၂၀၁၇ခုနှစ် သြဂုတ်လ ၃၀ ရက်

မန္တလေးတိုင်းဒေသကြီး ပြည်ကြီးတံခွန်မြို့နယ် အထွေထွေအုပ်ချုပ်ရေးဦးစီးဌာနနှင့် ပြည်ကြီးတံခွန်မြို့နယ် စေတနာ့ဝန်ထမ်းမူးယစ် ကြီးကြပ်ရေးမှူး အသင်း(ခွဲ)တို့ ပူးပေါင်းကျင်းပသည့် လူ့ငယ်ထုအတွင်း မူးယစ်ဆေးဝါးသုံးစွဲမှုပပျောက်ရေး ကြိုတင်ကာကွယ် အသိပညာပေးဟောပြောပွဲကို ယနေ့ နံနက် ၁၀နာရီက ပြည်ကြီးတံခွန်မြို့နယ်၊ (ခ)ရပ်ကွက်ရှိ အမှတ်(၂၂)အခြေခံပညာမူလတန်းကျောင်း၌ ကျင်းပသည်။

 အခမ်းအနားတွင် အမှတ်(၂၂) အခြေခံပညာမူလတန်းကျောင်းအုပ် ဆရာကြီး ဦးဇော်ဝင်းက အမှာစကားပြောကြားပြီး မြန်မာနိုင်ငံစေတနာ့ဝန်ထမ်း မူးယစ်ကြီးကြပ်ရေးမှူးအသင်း(မန္တလေး)မှ အသင်းဥက္ကဋ္ဌ ဦးဝင်းမြင့်က အသင်းလုပ်ငန်းစဉ်များ ရှင်းလင်းခြင်း၊ မြို့နယ်စေတနာ့ဝန်ထမ်း မူးယစ်ကြီးကြပ်ရေးမှူးအသင်း(ခွဲ)ဥက္ကဋ္ဌ ဦးသန်းကြွယ်က မူးယစ်ဆေးဝါးနှင့်ဆက်စပ်နေသည့် ဆိုးကျိုးများဟောပြောခြင်း၊ စေတနာ့ဝန်ထမ်း မူးယစ်ကြီးကြပ်ရေးမှူးအသင်း(ဗဟို) အတွင်းရေးမှူး ဦးမြင့်သန်းက ဆေးဝါးအမျိုးအစားများနှင့် ဆိုးကျိုးအန္တရာယ်ဟောပြောကြသည်။

 ထို့နောက် တက်ရောက်လာကြသည့် ကျောင်းသား၊ ကျောင်းသူများအား မေးခွန်းမေးမြန်းခြင်း၊ အသင်းဒုတိယ ဥက္ကဋ္ဌဦးအုံးရွှေနှင့် မြို့နယ် အဖွဲ့ဝင်များက ဆုများချီးမြှင့်ခြင်းနှင့် (ခ)ရပ်ကွက်အုပ်ချုပ်ရေးမှူး ဦးမျိုးဝင်းက နိဂုံးချုပ်အမှာစကားပြောကြားပြီး အခမ်းအနားကို ရုပ်သိမ်းလိုက်သည်။ အခမ်းအနားသို့ ရပ်မိ၊ ရပ်ဖများနှင့် ကျောင်းသား၊ ကျောင်းသူအင်အား ၂၀၀ခန့်တက်ရောက်ကြသည်။