၂၀၁၈ ခုနှစ်၊ ဒီဇင်ဘာလ ၅ ရက်

 သီးနှံအထွက်တိုးရန်အတွက် နည်းပညာများလိုအပ်သကဲ့သို့ မိမိတို့နိုင်ငံတွင်ရှိသည့် တောင်သူများ  အဓိကကျသည့် မျိုးကောင်းမျိုးသန့်ရရှိရေးအတွက် ရည်ရွယ်သည့်အပြင် စမ်းသပ်စိုက်ပျိုး၍ ထွက်ရှိလာသော မျိုးကောင်းမျိုးသန့်များကို တောင်သူများလေ့လာနိုင်ရန်အတွက် ယနေ့အခမ်းအနားကို ကျင်းပခြင်းဖြစ်ကြောင်း မန္တလေးတိုင်းဒေသကြီးအစိုးရအဖွဲ့ ဒေါက်တာဇော်မြင့်မောင်က အဖွင့်အမှာစကားတွင် ထည့်သွင်းပြောကြားခဲ့သည်။

 ၂၀၁၈ ခုနှစ်၊ ဒီဇင်ဘာ ၅ ရက် နံနက် ၈ နာရီခွဲက ချမ်းမြသာစည်မြို့နယ်၊ မန္တလာသီရိအားကစားကွင်းတွင်ပြုလုပ်သည့် WHH(ISSD MYANMAR)မှ ကြီးမှူးကျင်းပသော မျိုးစေ့ပြပွဲ(မန္တလေး)ဖွင့်ပွဲအခမ်းအနားတွင် ဝန်ကြီးချုပ်က အထက်ပါအတိုင်းပြောကြားခဲ့ပြီး တာဝန်ရှိသူများနှင့်အတူ မျိုးစေ့ပြပွဲကို ဖဲကြိုးဖြတ်ဖွင့်လှစ်ပေးခဲ့သည်။

 မြန်မာနိုင်ငံ၏ လယ်ယာစိုက်ပျိုးရေးကဏ္ဍတွင် အရေးကြီးသော မျိုးကောင်းမျိုးသန့်၊ မျိုးစေ့များရရှိရေးနှင့် မျိုးစေ့ကဏ္ဍဖွံ့ဖြိုးတိုးတက်ရေးသည် စီမံကိန်း၏ မူလရည်ရွယ်ချက်ဖြစ်သောကြောင့် ယင်းမှဖြစ်ပေါ်လာသော မျိုးကောင်းမျိုးသန့်မျိုးစေ့များအား မြန်မာ့တောင်သူကြီးများ အကျိုးရှိစွာအသုံးပြုနိုင်ရန် ရည်ရွယ်၍ပြုလုပ်ခြင်းဖြစ်ပြီး  ၎င်းမျိုးစေ့ပြပွဲကို ၂၀၁၈ ခုနှစ်၊ ဒီဇင်ဘာလ ၅ ရက်နေ့မှ ဒီဇင်ဘာလ ၆ ရက်နေ့အထိ နေ့စဉ် နံနက် ၈ နာရီမှ ညနေ ၄ နာရီခွဲ ထိ နှစ်ရက်တိုင် ပြုလုပ်သွားမည်ဖြစ်သည်။

 “မိမိတို့နိုင်ငံဟာ လယ်ယာစိုက်ပျိုးရေးကိုအခြေခံတဲ့ နိုင်ငံဖြစ်ပါတယ်၊ ကျေးလက်မှာရှိတဲ့ ပြည်သူတွေဟာလည်း ၇၀%ရှိနေတဲ့အတွက် စိုက်ပျိုးရေး ကဏ္ဍနဲ့ တောင်သူတွေရဲ့ဘ၀ဖွံ့ဖြိုးတိုးတက်ခဲ့ရင် နိုင်ငံရဲ့စီးပွားရေးဟာလည်း ဖွံ့ဖြိုးတိုးတက်မယ်လို့ယုံကြည်မိပါတယ်၊ မန္တလေးတိုင်းဒေသကြီးမှာ အားသာချက်(၃)ချက်ရှိနေတဲ့အတွက် တိုင်းဒေသကြီးမှထွက်ရှိတဲ့ စိုက်ပျိုးသီးနှံတွေကိုလည်း ပြည်ပကိုတင်ပို့လျှက်ရှိပါတယ်။ စိုက်ပျိုးရေးကဏ္ဍ ဖွံ့ဖြိုး တိုးတက်ခြင်းဟာ စာနပ်ရိက္ခာဝမ်းစာတွေကို ဖူလုံစေပါတယ်၊ ဒါတွေမဖူလုံရင်တော့ မတည်ငြိမ်မှုကိုဖြစ်စေမှာပါ၊ လူဦးရေတိုးတက်လာတာနဲ့အညီ စာနပ်ရိက္ခာဖူလုံရေးအတွက် ပိုမိုစိုက်ပျိုးထုတ်လုပ်ရမှာပါ၊ မျိုးကောင်းမျိုးသန့်ရရှိရေးအတွက် နယ်သာလန်အစိုးရကလည်းကူညီသလို မိတ်ဖက် အဖွဲ့အစည်းတွေကလည်း စိုက်ပျိုးရေး၊ မွေးမြူရေးနှင့်ဆည်မြောင်ဝန်ကြီးဌာနတို့နဲ့ ပူးပေါင်းဆောင်ရွက်ပြီး သီးနှံအထွက်တိုးအောင် ဆောင်ရွက်နေပါ တယ်”ဟု ဝန်ကြီးချုပ်က ဆက်လက်ပြောသည်။

