့ပိုငွေများပေးအပ်ခြင်းကို ယနေ့နံနက် ၈နာရီက ပုသိမ်ကြီးမြို့နယ် နန်းဦးလွင်ကျေးရွာအုပ်စုရှိ တောင်သူဦးမျိုးသန့်၏ ကွင်းတွင်ပြုရလုပ်ရာ မန္တလေးတိုင်းဒေသကြီးဝန်ကြီးချုပ် ဒေါက်တာဇော်မြင့်မောင်တက်ရောက်၍ အစိုးရအနေဖြင့် တောင်သူလယ်သမားများဘ၀ဖွံ့ဖြိုးတိုးတက်ရေးဆောင်ရွက်မှုများနှင့် သမဝါယမလုပ်ငန်းများအောင်မြင်ရေးအတွက် ဝိုင်းဝန်းကြိုးပမ်း ဆောင်ရွက်ကြရေးတို့ကို တိုက်တွန်းပြောကြားခဲ့သည်။

 လက်ရှိကာလတွင် မန္တလေးတိုင်းဒေသကြီးမြို့နယ် (၂၈) မြို့နယ်အတွင်း သမ၀ါယမ အသင်းစုချုပ် တစ်သင်း၊ အသင်းစု (၄၀)၊ အခြေခံအသင်း (၄၇၄၁)သင်း ကိုဖွဲ့စည်းထားရှိပြီး ယနေ့အခမ်းအနားတွင် (၂၄)မြို့နယ်ကျေးရွာသမ ဝါယမအသင်း (၃၄၆၅)သင်းမှ အသင်းသား (၄၁၀၇၉၃)ဦးထံသို့ အသေးစားအရင်း အနှီးချေးငွေကျပ် (၇၁၀၃၉ဒသမ ၁၆၉) သန်း၊ အရစ်ကျ ချေးငွေစနစ်ဖြင့်ရောင်းချပေးသည့် လယ်ယာသုံးစက်ကိရိယာ (၈၇)စီးအတွက် အသင်း (၆၉)သင်းမှ အသင်းသား (၈၇) ဦးတို့အား တန်ဘိုးငွေကျပ် ( ၂၂၃၇ဒသမ ၁၅၂)သန်း၊ လယ်ယာမြေအဆင့်မြင့် တင်ခြင်းလုပ်ငန်းဆောင်ရွက်ရန် အသင်း (၃၇) သင်းမှ အသင်းသား (၇၆၈)ဦး၏ လယ်ယာမြေ (၁၈၀၇ ဒသမ ၅၀) ဧကပြုပြင်ခြင်းအတွက် ငွေကျပ် (၅၇၈ ဒသမ၀၅)သန်း စုစုပေါင်း ငွေကျပ်(၇၃၈၅၄ဒသမ ၂၇၁) သန်းကို ထုတ်ပေးခဲ့သည်။

 အခမ်းအနားတွင် ဝန်ကြီးချုပ်က မိမိတို့ အစိုးရလက်ထက်တွင် သမ၀ါယမအသင်းသားများကို စတုတ္ထ အကြိမ် အသေးစားရင်းနှီးချေးငွေ (၆၇ဒသမ ၈၆) ဘီလီယံကိုထုတ်ချေးပေးခဲ့ရာ ပျက်ကွက်သူမရှိ ရာနှုန်းပြည့် ပြန်လည်ပေးဆပ်ကြသည့်အတွက် သမ၀ါယမအသင်းသား တောင်သူဦးကြီးများနှင့် တာဝန်ရှိသူများကို ကျေးဇူးတင်ရှိပါကြောင်း။

 သမ၀ါယမဦးစီးဌာနအနေဖြင့် အဓိက ဆောင်ရွက်နေသည့် လုပ်ငန်းစဉ် (၈)ရပ်အပြင် ယခုဆိုလျင် မျိုးစေ့ကုန်ထုတ် သမ၀ါယမ အသင်းများ ဖွဲ့စည်းပြီး စိုက်ပျိုးရေးဦးစီးဌာနမှ နည်းပညာများအနီးကပ် ကူညီ ပေးကာ သမ၀ါယမဦးစီးဌာနမှ အသင်းများဖွဲ့စည်း၍ ချေးငွေများ ပံ့ပိုးကူညီပေးပြီး လုပ်ငန်း တိုးချဲ့ ဆောင်ရွက်မည်ဖြစ်ကြောင်းသိရသဖြင့် ၀မ်းသာဂုဏ်ယူမိပါကြောင်း။

