၂၀၁၈ ခုနှစ် ဇန်နဝါရီ ၉ ရက်

 အရန်မီးသတ်တပ်ဖွဲ့ဝင်များ လေ့ကျင့်ရေး မွမ်းမံသင်တန်း အမှတ်စဉ် (၁/၂၀၁၈)သင်တန်းဖွင့်ပွဲကို ဇန်နဝါရီ ၈ ရက် နံနက် ၁၀ နာရီက မန္တလေး၊ အမရပူရမြို့နယ် မီးသတ်ဦးစီးဌာန စခန်းခန်းမတွင် ကျင်းပသည်။

 အခမ်းအနားတွင် ပြည်သူ့လွှတ်တော်ကိုယ်စားလှယ် ဦးအောင်ဇော်မြင့်၊ မန္တလေးတိုင်းဒေသကြီး မီးသတ်ဦးစီးဌာနမှူးရုံး ဒုတိယ ညွှန်ကြားရေးမှူး ဦးဇော်ဝင်းထွန်း၊ မြို့မိ၊ မြို့ဖ ဦးတင်ထွဋ်၊ မြို့နယ်မီးသတ်ဦးစီးဌာန ဦးစီးမှူး ဦးဝင်းနိုင်နှင့် ဝန်ထမ်းများ၊ ဖိတ်ကြားထားသူများနှင့် သင်တန်းသား ၅၀ ဦး တက်ရောက်ကြသည်။

 ရှေးဦးစွာ ပြည်သူ့လွှတ်တော်ကိုယ်စားလှယ်က အဖွင့်အမှာစကားပြောကြားရာတွင် မီးသတ်တပ်ဖွဲ့အနေဖြင့် မီးသတ်တပ်ဖွဲ့၏ ရည်မှန်းချက်တာဝန်များ ဖြစ်သည့် မီးဘေးလုံခြုံရေး၊ သဘာဝအန္တရာယ်ကာကွယ်ရေး၊ ရှာဖွေကာကွယ်ရေး၊ ပြည်သူ့အကျိုးပြုဆောင်ရွက်ရေးဆိုတဲ့ လုပ်ငန်းတွေမှာ ပြည်သူလူထုက အားကိုးအားထားပြုရသည့် မီးသတ်တပ်ဖွဲ့ဝင်ဖြစ်လာအောင် လေ့ကျင့်မွေးထုတ်ပေးသွားမှာ ဖြစ်သည့်အတွက် စစ်ရေးပြဘာသာရပ်၊ မီးသတ်ပညာ ဘာသာရပ်၊ ကယ်ဆယ်ရေးဘာသာရပ်၊ ရှေးဦးသူနာပြုစုဘာသာရပ်၊ မျိုးချစ်စိတ်ဓာတ် ရှင်သန်ထက်မြတ်ရေးတို့ကို စာတွေ့၊ လက်တွေ့ ပို့ချသွားမည်ဖြစ် သောကြောင့် နိုင်ငံတော်ဖွံ့ဖြိုးတိုးတက်ရေး ကာလမှာ နိုင်ငံတော်၏ ပြည်သူလူထု အသက်အိုးအိမ်စည်းစိမ်များ ပျက်စီးဆုံးရှုံးမှု မဖြစ်ရအောင် ဝိုင်းဝန်း ဆောင်ရွက်သွားကြရန်တို့ကို ဆွေးနွေးပြောကြားပြီး သင်တန်းနည်းပြများက သင်တန်းပို့ချကြသည်။

 သင်တန်းကို ဇန်နဝါရီ ၂ ရက်အထိ တောင်သမန်ကျေးရွာအုပ်စု၊ တောင်သမန်ကျေးရွာ မီးသတ်စခန်းတွင် စာတွေ့၊ လက်တွေ့ ပို့ချမည်ဖြစ်သည်။