 စစ်ကိုင်းတိုင်းနှင့် မန္တလေးတိုင်းဒေသကြီးအတွင်း၌ရှိသည့် မြို့နယ်(၃)မြို့နယ်စီတွင် မျိုးကောင်းမျိုးသန့်များ ထုတ်လုပ်ဖြန့်ဖြူးပေးနေခြင်းများရှိပါကြောင်း၊ ယနေ့ပြပွဲတွင် စိုက်ပျိုးသီးနှံ(၈)မျိုးကို မျိုးကောင်းမျိုးသန့် ထုတ်လုပ်ထားသည်ဟုသိရှိရပါကြောင်း၊ ယင်းသီးနှံများသည် မိမိတို့နိုင်ငံအတွက် အဓိက ပို့ကုန်များဖြစ်သကဲ့သို့ နိုင်ငံ၏စီးပွားရေးဖွံ့ဖြိုးရန်အတွက် အဓိကသီးနှံတွေဖြစ်ပါကြောင်း၊ ၎င်းမျိုးကောင်းမျိုးသန့်မျိုးစေ့များကို တောင်သူများက လေ့လာ ကြပြီး စိုက်ပျိုးကြရမည်ဖြစ်ပါကြောင်း၊ နည်းပညာတွေအကူအညီ၊ မြေဩဇာထုတ်ရောင်းသည့်အဖွဲ့များလည်း ကူညီမည်ဆိုလျှင် မန္တလေးတိုင်းဒေသကြီး သည် စိုက်ပျိုးရေးကဏ္ဍတွင် ဖွံ့ဖြိုးတိုးတက်လာမည်ဟု ယုံကြညိမိပါကြောင်း ဝန်ကြီးချုပ်ကဆိုသည်။

 ဆက်လက်၍ နယ်သာလန်အစိုးရကိုယ်စား နယ်သာလန်သံရုံး Agriculture Counsellor Mr.Fredrrik Heijink မှ နှုတ်ခွန်းဆက်စကားပြောကြား၍ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာန၊ ညွှန်ကြားရေးမှူးချုပ် ဒေါက်တာရဲတင့်ထွန်းက မြန်မာနိုင်ငံမျိုးစေ့ကဏ္ဍ ဖွံ့ဖြိုး တိုးတက်စေရန် အရေးပါပုံအကြောင်းနှင့်ပတ်သက်၍ ရှင်းလင်းတင်ပြပြီးနောက် ဝန်ကြီးချုပ်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တက်ရောက် လာကြသူများသည် စုပေါင်း၍ မှတ်တမ်းတင်ဓါတ်ပုံရိုက်ကူးခဲ့ကြသည်။

 ထို့နောက် ဝန်ကြီးချုပ်နှင့်အဖွဲ့သည် မျိုးစေ့ပြပွဲတွင် ဒေသတွင်းမျိုးစေ့ထုတ်ကုမ္ပဏီများ၊ ဓါတ်မြေဩဇာကုမ္ပဏီများနှင့်   ISSD Myanmar စီမံကိန်းနှင့် ပူးပေါင်းဆောင်ရွက်နေသော မိတ်ဖက်အဖွဲ့အစည်းများ၊ မျိုးစေ့ထုတ်တောင်သူများ ပါဝင်ပြသကြသည့် ပြခန်းပေါင်း(၃၀)အား လိုက်လံကြည့်ရှုခဲ့ကြသည်။

 မြန်မာနိုင်ငံမျိုးစေ့ကဏ္ဍ ဘက်စုံဖွံ့ဖြိုးတိုးတက်ရေးစီမံကိန်းအား(ISSD Myanmar Program)၊ နယ်သာလန်နိုင်ငံအစိုးရ၏ ထောက်ပံ့ကူညီပေးမှုဖြင့် မြန်မာနိုင်ငံအလယ်ပိုင်းအပူပိုင်းဇုံဒေသတွင် စိုက်ပျိုးရေး၊ မွေးမြူရေးနှင့် ဆည်မြောင်ဝန်ကြီးဌာန(MOALI)နှင့် ပူးပေါင်းကာ ဂျာမဏီနိုင်ငံအခြေစိုက်အဖွဲ့ ဖြစ်သည့်  Welthungerhilfe (WHH) INGO အဖွဲ့မှ မျိုးစေ့ထုတ်လုပ်ခြင်းလုပ်ငန်းအား ဒေသခံတောင်သူများနှင့်အတူ အကောင်အထည်ဖော်ဆောင်ရွက် လျှက်ရှိကြောင်းလည်း ယင်းအခမ်းအနားမှသိရသည်။