၂၀၁၇ ခုနှစ်၊ စက်တင်ဘာလ ၄ ရက်

 မန္တလေးတိုင်းဒေသကြီး၊ ငါန်းဇွန်မြို့၌ ဧရာဝတီမြစ်ကမ်းဘေးရှိ ရှင်ပင်ချမ်းသာဘုရားဝင်းအတွင်း၌ မြစ်ရေဝင်ရောက်မှုကြောင့်ဖြစ်ပေါ်ခဲ့သော အမှိုက်သရိုက်များနှင့် ရေညှိများ ရှင်းလင်းဖယ်ရှားရေးအတွက် မြို့နယ်အုပ်ချုပ်ရေးမှူး၏အစီအစဉ်ဖြင့် စုပေါင်းသန့်ရှင်းရေးကို စက်တင်ဘာ ၃ ရက် နံနက် ၇ နာရီက ဆောင်ရွက်ကြသည်။

 အဆိုပါ စုပေါင်းသန့်ရှင်းရေးဆောင်ရွက်ရာတွင် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးအောင်နိုင်ဦး၊ ဒုတိယမြို့နယ် အုပ်ချုပ်ရေးမှူး ဦးနေဝင်းမောင်နှင့် စာရေးဝန်ထမ်းများ၊ မြို့နယ်ရဲတပ်ဖွဲ့မှူး ရဲမှူးအောင်ကျော်မိုး၊ မြို့မရဲစခန်းမှူး ဒုတိယရဲမှူး ဝင်းဇော်မြင့်နှင့် ရဲတပ်ဖွဲ့ဝင်များ၊ မြို့နယ်မီးသတ်ဦးစီးမှူး ဦးဝင်းကျော်နှင့် မီးသတ်တပ်ဖွဲ့ဝင်များ၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူး ဒေါ်နီလာစိုးနှင့်ဝန်ထမ်းများ၊ အမှတ်(၂)ရပ်ကွက် အုပ်ချုပ်ရေးမှူး ဦးအောင်မြတ်သူနှင့် ဘုရားဂေါပအဖွဲ့ဝင်များ ပါဝင်စုပေါင်းသန့်ရှင်းရေး ဆောင်ရွက်ခဲ့ကြသည်။