 ရပ်ကွက်ကျေးရွာများတွင် နေထိုင်ပြီး သမ၀ါယမအသင်းဝင်လိုသူတိုင်း သမ၀ါယမဥပဒေ၊ နည်းဥပဒေ၊ ညွှန်ကြားချက်များနှင့်အညီ ပါဝင်ခွင့်ရရှိနိုင်ရေးကို ဆောင်ရွက်ပေးကြဖို့တိုက်တွန်းလိုပါကြောင်း။

 ယခုကဲ့သို့ သမ၀ါယမ စိုက်ပျိုးရေးစရိတ် အထောက်အကူပြု အသေးစားအရင်းအနှီးငွေ ထုတ်ချေး ပေးခြင်းကြောင့် ပြင်ပအတိုးနှုန်းထက် များစွာ သက်သာမှုရှိသဖြင့် တောင်သူဦးကြီးများအနေဖြင့်လည်း ယုံကြည်မှုရှိစွာဖြင့် ပိုမိုပူးပေါင်းပါဝင်ဆောင်ရွက်ကြစေလိုပါကြောင်းစသည်ဖြင့် တိုက်တွန်း ပြောကြားခဲ့သည်။

 ထို့နောက် သမ၀ါယမ ဦးစီးဌာန ညွှန်ကြားရေးမှူးချုပ် ဦးအောင်ဖြူက သမဝါယမလုပ်ငန်းများ ဖွံ့ဖြိုးတိုးတက်ရေးအတွက်ဆောင်ရွက်နေမှု၊ အသေးစား ချေးငွေထုတ်ချေးခြင်း၊ လယ်ယာသုံးစက်ကိရိယာများအား အရစ်ကျငွေပေးချေစနစ်များနှင့် စပ်လျဉ်းသည်များ၊ လယ်ယာမြေ စနစ်တကျအဆင့်မြင့်တင် ဖော်ထုတ်ပေးခြင်း ဆိုင်ရာများ၊ ချေးငွေထုတ်ပေးခြင်းနှင့် အတိုးနှုန်းဆိုင်ရာများ၊ ဆက်လက်ဆောင်ရွက်သွားမည့် သမာဝါယမလုပ်ငန်းဆိုင်ရာများကို ရှင်းလင်းတင်ပြသည်။

 ဆက်လက်၍ ဝန်ကြီးချုပ်က တိုင်းဒေသကြီးအတွင်းခရိုင်အလိုက် သမဝါယမအသင်းသားများအား အသေးစားချေးငွေများကိုလည်းကောင်း၊ ညွန်ကြား ရေးမှူးချုပ်က ပံ့ပိုးချေးငွေများကိုလည်းကောင်း၊ တိုင်းဒေသကြီး စိုက်ပျိုးရေး မွေးမြူရေးနှင့် ဆည်မြောင်းဝန်ကြီးက သမဝါယမ အသင်းသားများအား လယ်ယာသုံးစက်ကိရိယာနှင့်လယ်ယာမြေများအဆင့်မြှင့်တင်ခြင်းအတွက် ပံ့ပိုးချေးငွေများကို လည်းကောင်း အသီးသီးပေးအပ်ကြပြီး ကျောက်ပန်း တောင်းမြို့နယ် သမဝါယမအသင်းစုဥက္ကဋ္ဌက အသင်းသားများကိုယ်စား ကျေးဇူးတင်ဝမ်းမြောက်စကား ပြောကြားခဲ့သည်။

 အခမ်းအနားသို့တိုင်းဒေသကြီး လွှတ်တော်ဒုတိယဥက္ကဋ္ဌ ဒေါက်တာခင်မောင်ဋ္ဌေး၊ အစိုးရအဖွဲ့ဝင် ၀န်ကြီးများဖြင်ကြသော ဗိုလ်မှူးကြီးကျော်ကျော်မင်း၊ ဒေါက်တာစိုးသန်း၊ ဦးဇာနည်အောင်နှင့် လွှတ်တော် ကိုယ်စားလှယ်များ၊ အစိုးရ အဖွဲ့အတွင်းရေးမှူး ဦးစိုင်းသော်ဝင်းနှင့် ဌာနဆိုင်ရာတာဝန်ရှိသူများ၊ ခရိုင်နှင့် မြို့နယ် အုပ်ချုပ်ရေးမှူးများ၊ သမ၀ါယမဦးစီးဌာနမှ တာဝန်ရှိသူများ၊ လယ်ယာသုံပစ္စည်းထုတ်လုပ်သည့် ကုမ္မဏီများမှတာဝန်ရှိသူများ ဖိတ်ကြားထားသူများလည်းတက်ရောက်ကြသည်။