၂၀၁၇ ခုနှစ် နိုဝင်ဘာ ၁၄ ရက်

 မန္တလေးတိုင်းဒေသကြီး၊ သာစည်မြို့တွင် (၉၇)နှစ်မြောက် အမျိုးသားနေ့ အခမ်းအနားကို  နိုဝင်ဘာ ၁၃ ရက် နံနက် ၈ နာရီက အမှတ် (၁)အခြေခံပညာ အထက်တန်းကျောင်း ဝန်ဇင်းမင်းရာဇာခန်းမတွင် ကျင်းပပြုလုပ်သည်။

 ရှေးဦးစွာ ပြည်ထောင်စုသမ္မတမြန်မာနိုင်ငံတော်အစိုးရ၊ နိုင်ငံတော်သမ္မတထံမှ ပေးပို့သော (၉၇)နှစ်မြောက် အမျိုးသားနေ့ သဝဏ်လွှာကို မြို့နယ် အုပ်ချုပ်ရေးမှူး ဦးထင်ကျော်က ဖတ်ကြားသည်။

 ထို့နောက် တက်ရောက်လာသူများအား ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ထုတ်ဝေသော (၉၇)နှစ်မြောက် အမျိုးသားနေ့ အထိမ်းအမှတ် သတင်းစကား လက်ကမ်းစာစောင်များကို မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဦးစီးမှူး ဒေါ်ခင်အိအိသန်းနှင့် ဝန်ထမ်းများက ဖြန့်ဝေ ပေးသည်။

 အဆိုပါ အမျိုးသားနေ့အခမ်းအနားသို့ တိုင်းဒေသကြီးလွှတ်တော်ကိုယ်စားလှယ် ဦးမိုးမြင့်သိန်းနှင့် ဦးစံထွန်း၊ ဌာနဆိုင်ရာများ၊ စည်ပင်သာယာရေး ကော်မတီ၊ မြို့နယ်အမျိုးသမီးရေးရာကော်မတီ၊ အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေးအသင်း၊ နိုင်ငံရေးပါတီများ၊  ဆရာ၊ ဆရာမများ နှင့် ကျောင်းသား၊ ကျောင်းသူများ တက်ရောက်ကြသည်။