၂၀၁၇ ခုနှစ်၊ မတ်လ ၃၀ ရက်

 မြန်မာ့ရိုးရာ မဟာသင်္ကြန်ပွဲတော်အတွက် မဏ္ဍပ်များဆောက်လုပ်ရာတွင် လုံခြုံရေးရှုထောင့်နှင့်မကိုက်ညီပါက ကန့်ကွက်တင်ပြသွားမည်ဖြစ် ကြောင်း၊ လုံခြုံရေးပိုင်းများကိုလည်း ယခင်နှစ်များ အတိုင်း ဆောင်ရွက်သွားမည်ဖြစ်ကြောင်း တိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဌာန ဝန်ကြီးက ပြောသည်။

 “ဒီနှစ်မှာ မဏ္ဍပ်ပုံတွေချပေးကတည်းက သတ်မှတ်ဒီဇိုင်းပုံစံထုတ်ပေးဖို့၊ သင်္ကြန်လုံခြုံရေးအစည်းအဝေးမှာ တင်ပြထားတာရှိတယ်၊ မဏ္ဍပ် ဆောက်မဲ့သူ တွေကလည်း အဲဒီအတိုင်း ဆောင်ရွက်မယ် လို့ ပြောထားတယ်၊ မဏ္ဍပ်တွေဆောက်ပြီး လိုက်စစ်လို့ မညီညွတ်တာတွေ့ရင် ကန့်ကွက်မယ်၊ စစ်ဆေးပြီး တာဝန်ရှိသူတွေဆီ တင်ပြသွားမှာပါ၊ လုံခြုံရေးအမြင်အရ မသင့်ရင်တော့ ကန့်ကွက် တင်ပြဖို့ရှိပါတယ်”ဟု ဝန်ကြီး ဗိုလ်မှူးကြီး မျိုးမင်းအောင်က ပြောသည်။

 ယခုနှစ်သင်္ကြန်တွင် လုံခြုံရေးအင်အားကို သုံးပုံနှစ်ပုံ သုံးသွားမည်ဖြစ်ပြီး ၇၀ ရာခိုင်နှုန်းမှာ လုံခြုံရေးလုပ်ငန်းများကို ဆောင်ရွက်၍ ၃၀ ရာခိုင်နှုန်း ကို ပုံမှန်ရုံလုပ်ငန်းများတွင် ဆောင်ရွက်သွားမည်ြ ဖစ်သည်။

 “လုံခြုံရေးက မနှစ်ကအတိုင်း ပုံမှန်လုပ်သွားမှာပါ။ သင်္ကြန်လုံခြုံရေးကော်မတီဖွဲ့ထားတယ်။ လွှတ်တော်ကိုယ်စားလှယ်တွေပါတယ်။ မဏ္ဍပ်တွေ ဆောက် ပြီးသွားရင် လိုက်ကြည့်မယ်။ လိုအပ်တဲ့ အတိုင်းအတာအတိုင်း လုံခြုံရေးချထားပေးမယ်။ လုံခြုံရေးစီမံချက်တွေလည်း ရေးထားပြီးပြီ။ မဏ္ဍပ်တွေအနေနဲ့ သူ့မဏ္ဍပ်နဲ့သူ သူ့လုံခြုံရေးတွေခန့်ထားပြီး ဆောင်ရွက်ရမယ်။ သူတို့နဲ့ ဆက်စပ်ပြီး ရဲတပ်ဖွဲ့က ဆောင်ရွက်မယ်။ မြို့တွင်းလုံခြုံ ရေးအတွက် ခိုက်ရန် မဖြစ်ပွားဖို့၊ တုတ်၊ ဓားတွေပါလာမှာစိုးတဲ့အတွက် စစ်ဆေးပညာပေးပြီး သိမ်းသွားမယ်” ဟု ဆက်လက်ပြောသည်။

 ယခုနှစ် မြန်မာ့ရိုးရာမဟာသင်္ကြန်တွင် လမ်းလျှောက်သင်္ကြန်အစီအစဉ်၌ ၂၆ လမ်းတစ်လျှောက်၊ ၇၃ လမ်းနှင့် ၇၇ လမ်းကြားနေရာတွင် မဏ္ဍပ် ၃၅ ခု ချားထားပေးနိုင်ရန် လျာထားကြောင်း။ မန္တလေးခရီးသွားမြှင့်တင်ရေးအဖွဲ့မှစီစဉ်သည့် နိုင်ငံခြားသားခရီးသွားလုပ်ငန်းကို မြှင့်တင်ရန်အတွက် ဟိုတယ်နှင့်ခရီးသွားလုပ်ငန်းများ၏ ရေကစားနှင့်ဖျော်ဖြေရေးမဏ္ဍပ်များ၊ စတုဒိသာကျွေးမွေးေ ရးနှင့် နားနေမဏ္ဍပ်များပါဝင်သည့် ၆၉ လမ်း နှင့် ၆၆လမ်းကြားတွင် မဏ္ဍပ် ၁၄ ခု၊ မန္တလေးကျုံးအရှေ့ဖက်ခြမ်းတွင် ရေကစားမဏ္ဍပ် ခြောက်ခု ခွင့်ပြုထားပြီးဖြစ်ကြောင်း၊ မြို့နယ်များအတွင်း လက်ရှိ တွင် စာရင်းရှစ်ခု အနက် လေးခုအား ခွင့်ပြုထားပြီဖြစ်သည်။