၂၀၁၈ ခုနှစ် မတ်လ ၁၁ ရက်

 မန္တလေးတိုင်းဒေသကြီး၊ ပြင်ဦးလွင်မြို့တွင် ခရိုင်လယ်ယာမြေနှင့် အခြားမြေများများ သိမ်းဆည်းခံရမှုများ ပြန်လည်စိစစ်ရေးကော်မတီ လုပ်ငန်း ညှိနှိုင်းအစည်းအဝေးကို မတ် ၁၀ ရက် နံနက် ၉ နာရီခွဲက ပြင်ဦးလွင်ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပပြုလုပ်ရာ ခရိုင်အုပ်ချုပ်ရေးမှူးနှင့် ခရိုင်အဆင့် ဌာနဆိုင်ရာ တာဝန်ရှိသူများ၊ ခရိုင်လယ်ယာမြေစီမံခန့်ခွဲမှုကော်မတီဝင်အဖွဲ့ဝင်များနှင့် ပြည်ထဲရေးဝန်ကြီးဌာန လက်အောက်ရှိ ဦးစီးဌာနများ တက်ရောက်ကြသည်။

 ရှေးဦးစွာ ခရိုင်အုပ်ချုပ်ရေးမှူး ဦးလှမျိုးက မိမိခရိုင်အတွင်းရှိ ခရိုင်လယ်ယာမြေနှင့် အခြားမြေများများ သိမ်းဆည်းခံရမှုများ ပြန်လည်စိစစ်ရေး လုပ်ငန်းများနှင့်ပတ်သက်သည်များ၊ ခရိုင်လယ်ယာမြေစီမံခန့်ခွဲရေး လုပ်ငန်းစဉ်များနှင့် ပုံစံ(၇)ကိစ္စရပ်များအား အသေးစိတ် ရှင်းလင်းပြောကြားခဲ့သည်။

 ဆက်လက်ပြီး အစည်းအဝေးတွင် ခရိုင်လယ်ယာမြေစီမံခန့်ခွဲမှုအဖွဲ့၏ လယ်ယာမြေလုပ်ပိုင်ခွင့် ပုံစံ(၇)ကိစ္စရပ်များ၊ အယူခံအမှုတွဲများ၊ အခြားနည်း အသုံးပြုခွင့် ကိစ္စရပ်များ၊ ပြန်လည်စိစစ်ရေးကော်မတီ၏ မြေယာတိုင်ကြားစာကိစ္စရပ်များအား တာဝန်ရှိသူများက အပြန်အလှန် ဆွေးနွေးခဲ့သည်။