၂၀၁၇ခုနှစ် ဒီဇင်ဘာလ ၅ ရက်

 အမရပူရမြို့နယ်၊ ရွှေကြက်ယက်ကျေးရွာအုပ်စု၊ ရွှေကြက်ယက်ဘုရားနှင့် ရွှေကြက်ကျဘုရားရှိ သစ္စာကွန်ကရစ်လမ်းဖွင့်ပွဲအခမ်းအနားကို ဒီဇင်ဘာ ၅ ရက် နံနက် ၇ နာရီခွဲက အဆိုပါမုခ်ဦးတွင် ကျင်းပသည်။

 အခမ်းအနားတွင် အမရပူရမြို့နယ်ပြည်သူ့လွှတ်တော်ကိုယ်စားလှယ် ဦးအောင်ဇော်မြင့်က အဖွင့်အမှာစကားပြောကြားပြီး မန္တလေးမြို့တော်စည်ပင် သာယာရေးကော်မတီ ဒုတိယမြို့တော်ဝန်ဦးရဲမွန်က ဂုဏ်ပြုစကားပြောကြားပြီး အရှည်ပေ ၄၅၀၊ အကျယ် ၂၅ ပေ၊ ထု ခြောက်လက်မရှိ ကွန်ကရစ်လမ်း ကို ပြည်သူ့လွှတ်တော်ရန်ပုံငွေ ကျပ် ၄၅ သိန်းကို အလှူရှင်များထည့်ဝင်ငွေနှင့် ပူးပေါင်းကာ ကျပ် ၁၇၅ သိန်း ကုန်ကျခဲ့ပြီး အဆိုပါလမ်းကို ပြည်သူ့လွှတ်တော်ကိုယ်စားလှယ် ဦးအောင်ဇော်မြင့်၊ ဒုတိယမြို့တော်ဝန်ဦးရဲမွန်၊ မြို့နယ်အုပ်ချုပ်ရေးမှူး ဦးဖေသက်ထွန်းနှင့် အေးအေးခိုင်ကုမ္ပဏီမှ ဒေါက်တာပြည့်ဖြိုးအောင်တို့က ဖဲကြိုးဖြတ်ဖွင့်လှစ်ပေးကြသည်။

 ရွှေလေးရွာမကြီး၏ အဝင်လမ်း မေတ္တာကျောက်ချောလမ်းသစ်ဖွင့်ပွဲကို ဆက်လက်ပြုလုပ်ရာ ပြည်သူ့လွှတ်တော်ကိုယ်စားလှယ် ဦးအောင်ဇော်မြင့်၊ ဒုတိယ မြို့တော်ဝန်ဦးရဲမွန်၊ World Vision မြန်မာမှ မြို့နယ်တာဝန်ခံ ဒေါ်နွယ်နွယ်တင်၊ မန္တလေးမြို့တော်စည်ပင် သာယာရေးကော်မတီ မြို့နယ်အုပ်ချုပ်ရေးမှူး ဦးထွန်းလင်းစိုးတို့က ဖဲကြိုးဖြတ်ဖွင့်လှစ်ပေးကြသည်။

 အဆိုပါ မေတ္တာကျောက်ချောလမ်းမှာ အရှည်ပေ ၅၀၀၊ အကျယ် ၂၅ ပေ၊ အမြင့် သုံပေရှိပြီး World Vision မြန်မာမှ မတည်ငွေကျပ် သိန်း ၅၀နှင့် အလှူရှင်တို့လှူဒါန်းငွေများ ပူးပေါင်းကာ ကျပ်သိန်း ၁၆၀ ကုန်ကျခဲ့သည်။