၂၀၁၈ ခုနှစ် ဇန်နဝါရီ ၉ ရက်

 မန္တလေးတိုင်းဒေသကြီး၊ မြို့ပြနှင့် အိမ်ရာဖွံ့ဖြိုးရေးဦးစီးဌာနမှ တိုင်းဒေသကြီးအတွင်းရှိ မြို့နယ် ရှစ်မြို့နယ်တွင် ဝန်ထမ်းအိမ်ရာ ၁၈ လုံး၊ အခန်းပေါင်း ၂၄၈ ခန်းကို ၂၀၁၈ ခုနှစ် ဘဏ္ဍာရေးနှစ် ပထမခြောက်လတာ ကာလအတွင်း အပြီး တည်ဆောက်သွားမည်ဖြစ်သည်။

 အဆိုပါ အိမ်ရာများကို တိုင်းဒေသကြီး ငွေလုံးငွေရင်း ခွင့်ပြုရန်ပုံငွေမှ ၃ ဒသမ ၈ ဘီလီယံဖြင့် တည်ဆောက်ရန် လျာထားခြင်းဖြစ်ပြီး လက်ရှိတွင် လုပ်ငန်းရှင်များထံမှ တင်ဒါခေါ်ယူရေးအတွက် လျှောက်လွှာများကို ဇန်နဝါရီ ၂၅ ရက်မှ ဖေဖော်ဝါရီ ၂ ရက်အထိ ရောင်းချသွားမည်ဖြစ်ကာ ဖေဖော်ဝါရီ ၅ ရက်နေ့ တစ်ရက်တည်းသာ လျှောက်လွှာတင်ခြင်းလုပ်ငန်းကို အပြီးဆောင်ရွက်သွားမည်ဖြစ်ကြောင်း အဆိုပါ ဌာနမှ ညွှန်ကြားရေးမှူး ဦးသက်နိုင်က ပြောသည်။

 ‘တင်ဒါလုပ်ငန်းကလည်း အချိန် နှစ်လလောက်ပေးရတယ်။ ကျွန်တော်တို့က ဘတ်ဂျက်ဖွင့်တာနဲ့စပြီး ဆောက်လုပ်နိုင်အောင် တင်ဒါလုပ်ငန်းကို မတ်လမှာ ပြီးစီးအောင် ကြိုပြီး ဆောင်ရွက်ထားတာပါ။ ဒါမှလည်း ဘဏ္ဍာရေးနှစ် ပထမခြောက်လအတွင်းမှ တည်ဆောက်မှုတွေပြီးစီးနိုင်မှာပါ’ဟု ၎င်းက ပြောသည်။

 ယင်းဝန်ထမ်းအိမ်ရာများကို မြို့နယ် ရှစ်မြို့နယ်အနက် မြင်းခြံတွင် လေးခန်းတွဲ လေးထပ် နှစ်လုံး၊ ညောင်ဦးတွင် ခြောက်ခန်းတွဲ နှစ်ထပ် နှစ်လုံး၊ မိုးကုတ်တွင် လေးခန်းတွဲ လေးထပ် နှစ်လုံး၊ မလှိုင်တွင် လေးခန်းတွဲ သုံးထပ် နှစ်လုံး၊ သာစည်တွင် လေးခန်းတွဲ လေးထပ် သုံးလုံး၊ ရမည်းသင်းတွင် လေးခန်းတွဲ သုံးထပ် နှစ်လုံး၊ ကျောက်ပန်းတောင်းတွင် လေးခန်းတွဲ သုံးထပ် နှစ်လုံးနှင့် မိတ္ထီလာမြို့နယ်တို့တွင် လေးခန်းတွဲ လေးထပ် သုံးလုံးတို့ တည်ဆောက်ပေးသွားမည်ဖြစ်သည်။

 မန္တလေးတိုင်းဒေသကြီး မြို့ပြနှင့် အိမ်ရာဖွံ့ဖြိုးရေးဦးစီးဌာနအနေဖြင့် တိုင်းဒေသကြီးအတွင်း ၂၀၁၅ ခုနှစ်တွင် ဝန်ထမ်းအိမ်ရာ အခန်းပေါင်း ၁၂၆၀ နှင့် တန်ဖိုးမျှတအိမ်ရာ အခန်းပေါင်း ၉၆၀ တည်ဆောက်ပြီးစီးခဲ့သည်။