၂၀၁၈ ခုနှစ် ဖေဖော်ဝါရီလ ၁၂ ရက်

 ၇၁ နှစ်မြောက် ပြည်ထောင်စုနေ့အထိမ်းအမှတ် ကလေးများ ပျော်ပွဲရွှင်ပွဲ အခမ်းအနားကို ဖေဖော်ဝါရီ ၁၂ ရက် နံနက် ၉ နာရီက မင်္ဂလာမန္တလေးတွင် ကျင်းပသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့ ဝန်ကြီးချုပ်၏ ဇနီး အမျိုးသမီးရေးရာကော်မတီနာယက ဒေါက်တာ ယုယုမေက “ဗိုလ်ချုပ်အောင်ဆန်း မွေးနေ့ကို ဗိုလ်ချုပ်အောင်ဆန်းကဲ့သို့ အမြော်အမြင်ရှိသော၊ ကြီးမြတ်သော၊ နိုင်ငံကို ဦးဆောင်နိုင်သော၊ သတ္တိဗျတ္တိနှင့် ပြည့်စုံသော လူတစ်ဦးအဖြစ် စံပြအနေနဲ့ထားပြီး သားတို့ သမီးတို့ကလည်း ဗိုလ်ချုပ်အောင်ဆန်းကဲ့သို့ တော်သော၊ တတ်သော၊ တိုင်းပြည်ကို ဦးဆောင်နိုင်သော စိတ်ထားကောင်းတဲ့ ကလေးများဖြစ်စေဖို့အတွက် ဗိုလ်ချုပ်မွေးနေ့ ဖေဖော်ဝါရီ ၁၃ ရက်ကို ကလေးများနေ့အဖြစ် သတ်မှတ်ပြီး ကျင်းပပေးတာဖြစ်ကြောင်း၊ ဒီနေ့အခမ်းအနားက အကြိုအဖြစ်လည်းကောင်း၊ ပြည်ထောင်စုနေ့အထိမ်းအမှတ်အဖြစ်လည်းကောင်း ဦးဆောင်ကျင်းပပေးတဲ့သူတွေကိ ကျေးဇူးတင်ရှိကြောင်း၊ တိုင်းရင်းသား လူမျိုးပေါင်း ၁၃၅ မျိုးရှိပြီး စုပေါင်းနေထိုင်ကြတာကို ပြည်ထောင်စုသမ္မတ မြန်မာနိုင်ငံတော်ဟု ခေါ်ဆိုပြီး ကလေးတို့ ပျော်ရွှင်စွာ နေထိုင်နေတဲ့ နိုင်ငံဖြစ်ကြောင်း၊ ငြိမ်းချမ်းတဲ့ မန္တလေးမြို့ကြီးမှာ နေထိုင်ရတဲ့အတွက် အေးဆေးစွာ ပညာသင်ကြားခွင့်ရကြပေမယ့် စစ်ဖြစ်ပွားနေတဲ့ အချို့တိုင်းရင်းသား ညီ၊ အစ်ကို၊ မောင်နှမတွေကတော့ စစ်မက်ဖြစ်ပွားပြီး ကောင်းစွာ ပညာမသင်နိုင်ကြပါကြောင်း၊ စစ်ဟာ ကောင်းကျိုးမပေးဘူးဆိုတာကို အခုအရွယ်ထဲက သိထားရပါ့မယ်။ အဲဒီလို မငြိမ်းချမ်းတဲ့ ဒေသတွေမှာ နေထိုင်နေရတဲ့ တိုင်းရင်းသား ညီ၊ အစ်ကို၊ မောင်နှမတွေကို ကိုယ်ချင်းစာပြီး သားတို့၊ သမီးတို့က ပညာကို ကြိုးစားပြီး သင်ယူကြရမည်ဖြစ်ကြောင်း”ကြိုဆိုနှုတ်ခွန်းဆက်စကားပြောကြားသည်။

 ဆက်လက်ပြီး ငါးစို့တိုက်(မိဘမဲ့ဂေဟာ)ကျောင်းနှင့် ဧရိပ်မွန်(သီလရှင်စာသင်တိုက်နှင့် မိဘမဲ့ အမျိုးသမီးလေးများ စောင့်ရှောက်ရေး သာသနာပြု အဖွဲ့)တို့က နယူးစတားလိုက် ဆောက်လုပ်ရေးကုမ္ပဏီလီမိတက်အား ဂုဏ်ပြုမှတ်တမ်းလွှာများ အသီးသီးပေးအပ်ချီးမြှင့်ကြသည်။ ယင်းနောက် ယဉ်ကျေးမှု အကအဖွဲ့က စည်းလုံးခြင်းအတွက် သီးချင်းတစ်ပုဒ် တိုင်းရင်းသားယိမ်းအကဖြင့်လည်းကောင်း၊ ဧရိပ်မွန် မိဘမဲ့ အမျိုးသမီးလေးများ စောင့်ရှောက်ရေး သာသနာပြုအဖွဲ့က ပုသိမ်ထီးအကဖြင့်လည်းကောင်း၊ ယဉ်ကျေးမှုအကအဖွဲ့က သွက်လက်မြူးကြွ မင်းသားအကဖြင့်လည်းကောင်း၊ ထာဝရသစ္စာ တိုင်းရင်းသား ယိမ်းအကဖြင့်လည်းကောင်း ဧည့်ခံဖျော်ဖြေကြသည်။

 ထို့နောက် တိုင်းဒေသကြီး ဝန်ကြီးချုပ်၏ ဇနီး အမျိုးသမီးရေးရာကော်မတီနာယကနှင့် နာယကများ၊ တာဝန်ရှိသူများက ကလေးများအား တစ်ဦးချင်း စာရေးကိရိယာများနှင့် လက်ဆောင်ပစ္စည်းများ ပေးဝေကြသည်။

 အဆိုပါ အစီအစဉ်တွင် ကလေးငယ် ၃၀၀ ခန့်ပါဝင်ကာ ပိုက်ဆက်ကစားနည်း၊ မုန့်စားပြိုင်ပွဲများ စသည်ဖြင့် ပျော်ရွှင်ဖွယ်အစီအစဉ်များစွာ ဆော့ကစား ခဲ့ကြပြီး တာဝန်ရှိသူများက အနိုင်ရရှိသူများအား ဆုလက်ဆောင်များ ပေးအပ်ချီးမြှင့်ခြင်းများအပြင် အာဟာရကျွေးမွေးခြင်း အစီအစဉ်များဖြင့် ပျော်ရွှင်စွာ ကျင်းပခဲ့သည်။