၂၀၁၉ ခုနှစ်၊ ဖေဖော်ဝါရီ ၈ ရက်

 ပြည်သူများ၏ကျန်းမာရေးစောင့်ရှောက်ပေးခြင်းသည် နိုင်ငံ၏ကျန်းမာရေးစောင့်ရှောက်ခြင်းဖြစ်သည်ဟု မိမိအနေဖြင့်ခံယူပါကြောင်း၊ ပြည်သူများကျန်းမာမှ နိုင်ငံအတွက်အလုပ်လုပ်နိုင်သည့် အင်အားစုတိုးတက်၍ ဖွံ့ဖြိုးတိုးတက်လာမည်ဖြစ်ကြာင်း တိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က ပြောကြားခဲ့သည်။

 ၂၀၁၉ ခုနှစ် ဖေဖော်ဝါရီလ ၈ ရက်နေ့ နံနက်ပိုင်းက ချမ်းအေးသာစံမြို့နယ်၊ မြန်မာနိုင်ငံဆရာဝန်အသင်း(မန္တလေး) ရတနာပုံခန်းမတွင် ပြုလုပ်သည့် ၂၆ ကြိမ်မြောက် နားနှင့်နှာခေါင်း၊ ဦးခေါင်းနှင့်လည်ပင်း၊ ခွဲစိတ်ဆရာဝန်များညီလာခံတွင် ဝန်ကြီးချုပ်က ယင်းသို့ ပြောကြား ခဲ့ခြင်းဖြစ်သည်။

 “ပြည်သူတွေရဲ့ကျန်းမာရေးစောင့်ရှောက်တာဟာ နိုင်ငံတော်ရဲ့ကျန်းမာရေးစောင့်ရှောက်ခြင်းဘဲဖြစ်တယ်လို့ မိမိယုံကြည်ထားပါတယ်၊ ဒီလိုညီလာခံ ပြုလုပ်ခြင်းကို အားပေးပါတယ်၊ ပြည်သူတွေကျန်းမာမှ အလုပ်လုပ်လုပ်နိုင်မှာပါ၊ အလုပ်သမားအင်အားကြီးလာမှ တိုင်းပြည်ရဲ့ ဂျီဒီပီ တိုးတက်လာမှာပါ၊ ဆရာဝန်တွေ ဝန်နဲ့အားမမျှတဘူးဆိုတာလည်းသိပါတယ်၊ ကျေးလက်နေပြည်သူတွေဟာ သူတို့ဒေသမှာ သူတို့ရဲ့လက်လှမ်းမှီတဲ့ ကျေးလက်ဆေးပေးခန်း လေးတွေ ရှိစေချင်ကြပါတယ်၊ ဒါဟာပြည်သူ့ဆန္ဒပါ”ဟု ဝန်ကြီးချုပ်က ပြောကြားသည်။

 မန္တလေးမြို့တွင် ယင်းညီလာခံကျင်းပခြင်းသည် (၃)ကြိမ်မြောက်ဖြစ်ပြီး ယခု(၂၆)ကြိမ်မြောက်ညီလာခံကို ဖေဖော်ဝါရီလ ၇ ရက်နေ့မှ ၉ ရက်နေ့အထိ ကျင်းပသွားမည်ဖြစ်ကာ ညီလာခံမှ ပညာရှင်များ၏ဆေးပညာရပ်ဆိုင်ရာ ဆွေးနွေးချက်များမှရရှိလာသော အသိပညာနှင့်အတွေ့အကြုံများဖြင့် တိုင်းရင်းသားညီအစ်ကိုမိဘပြည်သူများ၏ကျန်းမာရေးအတွက် ပိုမိုပြုစုစောင့်ရှောက်နိုင်ရန်မျှော်မှန်းကြောင်းလည်း

