၂၀၁၈ ခုနှစ်၊ ဖေဖော်ဝါရီလ ၁၃ ရက်

 မန္တလေးတိုင်းဒေသကြီးရှိ လုပ်ငန်းရှင်များနှင့် ဂျပန်လုပ်ငန်းများ ချိတ်ဆက်လုပ်ဆောင်နိုင်ရန်နှင့် SME လုပ်ငန်းများကို အထောက်အကူဖြစ်စေရန် ရည်ရွယ်၍ ကျင်းပသော Nobeo Café Seminar ကို ဖေဖော်ဝါရီ ၁၂ ရက် မွန်းလွဲပိုင်းက ချမ်းမြသာစည်မြို့နယ်ရှိ မင်္ဂလာမန္တလေး Information Centre ခန်းမတွင်ကျင်းပရာ မန္တလေးတိုင်းဒေသကြီး ၀န်ကြီးချုပ် ဒေါက်တာဇော်မြင့်မောင်တက်ရောက်၍ စီးပွားရေးလုပ်ငန်းများရင်းနှီးမြှပ်နှံမှုနှင့် SME လုပ်ငန်းများ ဖွံ့ဖြိုးတိုးတက်ရေးဆိုင်ရာများကို ဆွေးနွေးခဲ့သည်။

 ယနေ့ကျင်းပသော Seminar သည် ၂၀၁၆ ခုနှစ် နိုဝင်ဘာလတွင် မန္တလေးတိုင်းဒေသကြီး ကုန်သည်များနှင့် စက်မှုလုပ်ငန်းရှင်များအသင်းတွင် ပြုလုပ်ခဲ့သည့် SME လုပ်ငန်းများကို ဂျပန်ကုမ္ပဏီများက နည်းပညာနှင့်ရင်းနှီးမြှပ်နှံမှုဆိုင်ရာအခွင့်အလမ်းများ ရရှိနိုင်ရန်အတွက် ပြုလုပ်ခဲ့သော Seminar ၏ နောက်ဆက်တွဲ Program လည်းဖြစ်သည်။

 "တိုင်းဒေသကြီးနဲ့ပြည်နယ်အားလုံး ဟန်ချက်ညီညီ စီးပွားဖွံ့ဖြိုးတိုးတက်ဖို့လိုပါတယ်၊ စီးပွားရေးဖွံ့ဖြိုးတိုးတက်ဖို့ဆိုတာ ငြိမ်းချမ်းရေးလိုပါတယ်၊ ငြိမ်းချမ်းမှ ရင်းနှီးမြှပ်နှံမှုတွေလာမှာပါ၊ တိုင်းပြည်ရဲ့ စီးပွားဖွံ့ဖြိုးတိုးတက်ဖို့ အသေးစားနဲ့အလတ်စားစီးပွားရေးလုပ်ငန်းတွေ ဖွံ့ဖြိုးတိုးတက်အောင်လုပ်မယ်ဆိုပြီး အစိုးရကပိုင်းဖြတ်ထားပါတယ်၊ မန္တလေးတိုင်းဒေသကြီးမှာလည်း SME တွေဖွံ့ဖြိုးဖို့ တတ်နိုင်သမျှ စောင့်ရှောက်မှာပါ၊ ဂျပန်ဟာ မြန်မာပြည်နဲ့ပတ်သက်ရင် တာဝန်ရှိပါတယ်၊ ဟိုးအရင်ခေတ်က အာရှရဲ့စီမံကိန်းထဲမှာ သူတို့ရဲ့ကိုလိုနီလုပ်ခဲ့တာ မြန်မာလည်းပါခဲ့တယ်၊ ဟန်ချက်ညီညီ စီးပွားရေးလုပ်ဖို့ တစ်နိုင်ငံတည်းနဲ့မရပါဘူး၊ ဂျပန်ရဲ့နည်းပညာ၊ ဂျပန်ရဲ့ရင်းနှီးမြှပ်နှံမှုတွေလည်း မြန်မာပြည်ထဲဝင်ချိန်တန်လာပါပြီ"ဟု ၀န်ကြီးချုပ်က ပြောကြားသည်။

