၂၀၁၇ ခုနှစ်၊ မတ် ၅ ရက်

 မန္တလေးတိုင်းဒေသကြီး၊ မန္တလေးခရိုင် အရန်မီးသတ်တပ်ဖွဲ့ဝင်များ မီးငြှိမ်းသတ်ရေးစွမ်းရည်နှင့် ရှာဖွေကယ်ဆယ်ရေးစွမ်းရည်ပြိုင်ပွဲအခမ်းအနားကို မတ် ၅ ရက် နံနက် ၉ နာရီက မန္တလေး၊ မဟာေ အာင်မြေမြို့နယ်၊ ၈၄ လမ်း၊ ၃၉ လမ်းနှင့် လမ်း ၄၀ ကြားရှိ တည်ဆောက်ဆဲ ၂၇ ထပ် ဟိုတယ် ၌ ကျင်းပပြုလုပ်ရာ မန္တလေးတိုင်းဒေသကြီးအစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူး ကြီး မျိုးမင်းအောင်၊ တိုင်းဒေသကြီး မီးသတ်ဦးစီးမှူး ညွှန်ကြားရေးမှူး ဦးသန်းဇော်ဦး၊ မဟာအောင်မြေမြို့နယ်အုပ်ချုပ်ရေးမှူး ဦးနိုင်ဝင်း၊ မြို့နယ် မီးသတ်ဦးစီးမှူး ဦးထက်အောင်နှင့် မြို့နယ် များမှ ပြိုင်ပွဲ ဝင်ကြမည့် အရန်မီးသတ်တပ်ဖွဲ့ဝင်များ၊ ဟိုတယ်မှ တာဝန်ရှိသူများ၊ ဖိတ်ကြားထားသူများ တက်ရောက်ကြသည်။

 ရှေးဦးစွာ မန္တလေးတိုင်းဒေသကြီးအစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး မျိုးမင်းအောင်က အဖွင့်အမှာစကားပြောကြားရာတွင် "အခုပြိုင်ပွဲကို ရာသီဥတုဖောက်ပြန်မှုများေ ကြာင့် မြန်မာနိုင်ငံသာမက ကမ္ဘာ့နိုင်ငံများပါ မီးဘေး၊ သဘာဝဘေးအန္တရာယ်များနှင့် ရုတ်တရက် ဖြစ်ပွားတတ်သော အန္တရာယ်များ မကြာခဏဖြစ်ပေါ်လျက်ရှိရာ မီးငြှိမ်းသတ်ရေးနှင့် ရှာဖွေကယ် ဆယ်ရေးလုပ်ငန်းများ ဆောင်ရွက်ရာတွင် လုပ်ငန်းစွမ်းဆောင်ရည်မြင့်မားလာစေရန် ရည်ရွယ်ပြုလုပ်ခြင်းဖြစ်ကြောင်း သဘာဝဘေးပေါ်ပေါက်လာတဲ့အခါ ဆုံးရှုံးမှုနည်းပါးသည်ထက် နည်းပါးစေရန် ကြိုတင်မျှော်မှန်း၍ ရှာဖွေကယ်ဆယ်ရေးလုပ်ငန်းများ ဆောင်ရွက်နိုင်ရန်အတွက် အသက်ကယ်နည်းစနစ် ကျွမ်းကျင်စွာပြုလုပ်နိုင်ပြီး တပ်ဖွဲ့ဝင်များ ကြံ့ခိုင်စေရန်လည်းဖြစ်ကြောင်း၊ ပြိုင်ပွဲပြီးသွားပါက ပြိုင်ပွဲဝင်ခဲ့သော မီးငြှိမ်းသတ်ရေးနှင့် ရှာဖွေကယ်ဆယ်ရေးဘာသာရပ်များကို မိမိတို့သက်ဆိုင် ရာ စခန်းအသီးသီးမှာ ဆက်လက်လေ့ကျင့်သွားကြရန်နှင့် မီးလောင်မှုများ၊ သဘာဝဘေးအန္တရာယ်များ ကျရောက်လာချိန်တွင် အရေးပေါ်ထိခိုက်ဒဏ်ရာရရှိမှုများအား အချိန်နှင့်တစ်ပြေးညီကူညီဆောင်ရွက်နိုင်ရန် အသင့်ရှိသော မီးသတ်တပ်ဖွဲ့ဝင်များဖြစ်စေရန် လေ့ကျင့်သွားကြရေး" တိုက်တွန်း ပြော ကြားသည်။

 ထို့နောက် ပြိုင်ပွဲဝင် မီးသတ်တပ်ဖွဲ့ဝင်များက မီးငြှိမ်းသတ်ယာဉ်ဖြင့် အထပ်မြင့် မီးငြှိမ်းသတ်စွမ်းရည်၊ ရေအကူပေးခြင်း၊ အထပ်မြင့်အဆောက်အအုံတွင် High Pressure Pump အသုံးပြု၍ မီးငြှိမ်းသတ်ရေးစွမ်းရည်၊ မီးခိုးပိတ်နေသော အခန်းအတွင်း လူနာအား ရှာဖွေကယ်ဆယ်ခြင်း၊ ကြိုးကူ၍ အခြားအဆောက်အအုံတစ်ဖက်မှ လူနာအား ကယ်ဆယ်ခြင်း၊ လှေကားတက်ခြင်းနှင့် ကြံ့ ခိုင်ရေးစွမ်းရည်များအား ယှဉ်ပြိုင်ပြသကြရာ တိုင်းဒေသကြီး ဝန်ကြီးနှင့် တာဝန်ရှိသူများက ကြည့်ရှုအားပေးကြသည်။

 ထို့နောက် ပြိုင်ပွဲအပြီးတွင် ဆုချီးမြှင့်ပွဲကို ဆက်လက်ကျင်းပရာ ထူးချွန်ဆုရမြို့နယ်များအား မန္တလေးတိုင်းဒေသကြီး မီးသတ်ဦးစီးမှူး ဦးသန်းဇော်ဦးက ဆုများပေးအပ်ချီးမြှင့်ခဲ့ကြောင်းနှင့် ပြိုင်ပွဲများ၌ မန္တလေးခရိုင်အတွင်းရှိ ခုနစ်မြို့နယ်မှ တစ်မြို့နယ်လျှင် ၁၂ ဦးဖြင့် အရန်မီးသတ်တပ်ဖွဲ့ဝင် ၈၄ ဦး ပါဝင်ယှဉ်ပြိုင်ခဲ့သည်။