၂၀၁၈ ခုနှစ် မေလ ၁၅ ရက်

 လယ်ယာမြေနှင့် အခြားမြေများ သ်ိမ်းဆည်းခြင်းခံရမှုများ ပြန်လည်စိစစ်ရေး ဗဟိုကော်မတီ ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူသည် မေ ၁၅ ရက် မွန်းလွဲပိုင်းတွင် မန္တလေးတိုင်းဒေသကြီး မြစ်သားမြို့နယ်အတွင်း ကာကွယ်ရေးဝန်ကြီးဌာနမှ ပြန်လည်စွန့်လွှတ်အပ်နှံသည့် စိုက်ပျိုးမြေများအား မူလ တောင်သူများထံ ယာယီလုပ်ပိုင် ခွင့်ပြုလက်မှတ် (ပုံစံ-၃)ပေးအပ်ပွဲအခမ်းအနားသို့ တက်ရောက်၍ အမှာစကားပြောကြားသည်။

 အခမ်းအနားသို့ မန္တလေးတိုင်းဒေသကြီး ဝန်ကြီးချုပ် ဒေါက်တာ ဇော်မြင့်မောင်၊ ကာကွယ်ရေးဝန်ကြီးဌာနမှ ဒုတိယဝန်ကြီး ဗိုလ်ချုပ်မြင့်နွယ်၊ နယ်စပ် ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး ဦးစိုးအောင်၊ မန္တလေးတိုင်းဒေသကြီး ဝန်ကြီးများ၊ အမြဲတမ်းအတွင်းဝန်များ၊ လွှတ်တော်ကိုယ်စားလှယ်များ၊ တိုင်းဒေသကြီး၊ ခရိုင်၊ မြို့နယ်၊ ရပ်ကွက်နှင့် ကျေးရွာ အုပ်စုများမှ တာဝန်ရှိပုဂ္ဂိုလ်များ၊ ဒေသခံပြည်သူများ တက်ရောက်ကြသည်။

 ရှေးဦးစွာ လယ်ယာမြေနှင့် အခြားမြေများ သ်ိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူက မိမိတို့ လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ ဖွဲ့စည်းပြီးနောက် မန္တလေးတိုင်းဒေသကြီးအတွင်း ယခု ကျင်းပ သည့် အခမ်းအနားအပါအဝင် စွန့်လွှတ်အပ်နှံမြေများကို မူလတောင်သူများထံ လွှဲပြောင်းပေးအပ်ပွဲ (၅)ကြိမ် ကျင်းပနိုင်ခဲ့ပြီး တောင်သူ(၆၅၁)ဦးသို့ စိုက်ပျိုး မြေ(၂၁၅၆)ဧက လွှဲပြောင်းပေးနိုင်ခဲ့သည်ကိုတွေ့ရပါကြောင်း၊ယခုကဲ့သို့ တောင်သူများလက်ဝယ်သို့ စိုက်ပျိုးမြေများပြန်လည်ရောက်ရှိအောင် ဆောင်ရွက် ပေးခြင်းဖြင့် စိုက်ပျိုးရေးကို အခြေခံသည့် မိမိတို့နိုင်ငံ၏ ၇၀ ရာခိုင်နှုန်းသော ကျေးလက်နေပြည်သူများအတွက် အဓိက စီးပွားရေးလုပ်ငန်းဖြစ်သော လယ်ယာလုပ်ငန်း ပိုမိုဖွံ့ဖြိုးလာပြီး လူမှုစီးပွားဘဝ တိုးတက်အောင် ပံ့ပိုးပေးနိုင်မည်ဖြစ်၍ တိုင်းပြည်အကျိုး၊ ပြည်သူလူထုအကျိုးအတွက် စွန့်လွှတ်ရန် ကျန်ရှိ မြေများကိုလည်း သက်ဆိုင်ရာအဖွဲ့အစည်းများအနေဖြင့် စွန့်လွှတ်နိုင်ရေးအတွက် ဆက်လက်ကြိုးပမ်းဆောင်ရွက်သွားကြရန် တိုက်တွန်းလိုပါ ကြောင်း၊ ပြန်လည်စွန့်လွှတ်မြေများ မူလပိုင်ရှင်ထံသို့ ပြန်လည်လွှဲပြောင်းပေးသည့် အချို့ကိစ္စများတွင် သက်ဆိုင်ရာ ဝန်ကြီးဌာနမှ စွန့်လွှတ်ထားပြီးဖြစ် သော်လည်း ကာယကံရှင် လက်ဝယ်သို့ ရောက်ရှိရန်မှာ အချိန်ကြန့်ကြာနေမှုများ၊ ကာယကံရှင် လက်ဝယ်သို့ ရောက်ရှိခြင်းမရှိဘဲ အခြားသူထံသို့ ပေးအပ် ထားခြင်းများ၊ မူလလက်ငုတ်နှင့် လက်ရှိလက်ငုတ် အငြင်းပွားနေမှုများ ကျူးကျော်သူများအား ရှင်းလင်းနေရသည့် အခြေအနေများ ဖြစ်ပွားနေသည်ကို လည်း စိစစ်တွေ့ရှိရသည့်အတွက် အမှုတွဲများ ပြီးပြတ်မှုမရှိဘဲ နှောင့်နှေးနေသည်ကို တွေ့ရှိရပါကြောင်း။

