၂၀၁၉ ခုနှစ် ဧပြီလ ၁၁ ရက်

 မိတ္ထီလာမြို့နယ်အတွင်း အစိုးရနှင့်ပြည်သူ ပူးပေါင်းဆောင်ရွက်မှုဖြင့် ပြီးစီးခဲ့သော ကျေးရွာလျှပ်စစ်မီးများ ဖွင့်လှစ်ခြင်းနှင့် ဓာတ်အားခွဲရုံတစ်ရုံဖွင့်လှစ်ခြင်းတို့ကိုဧပြီ ၁၀ ရက် မွန်းလွဲပိုင်းက ကျေးရွာအုပ်စုလေးနေရာတွင် ပြုလုပ်ခဲ့ပြီး ယင်းကျေးရွာနှင့် အနီးဝန်းကျင်ကျေးရွာများတွင် လျှပ်စစ်မီးရရှိကြပြီဖြစ်သည်။

 ယနေ့ဖွင့်လှစ်ရာတွင် မိတ္ထီလာမြို့နယ်၊ မြောက်လည်ကျေးရွာအုပ်စု၊ မြောက်လည်- ထိန်ကန်-သိမ်ကုန်းကျေးရွာများ စုပေါင်းအင်အားဖြင့် လျှပ်စစ်မီးလင်းခြင်း၊ မုန်တိုင်ကျေးရွာအုပ်စု၊ ဖလံကျင်းကျေးရွာ 33/11KV ဓာတ်အားခွဲရုံ ဖွင့်လှစ်ခြင်း နှင့်လျှပ်စစ်မီးလင်းခြင်း၊ ရေဝေကျေးရွာအုပ်စု ရေဝေ- အင်းမ-ကန်သာ-ညောင်ကုန်းကျေးရွာများ စုပေါင်း အင်အားဖြင့်လျှပ် စစ်မီးလင်းခြင်း၊ ရှမ်းမငယ်ကျေးရွာအုပ်စု၊ ညောင်လည်ရွာ- ဂါတ်ကုန်းရွာ- သပြေကုန်းရွာစုပေါင်းအင်အားဖြင့် လျှပ်စစ်မီးလင်းခြင်းစသည်တို့ပါဝင်သည်။

 "ကျွန်တော်တို့ အစိုးရတစ်ရပ်ထဲနဲ့ ကျေးရွာတွေအားလုံး မီးလင်းအောင် လုပ်လို့မရပါဘူး။ ပြည်သူ လူထုရဲ့ အကူအညီနဲ့လုပ်ရပါတယ်၊ ပြည်သူလူထုရဲ့ အကူအညီတဲ့အတွက်လည်း ကျေးရွာတွေမှာ မီးလင်း လာပါတယ်၊ ရွာတစ်ရွာဖွံ့ဖြိုးဖို့ မြို့နယ်တစ်မြို့နယ် ဖွံ့ဖြိုးဖို့ရပ်ကွက် ဖွံ့ဖြိုးဖို့ဆိုတာ အခြေခံ အဆောက် အအုံတွေရှိရပါတယ်၊ လမ်းရှိမယ်၊ မီးရှိရမယ်၊ သောက်သုံးရေရှိရမယ်၊ စိုက်ပျိုးရေရှိမယ်ဆိုဒီရွာ ဖွံ့ဖြိုး တိုးတက်လာမှာပါ၊ အဲ့ဒါတွေကို အစိုးရကလုပ်ပေး ရပါတယ်၊ အစိုးရပြည်သူတွေဆီကရတဲ့ အခွန်တွေနဲ့ ပြည်သူ့အကျိုးကို လုပ်ပေးရတာဖြစ်တဲ့အတွက် ဘတ်ဂျက်အကန့်အသတ်ရှိတဲ့အခါ စေတနာရှင်တွေက ပူးပေါင်းပါဝင်ကြပါတယ်၊ ကျွန်တော်တို့ ဒီမီးလင်းရေးကို ဆက်လုပ်သွားမှာ ဖြစ်ပါတယ်၊ ပြည်သူတွေရဲ့ လူနေမှုဘဝ စီးပွားဖွံ့ဖြိုးတိုးတက်ဖို့အတွက် ကြိုးစားအား ထုတ်နေပါတယ်၊ ဒီမိုကရေစီမှာ ပြည်သူဟာ အရေးကြီးဆုံးပါ၊ ပြည်သူကို ကျောခိုင်းလို့မရဘူး ပြည်သူ့အကျိုးကို မလုပ်လို့မရဘူး ကျေးရွာတွေမီးလင်းလာတာဟာ အစိုးရရော ပြည်သူလူထုရော ပူးပေါင်းဆောင်ရွက်လို့ပါ" ဟု တိုင်းဒေသကြီးဝန်ကြီးချုပ်ဒေါက်တာ ဇော်မြင့်မောင်က ပြောကြားသည်။

