၂၀၁၇ ခုနှစ်၊ ဧပြီလ ၃ ရက်

 သာစည်မြို့နယ်သည် မိုးခေါင်ရေရှားပါးသည့် မန္တလေးတိုင်းဒေသကြီးအတွင်းတွင် တည်ရှိသောကြောင့် ပူပြင်းခြောက်သွေ့ပြီး မြို့နယ်အတွင်းရှိ ကျေးရွာအချို့၌ သောက်သုံးရေရှားပါးမှုကို နှစ်စဉ် ကြုံတွေ့လျက်ရှိရာ ယခုနှစ်တွင် မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ ဇေယျသုခရေလှူအသင်းကြီးတို့နှင့်ပူးပေါင်း၍ မြို့နယ်အတွင်း သောက်သုံးရေရှားပါးမှု နှစ်စဉ်ကြုံတွေ့နေရ သည့် ကျေးရွာများစာရင်းကို ကောက်ယူ၍ ကျေးလက်ဒေသများတွင် ရေရှားပါးမှု မဖြစ်စေရေးအတွက် ရေကားများဖြင့် မတ် ၂၃ ရက်နေ့မှ စတင် ၍ ဧပြီ ၁ ရက်နေ့အထိ သောက်သုံးရေပြတ်လပ်မှုဖြစ်နိုင်သည့် ကျေးရွာ ၁၂ ရွာအနက် ရွာ ၅ ရွာဖြစ်သော ကျီတိုင်ကုန်း(မ)ရွာ၊ အောင်မြင်သာ၊ ဘုန်းတလုပ်၊ အုတ်ဖို၊ ဆင်သေကျေးရွာများသို့ ဇေယျသုခ ရေလှူအသင်းကြီး၏ ရေကားအကူအညီဖြင့် အဆိုပါ ကျေးရွာများရှိ ရေလှောင်အုတ် ကန်ကြီးများထဲသို့ သောက်သုံးရေများ သွားရောက်ကြိုတင် ဖြည့်ဆည်းပေးလျက်ရှိသည်။

 "ကျွန်တော်တို့ဌာနက ကျေးလက်ဒေသဖွံ့ဖြိုးတိုးတက်ရေးဦးစီးဌာနဆိုတော့ ကျေးလက်တွေရဲ့ ဖွံ့ဖြိုးမှုတွေကို ဆောင်ရွက်ပေးရသလို အခက်အခဲ တွေကိုလည်း ကူညီဖြေရှင်းပေးကြရပါတယ်။ ယခုလိုနွေရာသီမှာ သောက်သုံးရေပြတ်လပ်မှုဖြစ်စေနိုင်တဲ့ ကျေးရွာတွေကို စာရင်းကောက်ယူပြီး ရေပြတ်လပ်မှုမကြုံတွေ့ခင် ကြိုတင်ပြီး ယခုကဲ့သို့ ကျေးရွာတွေမှာရှိတဲ့ ရေလှောင်အုတ်ကန်တွေ ထဲကို ရေဖြည့်ပေးထားရတာပါ”လို့ ကျေးလက် ဒေသဖွံ့ဖြိုးတိုးတက်ရေးဦးစီးဌာန ဦးစီးအရာရှိ (နည်းပညာ)ဦးသိန်းထွန်းဦးနှင့် ဦးစီးအရာရှိ ဦးလှိုင်မင်းထွန်းတို့က ပြောကြားခဲ့သည်။