 ထိုသို့ဖြစ်ပွားနေသည့် မြေယာကိစ္စများကို မျှတစွာ ဖြေရှင်းနိုင်ရန်အတွက် သက်ဆိုင်ရာအဖွဲ့အစည်းများက ပြန်လည်စွန့်လွှတ်လာသော သိမ်းဆည်းလယ်ယာမြေနှင့် အခြားမြေများကို မူလ မြေ ပိုင်ရှင်များအား ပြန်လည်ပေးအပ်နိုင်ရေးနှင့် စပ်လျဉ်း၍ မူဝါဒ(၁၀)ရပ်၊ တပ်မြေ သိမ်းဆည်းမှုနှင့် စပ်လျဉ်းသည့် မူဝါဒ(၃)ရပ်၊ သိမ်းဆည်းမြေများကို ပြန်လည်ပေးအပ်ရန် လျှောက်ထားလာခြင်းနှင့်စပ်လျဉ်း၍ စိစစ်ရန်အချက်(၄)ချက်၊ စွန့်လွှတ်ခြင်းမရှိသည့် သိမ်းဆည်းမြေများနှင့်စပ်လျဉ်း၍ စိစစ်ရန် အချက် (၅)ချက်၊ သိမ်းဆည်းထားသည့် ဌာနမှ စွန့်လွှတ်သည့် သိမ်းဆည်းမြေများနှင့်စပ်လျဉ်း၍ စိစစ်ရန် အချက်(၆)ချက်၊ စွန့်လွှတ်သည့်မြေများကို သက်ဆိုင်သူ လက်ဝယ် အမြန်ရောက်ရှိရေး လုပ်ငန်းစဉ်(၉)ရပ်၊ ပြည်နယ်/တိုင်းဒေသကြီး လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီများမှ အလေးထားဆောင်ရွက်ရန် လုပ်ငန်းစဉ် (၁၅)ချက်တို့ကို ချမှတ်ပေးထားပြီး အကောင်အထည်ဖော်ဆောင်ရွက်ပေး လျက်ရှိပါကြောင်း၊ သိမ်းဆည်းမြေဆိုင်ရာ တိုင်ကြားစာများ၊ ပြန်လည်စွန့်လွှတ်သည့် သိမ်းဆည်းမြေများနှင့်ပတ်သက်ပြီး စိစစ်ဆောင်ရွက်မှု ပိုမိုအား ကောင်းလာရန်နှင့် တွန်းအားပေးဆောင်ရွက်နိုင်ရန်အတွက် ပြည်ထောင်စုဝန်ကြီးဌာနများမှ ဒုတိယဝန်ကြီးများ ပါဝင်သည့် သိမ်းဆည်းမြေဆိုင်ရာ လုပ်ငန်း စိစစ်ရေးအဖွဲ့ (၄)ဖွဲ့ကို ပြည်နယ်/တိုင်း ဒေသကြီးများသို့ ကွင်းဆင်းစေပြီး စိစစ်ဆောင်ရွက်နေကြပြီဖြစ်၍ ပြည်သူများ လိုလားတောင့်တနေကြသော မြေ သိမ်းဆည်းခံရမှု ပြဿနာများ ဖြေရှင်းဆောင်ရွက်ရာတွင် တိုးတက်မှု အထိုက်အလျောက် ရရှိနိုင်မည်ဖြစ်ပါကြောင်း။