 ဆက်လက်၍ ၀န်ကြီးချုပ်က ရင်းနှီးမြှပ်နှံမှုများဆောင်ရွက်ရာတွင် ခိုင်မာသည့်ငွေကြေး၊ ပိုင်ဆိုင်မှုအထောက်အထားနှင့် လိုအပ်သောအချက်လက်များ ရှိပါက အချိန်ကြာမြင့်မည်မဟုတ်ကြောင်း၊ သို့သော် EMP, EIA, SIA စသည်များလည်း လိုအပ်မည်ဖြစ်ကြောင်း၊ လုပ်ငန်း အဆင်ပြေချောမွေ့စေရန် အတွက် မိမိတို့အနေဖြင့် အကူအညီပေးနေပါကြောင်း၊ မန္တလေးမြို့တော်ကို Smart, Clean နဲ့ Green ဖြစ်စေလိုပါကြောင်း၊ မကြာခင်ကာလများတွင် မြန်မာနိုင်ငံသည် အာစီယံစီးပွားရေးအသိုက်အ၀န်း ဖြစ်လာမည်ဖြစ်သဖြင့် ရင်းနှီးမြှပ်နှံမှုများစွာရောက်ရှိလာမည်ဖြစ်ပြီး ကြိုးနီစနစ်များရှိပါက ဖြေလျော့ပေးရမည့် မူဝါဒများချမှတ်ထားပါကြောင်းကိုလည်း ထည့်သွင်းပြောကြားခဲ့သည်။

 Noboe Café သည် ကော်ဖီသောက်ရင်း စီးပွားရေးလုပ်ငန်းများ ချိတ်ဆက်လုပ်ဆောင်နိုင်ရန် နေရာတစ်ခုအဖြစ် ဖန်တီးပေးထားခြင်းဖြစ်ပြီး ယင်းကို ဂျပန်နိုင်ငံ Nobeoka မြို့နှင့် မြန်မာ-ဂျပန်စင်တာ စီးပွားရေုးလုပ်ငန်းရှင်များအသင်း MABA တို့က ပူးပေါင်း၍ မင်္ဂလာမန္တလေးတွင် ဖွင့်လှစ်ထားခြင်းဖြစ်သည်။

 Seminar တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယ၀န်ကြီး ဦးအောင်ထူးကလည်း မိမိတို့ဝန်ကြီးဌာန၏ လမ်းညွှန်မှုနှင့်အညီ မြန်မာ- ဂျပန်စင်တာအနေဖြင့် မြန်မာနိုင်ငံရှိ တိုင်းဒေသကြီးနှင့် ပြည်နယ်အနှံ့အပြားတွင် Business Course များနှင့် Seminar များကျင်းပပေးခဲ့ပြီး တိုင်းဒေသကြီးနှင့် ပြည်နယ်များမှပုဂ္ဂိုလ်များ ပါဝင်တက်ရောက်ခွင့်ရခဲ့သည့်အတွက် မြန်မာ- ဂျပန်စင်တာ ပရိုဂျက် ပူးတွဲကြီးကြပ်ရေးကော်မတီ (JCC)၏ ဥက္ကဋ္ဌတစ်ဦးအနေဖြင့် များစွာပီတိဖြစ်ရပါကြောင်း၊ မြန်မာနိုင်ငံနှင့် ဂျပန်နိုင်ငံတို့အကြား စီးပွားရေးဆွေးနွေးပွဲများနှင့် ကွန်ရက်ချိတ်ဆက်ဆောင်ရွက်ခြင်း တို့ကို လုပ်ဆောင်နိုင်ခဲ့ပြီး၊ MJC သင်တန်းသားဟောင်း စီးပွားရေးလုပ်ငန်းရှင်များအသင်း (MABA)နှင့် နိုဘယ်အိုက မြို့တို့၏ Networking မှတ်တိုင်အဖြစ် Nobeo Café ကိုလည်း ပြီးခဲ့သည့်နိုဝင်ဘာလအတွင်းက SME လုပ်ငန်းအများစုတည်ရှိရာ မန္တလေးမြို့တွင် ဖွင့်လှစ်နိုင်ခဲ့ပါကြောင်း၊ ယနေ့အခမ်းအနား သည် မြန်မာနိုင်ငံမှ စီးပွားရေးလုပ်ငန်းများနှင့် ဂျပန်နိုင်ငံ နိုဘယ်အိုကမြို့မှ စီးပွားရေးလုပ်ငန်းများ ပူးပေါင်းဆောင်ရွက်နိုင်ရန်အတွက် အခွင့်အလမ်းသစ် များကို ရှာဖွေပေးနိုင်မည့် နိုဘယ်အိုက ဆွေးနွေးပွဲနှင့်စီးပွားရေးတွေ့ဆုံပွဲကို ကျင်းပခြင်းဖြစ်သည့်အတွက် မန္တလေးမြို့တွင် နိုဘယ်အိုကဖေး ဖွင့်လှစ် နိုင်ခြင်း၏ ရလဒ်တစ်ခုပင်ဖြစ်ပါကြောင်း၊ မြန်မာ-ဂျပန် နှစ်နိုင်ငံဆက်ဆံရေး အဓွန့်ရှည်တည်တံ့ပြီး နှစ်နိုင်ငံအကျိုးစီးပွားပိုမိုတိုးတက်ပါစေရန် ဆန္ဒပြု ပါကြောင်း စသည်ဖြင့်ပြောကြားခဲ့သည်။

