၂၀၁၇ခုနှစ် စက်တင်ဘာလ ၇ရက်

 ရမည်းသင်းခရိုင်အုပ်ချုပ်ရေးမှူးဖလား မြို့နယ်ပေါင်းစုံပိုက်ကျော်ခြင်းပြိုင်ပွဲ ဆုချီးမြှင့်ပွဲကို စက်တင်ဘာ ၅ရက် နံနက် ၁၀နာရီက ခရိုင်အားကစား ကွင်း မိုးလုံလေလုံအားကစားခန်းမတွင် ကျင်းပသည်။

 အဆိုပါ ခရိုင်အုပ်ချုပ်ရေးမှူး ဖလားပိုက်ကျော်ခြင်းပြိုင်ပွဲတွင် အနိုင်ရဗိုလ်စွဲသွားသည့် ပျော်ဘွယ်မြို့နယ်အသင်းအား ဆုဖလားနှင့် ဂုဏ်ပြုဆုငွေ များကို ခရိုင်အုပ်ချုပ်ရေးမှူး ဦးကျော်မင်းညိုက ပေးအပ်ချီးမြှင့်ပြီး ဒုတိယ၊ တတိယဆု ရရှိသည့် အသင်းများနှင့် ပြိုင်ပွဲဝင်အသင်းများအား ဂုဏ်ပြုဆုများနှင့် နှစ်သိမ့်ဆုများ၊ အကောင်းဆုံးကစားသမားဆုများကို ခရိုင်အားကစားနှင့်ကာယပညာဦးစီးဌာန ခရိုင်ဦးစီးမှူးနှင့် တာဝန်ရှိသူများက ပေးအပ်ချီးမြှင့်သည်။

 ၄င်းပြိုင်ပွဲအား စက်တင်ဘာ ၁ရက် မှ ၅ရက်အထိ ကျင်းပပြုလုပ်ခဲ့ပြီး ရမည်းသင်းခရိုင်အတွင်းရှိ ရမည်းသင်းမြို့နယ်နှင့် ပျော်ဘွယ်မြို့နယ်များမှ စုစုပေါင်းပြိုင်ပွဲဝင်အသင်း ၁၆သင်း ပါဝင်ယှဉ်ပြိုင်ခဲ့ပြီး ပြိုင်ပွဲအား နှစ်ယောက်တွဲ ပြိုင်ပွဲနှင့် သုံးယောက်တွဲပြိုင်ပွဲ နှစ်မျိုးခွဲခြားကျင်းပခဲ့ခြင်းဖြစ်သည်။