 စိုက်ပျိုးထုတ်လုပ်သူများ ကိုယ်တိုင် စိုက်ပျိုးထုတ်လုပ်တင်ပို့နိုင်သည်အထိ လက်ကားဈေးကွက်များ Contract Farming များ ဒေသအလိုက် ပေါ်ပေါက် လာရေးကို နိုင်ငံတော်အနေဖြင့် စီစဉ်ဆောင်ရွက်လျက်ရှိပါကြောင်း၊ ထို့ကြောင့် တောင်သူလယ်သမားဦးကြီးများအနေဖြင့် မိမိတို့ ပိုင်ဆိုင်လုပ်ကိုင်ခွင့်ရ သော လယ်ယာမြေများကို ဈေးကောင်းပေးသည့်တိုင်အောင် မရောင်းချဘဲ သားစဉ်မြေးမြစ် လယ်ယာကို ချစ်ခင်ရင်းနှီးလုပ်ကိုင်သွားကြရင်းဖြင့် တောင်သူ လယ်သမားကြီးများ၏ လူမှု စီးပွားဘဝ မြင့်မားလာရန် အခါအခွင့်သင့်သည့် အချိန်ကောင်းကို ရောက်လာတော့မည်ဖြစ်ပါကြောင်း။

 မြန်မာနိုင်ငံ၏ ဆန်စပါးစိုက်ပျိုးထုတ်လုပ်မှု သမိုင်းကိုကြည့်ပါက ကမ္ဘာ့နံပါတ် (၁)ဆန်တင်ပို့သော နိုင်ငံအဖြစ် ရပ်တည်ခဲ့ရာမှ ခေတ်အဆက်ဆက် တဖြည်းဖြည်း လျော့ကျလာခဲ့ပြီး ယခု ၂၀၁၇ - ၂၀၁၈ ဘဏ္ဍာနှစ်အတွင်း ဆန်တန်ချိန် ၃ ဒသမ ၅၈ သန်းကျော် တင်ပို့နိုင်ခဲ့၍ နှစ်ပေါင်း ၇၃ နှစ်အတွင်း အများဆုံးစံချိန်တင် တင်ပို့နိုင်မှုအဖြစ် ပြန်လည်ရရှိလာခဲ့ပြီဖြစ်ပါကြောင်း။ ၂၀၁၇ - ၂၀၁၈ ဘဏ္ဍာရေးနှစ်အတွင်း မြန်မာနိုင်ငံ၏ လယ်ယာထွက်ကုန်ပစ္စည်း တင်ပို့မှုအနေဖြင့် အမေရိကန်ဒေါ်လာ ၃၀၈၀ ဒသမ ၅၃ သန်းရှိသည့်အနက် ဆန်တင်ပို့မှု တန်ဖိုး အမေရိကန်ဒေါ်လာ ၁၁၄၀ သန်းရှိသည့်အတွက် လယ်ယာထွက်ကုန်ပစ္စည်း တင်ပို့မှု၏ ၃၇ ရာခိုင်နှုန်း ကျော်ရှိသည်ကို တွေ့ရပါကြောင်း။

 ပြည်ပပို့ကုန် တင်ပို့မှုအတွက် အရေးပါသော လယ်ယာကဏ္ဍ၌ လုပ်ပိုင်ခွင့်ရ တောင်သူလယ်သမားကြီးများအနေဖြင့်လည်း မိမိတို့ဘဝ အဆင့်အတန်း မြင့်မားရေး၊ မိမိတို့ ဒေသဖွံ့ဖြိုးတိုးတက်ရေး၊ မိမိတို့ မှီတင်းနေထိုင်ရာ နိုင်ငံဖွံ့ဖြိုးတိုးတက်ရေးအတွက် ပြည်တွင်းစားသုံးရမည့် စားနပ်ရိက္ခာများ ဖူလုံစေရုံ သာမက ဈေးကွက်ဝင် ပြည်ပပို့ကုန်များအဖြစ်ပါ တိုးမြှင့် စိုက်ပျိုးလုပ်ကိုင်သွားကြရန် အလေးအနက် တိုက်တွန်းလိုပါကြောင်း ပြောကြားသည်။

