၂၀၁၇ ခုနှစ်၊ ဇန်နဝါရီလ ၁၀ ရက်

 မန္တလေးခရိုင် ရဲတပ်ဖွဲ့မှူးရုံး သင်တန်းခန်းမတွင် ဖမ်းဆီးနည်း ဆင့်ပွားသင်တန်း (၁/၂၀၁၇)ဖွင့်ပွဲကို ဇန်နဝါရီ ၉ ရက် နံနက် ၇ နာရီခွဲတွင် ကျင်းပ ရာ မန္တလေးခရိုင် ရဲတပ်ဖွဲ့မှူး ဒုတိယရဲမှူးကြီး စိန်ထွန်းက သင်တန်းဖွင့် အမှာစကားပြောကြားပြီး သင်တန်းကို ဖွင့်လှစ်ပေးခဲ့သည်။

 အဆိုပါသင်တန်းသို့ မန္တလေးခရိုင် ရဲတပ်ဖွဲ့မှူးရုံးမှ ဒုတိယခရိုင် ရဲတပ်ဖွဲ့မှူး ရဲမှူးစိုးမြင့်၊ မြို့နယ်ရဲတပ်ဖွဲ့မှူးများနှင့် တာဝန်ရှိသူများ၊ သင်တန်း နည်းပြများ၊ သင်တန်းသားအရာရှိ ခုနစ်ဦး၊ အခြားအဆင့် ရှစ်ဦး စုစုပေါင်း ၁၅ ဦး တက်ရောက်ကြပြီး အဖျက်အမှောင့်လုပ်ငန်းများ၊ ဒုစရိုက်မှု လုပ်ငန်းများ ကာကွယ်နိုင်ရန် ရည်ရွယ်ပြီး အရည်အချင်း၊ အရည်အသွေးပြည့်ဝထက်မြက်သော ရဲတပ်ဖွဲ့ဝင်များ ဖြစ်လာစေရန် ဇန်နဝါရီ ၉ ရက်မှ ၂၀ ရက်အထိ ရက်သတ္တပတ် နှစ်ပတ်ကြာ ဖွင့်လှစ်၍ လေ့ကျင့်သင်ကြားပေးသွားမည်ဖြစ်သည်။