၂၀၁၇ ခုနှစ်၊ စက်တင်ဘာလ ၂ ရက်

 တိုင်းဒေသကြီးအစိုးရအဖွဲ့၏ လမ်းညွှန်ချက်အရ တိုင်းဒေသကြီးမီးသတ်ဦးစီးမှူး ညွှန်ကြားရေးမှူး ဦးသန်းဇော်ဦး၏ ဦးဆောင်မှုဖြင့် ခရိုင်မီးသတ်ဦးစီးမှူး လက်ထောက်ညွှန်ကြားရေးမှူး ဦးသန်းနိုင်၊ မြို့နယ်မီးသတ်ဦးစီးမှူး ဦးမြင့်ခိုင်နှင့်အတူ မြို့နယ်ဌာနဆိုင်ရာ အဖွဲ့ပေါင်းစုံဖြင့် ချမ်းမြသာစည်မြို့နယ်အတွင်းရှိ စက်သုံးဆီဆိုင်များအား စက်တင်ဘာလ ၂ ရက် နံနက်ပိုင်းက မီးဘေးကြိုတင်ကာကွယ်ရေးအတွက် ကွင်းဆင်း စစ်ဆေးဆောင်ရွက်ကြသည်။

 အဆိုပါခရိုင်၊ မြို့နယ်မီးသတ်ဦးစီးမှူးများ၊ မြို့နယ်ပူးပေါင်းအဖွဲ့တို့သည် စက်သုံးဆီအရောင်းဆိုင်များအတွင်း မီးသတ်ဆေးဘူးများထားရှိမှု၊ ဆီသိုလှောင်ကန်ထားရှိမှု၊         ဆီသိုလှောင်ကန်အနီးရေငုတ်ပိုက်များထားရှိမှု၊ ဆီးမီးငြှိမ်းသတ်ရည် အမြှုပ်ဆေးရည်ထားရှိမှု၊ ဆီလှောင်ကန်တွင် မိုးကြိုးလွှဲတပ်ဆင်ထားရှိမှုစသည်တို့ကို စစ်ဆေးကြည့်ရှုကြပြီး လိုအပ်ချက်များအား အကြံပြုမှာကြားခဲ့ကြသည်။