၂၀၁၈ခုနှစ်၊ အောက်တိုဘာလ ၉ ရက်နေ့

 အမျိုးသားယဉ်ကျေးမှုအမွေအနှစ်များထိန်သိမ်းရန်အစိုးရနှင့် နိုင်ငံသူ/သားများတွင် တာဝန်ကိုယ်စီရှိကြောင်း၊ ဦးပိန်တံတားအား ရှေးမူမပျက်ရေရှည် တည်တံ့ခိုင်မြဲ၍မန္တလေးမြို့၏ပြယုဒ်အဖြစ် ဆက်လက်တည်နိုင်ရန်အတွက် သိပ္ပံနည်းကျကျပြုပြင်ဆောင်ရွက်သည့်နည်းလမ်းများလိုအပ်သည်ဟု တိုင်းဒေ သကြီး ဝန်ကြီးချုပ်ဒေါက်တာ ဇော်မြင့်မောင်ကပြောကြားသည်။

 မန္တလေးမြို့တော်စည်ပင်သာယာရေးကော်မတီ ခြောက်ထပ်ဆောင်ရှိ အစည်အဝေးခန်းမတွင် ယနေ့နံနက်၁၁နာရီခွဲက ပြုလုပ်သည့် ဦးပိန်တံတားအား ရှေးမူမပျက် ရေရှည်တည်တံ့နိုင်ရေးအတွက် သိပ္ပံနည်းကျ ထိန်းသိမ်းစောင့်ရှောက်မှုလုပ်ငန်းများ၏လေ့လာချက်ရလဒ်အစီရင်ရင်ခံစာလွှဲပြောင်း ပေးအပ်ပွဲ တွင် ဝန်ကြီးချုပ်က ယင်းကဲ့သို့ပြောကြားခဲ့ခြင်းဖြစ်သည်။

 ဦးပိန်တံတား၏သက်ဝင်လှုပ်ရှားမှုကို လုံးဝပျောက်ကွယ်သွားခြင်းမရှိကာ ရှေးမူမပျက်မူလ အဟောင်းအတိုင်းပြုပြင်မည်ဆိုသည့်ဆောင်ပုဒ်နှင့်အညီ ယင်း သဘောတရားများကို အုပ်မြစ်ချပြုပြင် ထိန်းသိမ်းမှုများ ဆောင်ရွက်သွားမည်ဖြစ်ကြောင်းလည်း ယင်းအခမ်းအနားဆွေးနွေးတင်ပြချက်များ အရသိရသည်။

“ကျွန်တော်တို့ရဲ့ ယဉ်ကျေးမှုအမွေအနှစ်တွေ ထိခိုက်ပျက်စီးမှုမရှိစေဘဲ စီးပွားရေးဖွံ့ဖြိုးတိုးတက်မှုတွေနဲ့ ကျွန်တော်တို့ရဲ့အမျိုးသားယဉ်ကျေးမှု အမွေအနှစ် တွေထိန်းသိမ်းဖို့ရာအစိုးရနဲ့ နိုင်ငံသူ/သားတွေမှာ တာဝန်ကိုယ်စီရှိကြပါတယ်၊ ဦးပိန်တံတားအား ရှေးမူမပျက်ရေရှည်တည်တံ့ခိုင်မြဲပြီး မန္တလေးမြို့၏ ပြယုဒ်အဖြစ် ဆက်လက်တည်နိုင်ဖို့ သိပ္ပံနည်းကျကျပြုပြင်ဆောင်ရွက်တဲ့နည်းလမ်းတွေလိုအပ်ပါတယ်၊ စီးပွားရေးမူဝါဒ(၁၂)ချက်နဲ့အညီဆောင်ရွက်နေတဲ့ ကာလလည်း ဖြစ်ပါတယ်၊ ယဉ်ကျေးမှုအမွေ အနှစ်တွေဖော်ထုတ်ဖို့လည်းရှိတယ်၊ အလုံးစုံတော့ မလုပ်နိုင်သေးပါဘူး၊ ကမ္ဘာကြီးဟာသီးခြာနေလို့မရပါဘူး၊ နိုင်ငံအချင်းချင်းပူးပေါင်းဆောင်ရွက်ကြရတာပါ၊ မန္တလေးမှာ နိုင်ငံခြားသားတွေ လာရောက်လေ့လာမှု တွေများပါတယ်၊ ဦးပိန်တံတားကိုပြုပြင်ထိန်းသိမ်းဖို့ တာဝန်ရှိတယ်ဆိုတာလည်း သိရပါတယ်၊ နောင်နှစ်ပေါင်းများစွာ ထိန်းသိမ်းဖို့လိုအပ်ပါတယ်၊ ယခုလိုမျိုး မြန်မာနိုင်ငံ၊ မန္တလေးမှာရှိတဲ့ ဦးပိန်တံတားကို ရှေးမူ မပျက်ပြင်ဆင်ဆောင်ရွက်နိုင်အောင် ကူညီဆောင်ရွက်ပေးကြသည့် ပညာရှင်များကိုလည်း ကျေးဇူးတင် ရှိပါတယ်}}ဟု ဝန်ကြီးချုပ်က ဆက်လက်ပြောသည်။

