၂၀၁၈ ခုနှစ်၊ ဒီဇင်ဘာလ ၉ ရက်

 မန္တလေးတိုင်းဒေသကြီး မြင်းခြံခရိုင်၊ မြင်းခြံမြို့နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၁၈-၂၀၁၉ ဘဏ္ဍာရေးနှစ်တွင် မြစိမ်းရောင် စီမံကိန်းကျေးရွာအဖြစ်ဆောင်ရွက်မည့် ဓူဝံ၊ အင်ကြင်းပင်၊ ငွေပေါ်ကျွန်း+ဆုံရွာ၊ ကိုင်း (မ)+သဲဖြူဝ(မ)၊ တဲကြီးကျေးရွာများအား ရန်ပုံငွေစီမံခန့်ခွဲမှု နှင့် ငွေစာရင်းထိန်းသိမ်းမှုသင်တန်းကို မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန အစည်းအဝေးခန်းမ၌ ဒီဇင်ဘာ ၆ ရက်က ကျင်းပ သည်။

 အဆိုပါအခမ်းအနားသို့ မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးညီညီအောင်၊ တိုင်းဒေသကြီးလွှတ်တော်ကိုယ်စားလှယ် ဦးချမ်းမြေ့၊ တိုင်းဒေသကြီးလွှတ်တော်ကိုယ်စားလှယ် ဦးခင်မောင်အေး၊ မြို့နယ်ဦးစီးမှူး ဦးမျိုးဝင်း၊ ဌာနဆိုင်ရာများမှ တာဝန်ရှိသူများ၊ ရုံး ဝန်ထမ်းများနှင့် သင်တန်းသား၊ သင်တန်းသူများ တက်ရောက်ကြသည်။

 ရှေးဦးစွာ တိုင်းဒေသကြီးလွှတ်တော်ကိုယ်စားလှယ်နှင့် မြို့နယ်အုပ်ချုပ်ရေးမှူးက အဖွင့်အမှာစကားပြောကြားပြီး မြို့နယ်ဦးစီးမှူးက ရန်ပုံငွေ စီမံခန့်ခွဲမှုနှင့် ငွေစာရင်းထိန်းသိမ်းမှု သင်တန်းနှင့်ပတ်သက်၍ သင်တန်းသားများအား ရှင်းလင်းပြောကြားသည်။

 သင်တန်းအား မြို့နယ်ကျေးလက်ရုံးမှ ဝန်ထမ်းများက နှစ်ရက်ကြာ သင်ကြားပို့ချပြီး ကျေးရွာ ခုနစ်ရွာ ငါးယူနစ်မှ သင်တန်းသား၊ သင်တန်းသူ ၃၉ ဦး တက်ရောက်ကြသည်။