၂၀၁၇ ခုနှစ် ဒီဇင်ဘာ ၆ ရက်

  မိတ္ထီလာတွင် မြို့နယ်ကလေးသူငယ်အခွင့်အရေးများဆိုင်ရာကော်မတီ(TCRC)နှင့် ကျောက်ပန်းတောင်း၊ မိတ္ထီလာ ကလေးအခွင့်အရေး ပူးပေါင်းဆောင်ရွက်သောအဖွဲ့(Upper KMN)တို့ တွေ့ဆုံ၍ ကလေးသူငယ်အခွင့်အရေးများဆိုင်ရာ လုပ်ငန်းဆောင်ရွက်မှုအခြေအနေများကို ဒီဇင်ဘာ ၆ ရက် နံနက် ၉ နာရီခွဲက ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန Community Centre ခန်းမတွင် ဆွေးနွေးကြသည်။

 ထိုသို့ဆွေးနွေးရာတွင် မြို့နယ်ကလေးသူငယ်အခွင့်အရေးများဆိုင်ရာကော်မတီ(TCRC)ဥက္ကဋ္ဌ မြို့နယ်အုပ်ချုပ်ရေးမှူး ဦးအုန်းဌေးက မြို့နယ်အတွင်း ကလေးသူငယ်များ၏ ရသင့်ရထိုက်သည့် အခွင့်အရေးများ ရရှိအောင် ဆောင်ရွက်ပေးနေမှုအခြေအနေများ၊ ကလေးသူငယ်အခွင့်အရေးများ ဆောင်ရွက်သည့်အဖွဲ့အစည်းများနှင့် ပူးပေါင်းဆောင်ရွက်မှုအခြေအနေများကို ဆွေးနွေးပြောကြားသည်။

 ဆက်လက်၍ Upper KMN မှ ဧရိယာမန်နေဂျာ ဦးထွန်းထွန်းဝင်းက ကျောက်ပန်းတောင်း၊ မိတ္ထီလာကလေးအခွင့်အရေး ပူးပေါင်းဆောင်ရွက်သော အဖွဲ့ (Upper KMN)မှ ဆောင်ရွက်သည့် တွေ့ဆုံဆွေးနွေးရသည့် ရည်ရွယ်ချက်များကို ရှင်းလင်းပြောကြားပြီး မိတ္ထီလာနှင့် ကျောက်ပန်းတောင်းမြို့နယ်များမှ တက်ရောက်လာကြသူများက သိရှိလိုသည်များကို မေးမြန်းဆွေးနွေးရာ တာဝန်ရှိသူများက ပြန်လည်ရှင်းလင်းဆွေးနွေးကြသည်။

 ထို့နောက် Upper KMN မှ နာယက ဦးမောင်ကိုက ကလေးသူငယ်များ၏ အခွင့်အရေးများကို ရရှိခံစားနိုင်အောင် ဝိုင်းဝန်းဆောင်ရွက်ပေးကြသူများအား ကျေးဇူးတင်ကြောင်းနှင့် ဆက်လက်၍ ကလေးသူငယ်များ၏ အခွင့်အရေးဆိုင်ရာ လုပ်ငန်းများတွင်လည်း ဝိုင်းဝန်းပံ့ပိုးကူညီပေးကြရန် တိုက်တွန်းပြောကြားသည်။