 ဆက်လက်၍ မန္တလေးတိုင်းဒေသကြီး လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးကော်မတီဥက္ကဋ္ဌ တိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က မန္တလေး တိုင်းဒေသကြီးအတွင်း မြေယာကိစ္စ တိုင်ကြားစာများအပေါ် ဖြေရှင်းဆောင်ရွက်မှုနှင့် စွန့်လွှတ်မြေများကို မူလတောင်သူများထံသို့ ပြန်လည်လွှဲပြောင်းပေးအပ်မှု အခြေအနေများကို ရှင်းလင်းတင်ပြသည်။

 ယင်းနောက် အလယ်ပိုင်းတိုင်းစစ်ဌာနချုပ် အမှတ် (၁)ဘက်စုံ စိုက်ပျိုးမွေးမြူရေးခြံ (မိုင်းမော)မှ ဒုတိယဗိုလ်မှူးကြီး စိန်လင်းထွန်းက ပြန်လည် စွန့်လွှတ်မြေများနှင့်သက်ဆိုင်သည့် စာရွက်စာတမ်းများအား ခရိုင်အုပ်ချုပ်ရေးမှူးထံ လွှဲပြောင်းပေးအပ်သည်။

 ဆက်လက်၍ မန္တလေးတိုင်းဒေသကြီးဝန်ကြီးချုပ် ဒေါက်တာ ဇော်မြင့်မောင်၊ ကာကွယ်ရေးဝန်ကြီးဌာနမှ ဒုတိယဝန်ကြီး ဗိုလ်ချုပ်မြင့်နွယ်၊ နယ်စပ်ရေးရာ ဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်၊ မန္တလေးတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဒေါက်တာ စိုးသန်းတို့က ယာယီ လယ်ယာမြေလုပ်ပိုင်ခွင့် (ပုံစံ - ၃)များအား မြစ်သားမြို့နယ် သရက်ပင်ကံကျေးရွာ တောင်သူများ၏ ကိုယ်စား တောင်သူ ဦးအောင်မင်း၊ ဦးဖိုးကောင်း၊ ဦးကြည်လုံးနှင့် ဦးမြင့်သိန်းတို့ထံ လွှဲပြောင်း ပေးအပ်ကြသည်။

 ထို့နောက် မြေယာပြန်လည်လုပ်ပိုင်ခွင့်ရရှိသည့် မူလတောင်သူများ ကိုယ်စား တောင်သူ ဦးအောင်မင်းက ကျေးဇူးတင်စကား ပြန်လည်ပြောကြားသည်။

ယနေ့အခမ်းအနားတွင် မြစ်သားမြို့နယ်အတွင်းရှိ အလယ်ပိုင်းတိုင်းစစ်ဌာနချုပ် အမှတ် (၁)ဘက်စုံ စိုက်ပျိုးမွေးမြူရေးခြံ (မိုင်းမော)မှ အမှန်တကယ် လိုအပ်သည့် မြေကိုသာ အသုံးပြုပြီး စိုက်ပျိုးမြေဧရိယာ ဧက ၂၁၈ ဒသမ ၉၀ ဧကကို တောင်သူ (၅၃)ဦးလက်ဝယ်သို့ ယာယီလုပ်ပိုင်ခွင့်ပြု လက်မှတ် (ပုံစံ-၃)များ ပြန်လည်လွှဲပြောင်းပေးခဲ့သည်။

 ယင်းနောက် ဒုတိယသမ္မတ ဦးဟင်နရီဗန်ထီးယူသည် ကျောက်ဆည်မြို့ရှိ ကျောက်ဆည်ခရိုင် ပြည်သူ့ဝန်ဆောင်မှုရုံးသို့ ရောက်ရှိပြီး လုပ်ငန်းဆောင်ရွက် နေမှုများကို လှည့်လည်ကြည့်ရှု၍ ဒေသခံ ပြည်သူများအား တွေ့ဆုံအားပေးသည်။