၂၀၁၇ ခုနှစ် ဒီဇင်ဘာ ၆ ရက်

  မန္တလေးတိုင်းဒေသကြီး၊ ပြင်ဦးလွင်မြို့တွင် သတင်း၊ လုံခြုံရေးနှင့် ခရိုင်စီမံခန့်ခွဲမှုကော်မတီ လုပ်ငန်းညှိနှိုင်းအစည်းအဝေးကို ဒီဇင်ဘာ ၅ ရက် နံနက် ၉ နာရီက ပြင်ဦးလွင်ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပရာ ပြည်ထဲရေးဝန်ကြီးဌာနလက်အောက်ရှိ တပ်ဖွဲ့၊ ဦးစီးဌာန တာဝန်ခံ အရာရှိများနှင့် စီမံခန့်ခွဲမှုကော်မတီဥက္ကဋ္ဌနှင့် အဖွဲ့ဝင်များ တက်ရောက်ကြသည်။

 အဆိုပါ သတင်း၊ လုံခြုံရေးနှင့် ခရိုင်စီမံခန့်ခွဲမှုကော်မတီ လုပ်ငန်းညှိနှိုင်းအစည်းအဝေးတွင် ခရိုင်အတွင်းရှိ ထူးခြားဖြစ်စဉ်သတင်းများ၊ လုံခြုံရေးနှင့် တရား ဥပဒေစိုးမိုးရေးဆိုင်ရာ ကိစ္စရပ်များ၊ သတင်းဖလှယ်ညှိနှိုင်းဆွေးနွေးခြင်း၊ ခရိုင်သို့တင်ပြလာသည့် မြေယာအမှုတွဲများအား ခရိုင်စီမံခန့်ခွဲမှုကော်မတီဖြင့် စိစစ်ဆွေးနွေးဆုံးဖြတ်ခြင်းတို့ ဆောင်ရွက်ခဲ့ကြသည်။