၂၀၁၇ ခုနှစ်၊ နိုဝင်ဘာလ ၁၄ ရက်

မြို့နယ်အမျိုးသမီးရာကော်မတီရုံး ဆိုင်းဘုတ်တင်ပွဲကို မန္တလေးမြို့၊ ပြည်ကြီးတံခွန်မြို့နယ်၊ အထွေထွေအုပ်ချုပ်ရေးဦးစီးဌာနရှိ အမျိုးသမီးရေးရာ ကော်မတီရုံး၌ ယနေ့နံနက် ၁၁ ခွဲက ကျင်းပသည်။

အဆိုပါဆိုင်းဘုတ်တင်ပွဲကို ပြည်ကြီးတံခွန်မြို့နယ် မဲဆန္ဒနယ်အမှတ်(၂)မှ တိုင်းဒေသကြီးလွှတ်တော်ကိုယ်စားလှယ် ဦးဇော်ဇော်မောင်၊ မြို့နယ်အုပ်ချုပ်ရေးမှူး ဦးဘုန်းထက်နိုင်မြင့်၊ မြို့နယ်ပညာရေးမှူး  ဒေါ်ချိုနွယ်ဦး၊ မြို့နယ်အမျိုးသမီးရေးရာကော်မတီဝင် ဒေါ်စုစုဆွေနှင့် ဒေါ်နီနီအောင်တို့က ဖဲကြိုးဖြတ်ဖွင့်လှစ်ပေးကြသည်။ ထို့နောက် တာဝန်ရှိသူများက အမျိုးသမီးရေးရာကော်မတီရုံး ဆိုင်းဘုတ်အား အမွှေးနံသာ ရည်များ ပက်ဖျန်းပြီး စုပေါင်းအမှတ်တရဓာတ်ပုံရိုက်ကူးသည်။

 အဆိုပါ ဆိုင်းဘုတ်တင်ပွဲကို တိုင်းဒေသကြီးလွှတ်တော်ကိုယ်စားလှယ်၊ မြို့နယ်အုပ်ချုပ်ရေးမှူးနှင့် မြို့နယ်အဆင့်ဌာနဆိုင်ရာ တာဝန်ရှိသူများ၊ အမျိုးသမီးရေးရာ ကော်မတီဝင်များနှင့် ဖိတ်ကြားထားသူများ တက်ရောက်ကြသည်။