၂၀၁၈ ခုနှစ်၊ ဇွန်လ ၁၃ ရက်

 ပုသိမ်ကြီးမြို့နယ်၊ အုန်းချောကျေးရွာ၊ အမှတ် (၉)ဘုန်းတော်ကြီးသင်ပညာရေးကျောင်း အဝင်လမ်းနှင့် တံတားဖွင့်ပွဲကို ဇွန် ၁၁ ရက်နေ့ နံနက် ၈ နာရီက အဆိုပါ လမ်းသစ်နှင့် တံတားနေရာတွင် ကျင်းပရာ ပြည်သူ့လွှတ်တော်ကိုယ်စားလှယ် ဦးသောင်းဌေးလင်း၊ မြို့နယ်အုပ်ချုပ်ရေးမှူး၊ အလှူရှင်မိသားစုနှင့် ကျေးရွာဒေသခံများ တက်ရောက်ကြသည်။

 ရှေးဦးစွာ ရွာဦးဘုန်းတော်ကြီးသင်ပညာရေးကျောင်း လက်ထောက်ကျောင်းအုပ်ဆရာတော် ဘဒ္ဒန္တမာဏိတက အဖွင့်သြဝါဒကထာ မိန့်ကြားပြီး တံတားအလှူရှင် မရွှေစင်မြင့်(ပြည်ကျော်ကြား ဆေးနှင့် အီလက်ထရောနစ်)ဆိုင်က တံတားလှူဒါန်းရခြင်းအကြောင်းကို ရှင်းလင်းပြောကြားသည်။

 ထို့နောက် တာဝန်ရှိသူများက လမ်းကို ဖဲကြိုးဖြတ်ဖွင့်လှစ်ပြီး တံတားကို အမွှေးနံ့သာရည်များဖြင့် ပက်ဖျန်းကြကာ ရွှေမိုးငွေမိုးများ ရွာသွန်းဖြိုးကြသည်။

 အဆိုပါလမ်းမှာ အရှည်ပေ (၄၃၀)၊ အကျယ် (၁၈)ပေရှိ၍ ရပ်နီးရပ်ဝေးမှ အလှူရှင်များက စုပေါင်းလှူဒါန်းခြင်းဖြစ်ပြီး အကျယ်(၂၁)ပေ၊ အရှည် (၆)ပေ တံတားကို သီးခြားအလှူရှင်က လှူဒါန်းကာ ဒေသခံရွာသူရွာသားများက စုပေါင်းလုပ်အား ဒါနပြု ဆောင်ရွက်ကြသည်။