 ယင်းအခမ်းအနားများတွင် ၀န်ကြီးချုပ်၊ လွှတ်တော်ဒုတိယဥက္ကဋ္ဌနှင့် ၀န်ကြီးများ၊ လွှတ်တော်ကိုယ်စား လှယ်များက ဖဲကြိုးဖြတ် ဖွင့်လှစ်ပေးခြင်း၊ ၀န်ကြီးချုပ်က ကျေးရွာလျှပ်စစ်ဓာတ်အား ခလုပ်ကိုနှိပ်၍ မီးဖွင့်ပေးခြင်း၊ ၀န်ကြီးချုပ်နှင့် လျပ်စစ်စွမ်းအင်နှင့် ဆောက်လုပ်ရေးဝန်ကြီးတို့က မုဒိတာစကား ပြောကြားခြင်း၊ ဒေသခံများအား ရင်းရင်းနှီးနှီးလိုက်လံနုတ်ဆက်ခြင်း၊ ကျေးရွာမီးလင်းရေး ကော်မတီနှင့် ရပ်မိရပ်ဖများက ကျေးဇူးတင်စကားပြောကြားခြင်းတို့ကို အစီအစဉ်များအတိုင်း ဆောင်ရွက်ခဲ့ကြပြီး စုပေါင်း မှတ်တမ်းတင် ဓာတ်ပုံများရိုက်ကူးကြသည်။

 မိတ္ထီလာမြို့နယ် ကျေးရွာမီးလင်းရေးလုပ်ငန်းများတွင် ကျေးရွာအုပ်စု ၅၈ အုပ်စု၊ ကျေးရွာပေါင်း ၃၈၀ ရှိသည့်အနက် ကျေးရွာပေါင်း ၁၆၇ ရွာသည် လျှပ်စစ်မီးလင်းခဲ့ပြီး ထပ်မံမီးလင်းရေးအတွက် ၁၆ ရွာမှာဆောင်ရွက်ဆဲဖြစ်ကြောင်း၊ ကျေးလက်မီးလင်းရေးတွင် လက်ရှိကာလ၌ ၄၄ ဒသမ ၅ ရာခိုင်နှုန်းရရှိနေပြီး တိုးချဲ့ ရရှိရန် ဆက်လက်ဆောင်ရွက်နေဆဲဖြစ်ကြောင်းသိရသည်။

 အလားတူ ယနေ့ဖွင့်လှစ်သော ဖလံကျင်းကျေးရွာ ဓာတ်အားခွဲရုံ 33/11 KV (5MVA)ခွဲရုံမှတစ်ဆင့် ၁၁ ဓာတ်အားလိုင်း ၂၃ဒသမ ၇၄ မိုင် 200KVA ထရန်စဖော်မာ ၂၂ လုံးတပ်ဆင်၍ ကျေးရွာပေါင်း ၂၂ ရွာလျှပ်စစ်မီးလင်းခဲ့ကြောင်း၊ ယင်းအား ၂၀၁၇-၂၀၁၈ ဘဏ္ဍာနှစ် တိုင်းဒေသကြီးဘတ်ဂျက်မှ ငွေကျပ်သန်း ပေါင်း ၁၉၀၀ ကျော်ကျခံဆောင်ရွက်ခဲ့ခြင်းဖြစ်ကြောင်း၊ ၄င်းဓာတ်အားခွဲရုံမှ ဖီဒါနှစ်ခုခွဲထားပြီး နောက်ထပ် ကျေးရွာပေါင်း ၃၅ ရွာခန့် ထပ်မံမီးလင်း နိုင်မည် ဖြစ်ကြောင်း သိရသည်။