၂၀၁၈ ခုနှစ်၊ မတ်လ ၁၂ ရက်

 သက်ငယ်မုဒိမ်းမှုပပျောက်ရေး အသိပညာပေးလက်ကမ်းစာစောင်ဖြန့်ဝေခြင်းကို မတ် ၇ ရက် နံနက် ၈ နာရီက မှန်တန်းရပ်ကွက်၊ နဂါးအိမ်ရာ စစ်ကိုင်း-မန္တလေးကားလမ်းပေါ်တွင် ဆောင်ရွက်ရာ အမရပူရမြို့နယ်အုပ်ချုပ်ရေးမှူး ဦးဖေသက်ထွန်း၊ မြို့နယ် အမျိုးသမီးရေးရာကော်မတီဥက္ကဌ ဒေါ်ဝင်းအိသူနှင့် ကော်မတီဝင်များ၊ မြို့မိ၊ မြို့ဖ ဦးတင်ထွဋ်နှင့် အဖွဲ့ဝင်များ၊ မြို့မရဲစခန်းမှ ဒုတိယရဲမှူး မိုးသူရိန်နှင့်တပ်ဖွဲ့ဝင်များ၊ မြို့နယ်ဌာနဆိုင်ရာများ၊ မှန်တန်းရပ်ကွက် အုပ်ချုပ်ရေးမှူး ဦးစန်းသိန်းနှင့် အဖွဲ့ဝင်များက သက်ငယ်မုဒိန်းမှုဖြစ်ပွားရခြင်း အခြေခံအကြောင်း အရင်းများ၊ ကလေးငယ်များသတိပြုရန်အချက်များ၊ သားသား၊ မီးမီးတို့  သတိထားဖို့ အချက် (၁၀)ခု၊ မိဘများ၊ အုပ်ထိန်းသူများ သတိပြုရန် အချက်များနှင့် ၂၀၁၆-၂၀၁၇ ခုနှစ်တွင် တိုင်းဒေသကြီး၊ ပြည်နယ်အလိုက် အသက် ၁၆ နှစ်အောက် ကလေးသူငယ်မုဒိမ်းပြုကျင့်ခံရသည့်အမှုများ အခြေအနေများကို ဖော်ပြထားပြီး သက်ငယ်မုဒိမ်းမှု အစဉ်သတိပြု၊ Help us STOP sexual violences၊ အမျိုးသမီးများဘဝ မြှင့်တင်ဖို့ ကျေးလက်နှင့်မြို့ပြတက်ကြွလှုပ်ရှားသူများ ပေါင်းလို့ ယခုပင် ကြိုးပမ်းကြပါစို့၊ Stop Child Rape၊ သက်ငယ်မုဒိမ်းမှုများကို ထိရောက်မြန်ဆန်စွာ အရေးယူပေး၊ သက်ငယ်မုဒိမ်းမှု လျော့နည်းပပျောက်ရေး လူတိုင်းပါဝင်ကူညီပေး ဟူသောဆိုင်းဘုတ်များကို ကိုင်ဆောင်၍ စစ်ကိုင်း-မန္တလေး ကားလမ်းပေါ်တွင် ပြည်သူများအား အသိပညာပေးလုပ်ငန်းများ ဆောင်ရွက်ကြသည်။