ဆေးပညာရှင်များကသုံးသပ်ကြသည်။

 “ဆရာဝန်အင်အားက Public Sectors မှာနည်းနေပြီး Private Sectors မှာပိုများနေတာတွေ့ရပါတယ်၊ လူတစ်ထောင်မှာ အထူးကု ဆရာဝန် ၀ ဒသမ ၆ လောက်ဘဲရှိပြီး သူနာပြုက ၀ ဒသမ ၉ လောက်ရှိနေပါတယ်၊ ဒါတွေဟာလည်း အကြောင်းအမျိုမျိုးကြောင့်ဖြစ်မှာပါ၊ နိုင်ငံတော်အနေနဲ့ ပြည်သူ့ကျန်းမာရေး လုပ်ငန်းများအတွက် ဘတ်ဂျက်တွေတိုးပြီး ဆောင်ရွက်နေသလို တည်ဆောက်ရေးလုပ်ငန်း၊ ကျန်းမာရေးအသိပညာပေးလုပ်ငန်း၊ ကြိုတင်ကာကွယ် တားဆီးရေးလုပ်ငန်းများကိုပါ ဆောင်ရွက်နေပါတယ်၊ ကျွန်တော်တို့ နိုင်ငံတကာနဲ့ ယှဉ်နိုင်ဖို့အတွက် လူသားအရင်းအမြစ်တွေရှိပါတယ်၊ အားလုံးကဝိုင်းဝန်း ကြိုးစားကြစေချင်ပါတယ်”ဟုလည်း ဝန်ကြီးချုပ်က အဖွင့်အမှာစကားတွင် ထည့်သွင်းပြောကြားခဲ့သည်။

 ယင်းအခမ်းအနားတွင် မြန်မာနိုင်ငံဆရာဝန်အသင်း(မန္တလေး)ဥက္ကဋ္ဌ ပါမောက္ခ ဒေါက်တာခင်မောင်မြင့်၊ နား၊ နှာခေါင်း၊ လည်ချောင်း၊ ဦးခေါင်းနှင့် လည်ပင်းခွဲစိတ်အထူးကုဆရာဝန်များအဖွဲ့ဥက္ကဋ္ဌ၊ ညီလာခံကျင်းပရေးကော်မတီဥက္ကဋ္ဌ၊ ပါမောက္ခ ဒေါက်တာယုယုလွင် တို့ကလည်း အခမ်းအနား ကျင်းပရခြင်းနှင့် ကုသရေး၊ ဆေးပညာရပ်ဆိုင်ရာကဏ္ဍများတိုးတက်ရေးတို့နှင့်စပ်လျဉ်း၍ ဆွေးနွေးပြောကြားပြီး တွဲဘက်ပါမောက္ခ ဒေါက်တာမိုးသီတာလွင် က ကြိုဆိုနှုတ်ခွန်းဆက်စကား ပြောကြားကြသည်။

 ယင်းနောက် တိုင်းဒေသကြီးဝန်ကြီးချုပ်နှင့် တိုင်းဒေသကြီး စည်ပင်သာယာရေးဝန်ကြီး၊ မန္တလေးမြို့တော်ဝန်တို့က ဆေးနှင့်ဆေးပစ္စည်း ပြခန်းများအား ဖဲကြိုးဖြတ်ဖွင့်လှစ်ပေးကြပြီး တိုင်းဒေသကြီးအစိုးရအဖွဲ့ဝင်ဝန်ကြီးများ၊ ပြည်တွင်းပြည်ပရှိ အထူးကုဆရာဝန်ကြီးများ၊ တက်ရောက်လာကြသူများနှင့်အတူ ဆေးနှင့်ဆေးပစ္စည်းပြခန်းများအား လိုက်လံကြည့်ရှုခဲ့ကြသည်။

 နားနှင့် နှာခေါင်း၊ လည်ချောင်း၊ ဦးခေါင်းနှင့် လည်ပင်းခွဲစိတ်ဆရာဝန်များအဖွဲ့သည် ဆရာဝန်အသင်း၏ အသင်းခွဲဖြစ်သည်နှင့်အညီ ဆရာဝန်အသင်း၏ ဖွဲ့စည်းပုံရည်ရွယ်ချက်များအတိုင်း မြန်မာနိုင်ငံအသင်းကြီး၏ နား၊ နှာခေါင်း၊ လည်ချောင်း၊ ဦးခေါင်းနှင့် လည်ပင်း ခွဲစိတ်ဆရာဝန်များ ဆေးပညာ ဖွံ့ဖြိုးတိုးတက်ရေး၊ ပြည်တွင်းပြည်ပရှိ ဆေးပညာပညာရှင်များအချင်းချင်း ခွဲစိတ်မှုပညာရပ်ဆိုင်ရာများ၊ ကျွမ်းကျင်မှုဆိုင်ရာများ၊ လူမှုဆက်ဆံရေး တိုးတက်ရေးကို လုပ်သားပြည်သူများအပေါ် ပညာစွမ်းရည်နှင့် လုပ်သားစွမ်းရည်ပေးနိုင်ရေး စသည့် မွန်မြတ်သည့်ရည်ရွယ်ချက်များထားရှိပြီး ၁၉၇၀-၇၁ ခုနှစ်တွင် စတင်တည်ထောင်ခဲ့ရာ ယနေ့ဆိုလျှင် (၄၈)နှစ်တိုင် ပြည့်မြောက်ခဲ့ပြီဖြစ်သည်။