 ထို့နောက် မြန်မာနိုင်ငံဆိုင်ရာ ဂျာမနီနိုင်ငံသံအမတ်ကြီး H.E Dorothee Janetzke Wenzelက ဝမ်းမြောက်ကြောင်းစကားပြောကြား၍ဂျာမနီနိုင်ငံမှပညာရှင် Mr.Karl Kleinebergနှင့် နည်းပညာတက္ကသိုလ်(မန္တလေး)၊ ဗိသုကာဌာနမှ ဒေါက်တာဇာခြည်မင်းတို့က ဦးပိန်တံတားကြီးအား  ရေရှည်တည်တံ့ ခိုင်မြဲရေးအတွက် ထိန်းသိမ်းစောင့်ရှောက်မှုလုပ်ငန်းများ၏လေ့လာချက်(ရလဒ်)အစီရင်ခံစာအား တကရောက်လာကြသူများအားပရိုဂျက်တာဖြင့် အသေး စိတ်ရှင်းလင်းတင်ပြကြပြီးနောက် တိုင်းဒေသကြီး ဝန်ကြီးချုပ်ထံသို့ ဂျာမနီ နိုင်ငံသံအမတ်ကြီး H.E Dorothee Janetzke Wenzelကလေ့လာချက် (ရလဒ်) အစီရင်ခံစာအား လွှဲပြောင်းပေးအပ်သည်။ ယင်းနောက် မန္တလေးနည်းပညာတက္ကသိုလ် ပါမောက္ခချုပ် ဒေါက်တာဆင့်စိုးက ကျေးဇူးတင်စကား ပြန်လည် ပြောကြားပြီးနောက် တိုင်းဒေသကြီး ဝန်ကြီးချုပ်၊ မြန်မာနိုင်ငံဆိုင်ရာ ဂျာမနီ နိုင်ငံသံအမတ်ကြီး၊ တိုင်းဒေသကြီး အစိုးရအဖွဲ့ဝင်ဝန်ကြီးများ၊ မြို့တော် စည်ပင်သာယာရေးကော်မတီ၊ဒုတိယဥက္ကဋ္ဌ၊ဒုတိယမြို့တော်ဝန်နှင့်အတွင်းရေးမှူး၊ ဌာနဆိုင်ရာ တာဝန် ရှိသူများ၊ ဂျာမနီနိုင်ငံမှ ပညာရှင်များသည် စုပေါင်း၍ အမှတ်တရ့မှတ်တမ်းတင် ဓါတ်ပုံရိုက်ကူး ခဲ့ကြသည်။