 ယင်းနောက် နိုဘယ်အိုကဖေး မြန်မာချစ်ကြည်ရေးအသင်းဥက္ကဋ္ဌ Mr. Kiyomoto Hideo က အသင်းပေါ်ပေါက်လာပုံနှင့် ဆောင်ရွက်ချက်များကို လည်းကောင်း၊ ဂျပန်အပြည်ပြည်ဆိုင်ရာ ပူးပေါင်းဆောင်ရွက်မှု အေဂျင်စီ(JICA)မှ Mr. Sakai Mamoru က စီးပွားရေးနှင့်နည်းပညာကဏ္ဍ ပူးပေါင်း ဆောင်ရွက်မှုများကိုလည်းကောင်း၊ မြန်မာနိုင်ငံကုန်သည်ကြီးများနှင့် စက်မှုလက်မှုလုပ်ငန်းရှင်များအသင်း (MUFCCI)၏ ဒုတိယဥက္ကဋ္ဌ၊ မြန်မာ-ဂျပန် လူ့စွမ်းအားအရင်းမြစ်ဖွံ့ဖြိုးမှုဗဟိုဌာန(MJC)၏ ဒါရိုက်တာ ဒေါက်တာမျိုးသက်က မြန်မာ-ဂျပန်လူ့စွမ်းအားအရင်းအမြစ်ကဏ္ဍ၊ စီးပွာရေးနှင့်နည်းပညာ ကဏ္ဍဆိုင်ရာပူးပေါင်းဆောင်ရွက်မှုများကိုလည်းကောင်း၊ ဂျပန်နိုင်ငံမှ စီးပွားရေးနှင့် စက်မှုလုပ်ငန်းရှင်များက စီးပွားရေးဆက်စပ်ချိတ်ဆက် ဆောင်ရွက်နိုင်မှုနှင့် မိမိတို့လုပ်ငန်းဆိုင်ရာများကိုလည်းကောင်း ရှင်းလင်းတင်ပြကြသည်။

 ယနေ့ကျင်းပသော Seminarနှင့် Business Matching တွင် ရေဆိုးပြုပြင်သောနည်းစနစ်/စက်ရုံ၊ တိရိစ္ဆာန်အရိုးကိုရောစပ်၍ တိရိစ္ဆာန်အစာတောင့် ထုတ်လုပ်သောစက်ရုံ၊ စွန့်ပစ်ပစ္စည်းကြိတ်သားသုံးလောင်စာထုတ်စက်ရုံ၊ တက္ကသိုလ်(သို့)ကုမ္မဏီများမှ CAD/CAM အတွေ့အကြုံရှိသော ကျောင်းသား များအတွက် ဂျပန်နိုင်ငံတွင် On job Training ဂျပန်စက်ရုံများမှ ခေါ်ယူမည့်အခွင့်အရေး၊ ကားပြုပြင်သောလုပ်ငန်းများနှင့် ကားအပိုပစ္စည်းတင်သွင်းသော လုပ်ငန်းများ၊ Nobeoka Area Market Union မှ ပန်းစိုက်ပျိုးထုတ်လုပ်သောလုပ်ငန်းများနှင့် အခြားလုပ်ငန်းများနှင့်ပတ်သက်၍ ဆွေးနွေးမှု၊ ချိတ်ဆက် ဆောင်ရွက်နိုင်မှုများလည်းပါဝင်သည်။

 မန္တလေးမြို့ရှိ NOBEO Café တွင် ဂျပန်နိုင်ငံ Nobeoka မြို့မှ လုပ်ငန်းများ၏ သတင်းအချက်အလက်များ၊ ချိတ်ဆက်လိုသောကုမ္မဏီများ၏ သတင်းအချက်အလက်များကို စုဆောင်းထားပြီး ဆက်သွယ်လိုသူများက မိမိစိတ်ဝင်စားသော လုပ်ငန်းအကြောင်းအရာများကို သိရှိနိုင်မည်ဖြစ်သည်။ လက်ရှိတွင် Nobeoka ကုန်သည်စက်မှုအသင်းမှလည်း ဂျပန်နိုင်ငံ Nobeoka မြို့တွင် Mandalay Café (Nobeoka) ကိုဖွင့်လှစ်ရန် စီစဉ်လျက်ရှိပြီး မန္တလေးဒေသထွက်ကုန်ပစ္စည်းများနှင့် မြန်မာကုမ္မဏီများ၏သတင်းအချက်အလက်များကို မျှဝေဆောင်ရွက်သွားမည်ဖြစ်သည်။