၂၀၁၇ ခုနှစ်၊ မတ်လ ၁၃ ရက်

 မန္တလေးတိုင်းဒေသကြီး၊ မြင်းခြံမြို့နယ် တိုင်းဒေသကြီးလွှတ်တော်ကိုယ်စားလှယ် ဦးခင်မောင်အေးနှင့် ဦးချမ်းမြေ့တို့သည် မြို့နယ်အုပ်ချုပ်ရေးမှူး ဦးညီညီအောင်၊ မြို့နယ်ဦးစီးမှူး ဦးကံချွန်တို့နှင့်အတူ (၂၀၁၆-၂၀၁၇)ဘဏ္ဍာရေးနှစ် တိုင်းဒေသကြီးအစိုးရအဖွဲ့ ရန်ပုံငွေဖြင့် ဆောင်ရွက်လျက်ရှိ သော မြင်းခြံ-နဘူးအိုင်-မြေစကောင်း မြေသားလမ်း (၂/၆)မိုင် ဆောင်ရွက်နေမှုအား မတ် ၈ ရက်က ကွင်းဆင်းကြည့်ရှုရာ MIAMI ကုမ္ပဏီ အုပ်ချုပ်မှုဒါရိုက်တာနှင့် လမ်းကော်မတီဝင်များက လုပ်ငန်းဆောင်ရွက်နေမှုအခြေအနေများကို ရှင်းလင်းတင်ပြသည်။

 ဆက်လက်၍ မြင်းခြံ-မကျီးသမျှားလမ်း (၂)မိုင်မြေသားလမ်း ဆောင်ရွက်ပြီးစီးမှု အခြေအနေများကို ကြည့်ရှုစစ်ဆေးရာ မြို့နယ်ဦးစီးမှူးက ဖြည့်စွက်ရှင်းလင်းတင်ပြသည်။

 ထို့နောက် မူလတင်ဒါလုပ်ငန်းဖြစ်သော သံမဏိ-ဆားခါး-မြင်းခြံ ကတ္တရာလမ်း(၁/၂)မိုင် ဆောင်ရွက်နေမှုများအား ကြည့်ရှုစစ်ဆေးကြသည်။

 မြင်းခြံမြို့နယ်အတွင်း (၂၀၁၆-၂၀၁၇)ဘဏ္ဍာရေးနှစ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကတ္တရာလမ်း (၁/၂)မိုင်၊ ကျောက်ချော လမ်း (၄/၃)မိုင်၊ ရေကျော်တံတားခြောက်စင်း၊ Box Culvert ခုနစ်စင်း တန်ဖိုးငွေကျပ်သန်း(၄၃၂ ဒသမ ၃၅၉၅)၊တိုင်းဒေသကြီးအစိုးရရန်ပုံငွေဖြင့် မြေသားလမ်း(၂)လမ်း(၄/၆)မိုင်၊ ရေကျော် လေးစင်း တန်ဖိုးငွေကျပ်(၁၄၃ ဒသမ ၆၈၄)ဖြင့် ဆောင်ရွက် လျက်ရှိသည်။