 “ဒီပရောဂျက်ကို ၂၀၁၅ခုနှစ်အောက်တိုဘာလလောက်ကစတယ်လို့ပြောလို့ရပါတယ်၊ ကျွန်မတို့ နဲ့တွဲလုပ်နေတဲ့ ဂျပန်၊ဂျာမနီကပညာရှင်တွေရှိပါတယ်၊ ဂျာမနီက ပညာရှင်တွေက ကူညီမှုတွေပေးပါတယ်၊ ဒါကြောင့်တိုင်းဒေသကြီးအစိုးရအဖွဲ့ကတာဝန်ရှိသူတွေနဲ့လည်းပူးပေါင်းဆောင်ရွက်ဖြစ်ခဲ့တယ်၊ ရှေးမူ မပျက် ပြုပြင်ထိန်းသိမ်းမှုအတွက် အချက်အလက်တွေကို စုဆောင်းတယ်၊ အရင်တုန်းက ပြုပြင်ခဲ့တာတွေကို လေ့လာမှတ်သားပါတယ်၊ အဲ့ဒီကိုသွားပြီး လက်ရှိဖြစ်ပေါ်နေတဲ့အခြေအနေတွေကိုသုံးသပ်လေ့လာ တယ်၊ဘာကြောင့်ပျက်စီးသလဲဆိုတဲ့ နည်းလမ်းတွေကို ပညာရှင်တွေနဲ့စုပေါင်းပြီး နည်းလမ်းရှာဖွေ ပါတယ်၊အက်ရှင်ပလန်ကိုတော့၂၀၁၉ခုနှစ်မှာ အရင်ဆုံးလုပ်ရပါမယ်၊ အဓိကကျတဲ့အစိတ်အပိုင်းကို လုပ်ဆောင်ဖို့ပါ၊ နည်းပညာလေ့လာမှုတွေကို နှစ်နှစ်လောက်အချိန်ယူပြီးတော့ ဂျာမနီကနည်းပညာရှင်တွေ နဲ့ပူးပေါင်းပြီး ရလဒ်တွေထွက်လာတာပါ၊ ဒီအတွက် ဘတ်ဂျက်ဘယ်လောက်ကုန်မလဲ၊ ဘယ်လိုသစ် အမျိုးအစားတွေလိုအပ်မလဲဆိုတဲ့အသေးစိတ်လေးတွေ၊ အကြံညဏ်လေးတွေပေးထားပါတယ်၊ ဒီလို အကြပြုပေးချက်လေးတွေကို စဉ်စား ဆုံးဖြတ်ပြီးတော့ တိုင်းဒေသကြီးအစိုးရအနေနဲ့ မြန်မြန်အကောင် အထည်ဖော်ဆောင်ပေးဖို့ တင်ပြချင်ပါတယ်’’ ဟု နည်းပညာတက္ကသိုလ် (မန္တလေး)၊ ဗိသုကာဌာနမှ ဒေါက်တာဇာခြည်မင်းက ယင်းအခမ်းအနားတွင် မီဒီယာများကတွေ့ဆုံမေးမြန်းစဉ်ဖြေကြားသည်။

 “ဦးပိန်တံတားဆိုတာဟာ အင်မတန်ချစ်စရာကောင်းတဲ့အရာတစ်ခုလို့ပြောလို့ရပါတယ်၊ ကျွန်တော်တို့အနေနဲ့ ဦးပိန်တံတားကိုအခေါက်(၅၀)လောက် ရောက်ခဲ့ပြီးပါပြီ၊ ဒီတံတားအပေါ်သွားလိုက်တိုင်း ပြည်သူတွေဦးပိန်တံတားကိုချစ်မြတ်နိုးကြတယ်ဆိုတာတွေ့လိုက်တဲ့အခါကြည်နူးခံစားမိပါတယ်၊ အရေးကြီးဆုံးကဦးပိန်တံတားကြီးဟာ အခြေအနေကောင်းတစ်ခုမှာမရှိတော့ပါဘူး၊ ရှေးမူမပျက် ပြုပြင်ထိန်းသိမ်းဖို့ လိုအပ်နေပါပြီ၊ မြန်မာနိုင်ငံက ဗိသုကာ ပညာရှင်တွေ၊ မြို့တော်စည်ပင်ကပညာရှင်တွေ၊နည်းပညာ တက္ကသိုလ်ကကျောင်းသား/သူတွေ၊ ဂျာမနီကပညာရှင်တွေပူးပေါင်းပြီးဒီပရောဂျက်ကို ဆောင်ရွက်ခဲ့ပါတယ်၊ ကျွန်တော်အနေနဲ့၂၀၂၃ခုနှစ် ဦးပိန်တံတားကြီးရှေးမူမပျက်ပြုပြင်ထိန်းသိမ်းပြီးသွားတာကို မြင်တွေ့ ချင်ပါတယ်’’   ဟုဂျာမနီနိုင်ငံမှပညာရှင် Mr.Karl Kleinebergကမီဒီယာများ၏တွေ့ဆုံမေးမြန်မှု့ တွင်ဖြေကြားသည်။