၂၀၁၇ ခုနှစ်၊ ဇန်နဝါရီလ ၁၁ ရက်

 ညောင်ဦးမြို့၊ ပုဂံရွှေပြည်ကားကြီးကွင်းအနီး မြို့ရှောင်လမ်းဆုံတွင် ဇန်နဝါရီ ၁၁ ရက် ညနေပိုင်းက ညောင်ဦးမြို့နယ် ယာဉ်ထိန်းရဲတပ်ဖွဲ့စခန်းမှ ရဲတပ်ဖွဲ့ဝင်များက တာဝန်ရှိသူများအဖွဲ့နှင့် ပူးပေါင်းကာ ယာဉ်စည်းကမ်း၊ လမ်းစည်းကမ်း မလိုက်နာသည့် မော်တော်ယာဉ်၊ မော်တော်ဆိုင်ကယ် များနှင့် စက်တပ်ယာဉ်များ စီးနင်းအသုံးပြုပြီး ယာဉ်မောင်းလိုင်စင် ကိုင်ဆောင်မောင်းနှင်ခြင်းမရှိသူများ၊ ယာဉ်နောက်လိုက် စပါယ်ယာလိုင်စင် မရှိသူများကို  စစ်ဆေးဖမ်းဆီးအရေးယူ ဆောင်ရွက်လျက်ရှိသည်။

 ထိုသို့ ယာဉ်အန္တရာယ်ကင်းရှင်းရေးအတွက် ယာဉ်စည်းကမ်း၊ လမ်းစည်းကမ်း မလိုက်နာသည့် မော်တော်ယာဉ်၊ မော်တော်ဆိုင်ကယ်များကို ဖမ်းဆီးစစ်ဆေး အရေးယူဆောင်ရွက်ရာတွင် ယာဉ်ထိန်းရဲတပ်ဖွဲ့ဝင်များသည် ညောင်ဦးမြို့နယ်ယာဉ်ထိန်းရဲတပ်ဖွဲ့စခန်းမှ ဒုတိယရဲမှူး ခင်မောင်ချို ၏ ဦးဆောင်မှုကိုခံယူ၍ တာဝန်ရှိသူများနှင့်ပူးပေါင်းကာ ညောင်ဦးမြို့နယ်အတွင်း ဖြတ်သန်းမောင်းနှင်သွားလာနေသည့် မော်တော်ဆိုင်ကယ် စီးနင်းသူများ၊ ဆိုင်ကယ်စီးဦးထုပ်မဆောင်းသူများနှင့် ဆိုင်ကယ်ဦးထုပ်ဆောင်းပြီး မေးသိုင်းကြိုးတပ်ဆင် မောင်းနှင်ခြင်းမရှိသူများ၊ မော်တော် ဆိုင်ကယ်အား နှစ်ယောက်ထက်ပိုမိုတင်ဆောင် မောင်းနှင်သူများကို ဖမ်းဆီးစစ်ဆေး အရေးယူဆောင်ရွက်လျက်ရှိကြောင်း၊ မော်တော်ယာဉ် မောင်းနှင်သူများကိုလည်း မော်တော်ယာဉ်မောင်းနှင်ရာတွင် ယာဉ်မောင်းလိုင်စင်ကိုင်ဆောင်မောင်းနှင်ခြင်း ရှိ၊ မရှိ၊ ယာဉ်နောက်လိုက်သူများအား စပါယ်ယာလိုင်စင် ရှိ၊ မရှိ ဖမ်းဆီးစစ်ဆေး အရေးယူဆောင်ရွက်လျက်ရှိသည်။