၂၀၁၇ ခုနှစ်၊ မတ်လ ၁၅ ရက်

 မန္တလေးစက်မှုဇုန်ရှိ သားရေစက်ရုံ ၂၉ ရုံမှ ထွက်ရှိသော ရေဆိုးစွန့်ထုတ်နေမှုများကို လုပ်ငန်းရှင်များနှင့် တွေ့ဆုံညှိနှိုင်းဆွေးနွေးပွဲကို မတ် ၁၅ ရက် မွန်းလွဲ ၂ နာရီက မန္တလေးမြို့တော်စည်ပင် သာယာရေးကော်မတီရုံး အစည်းအဝေးခန်းမ၌ ကျင်းပရာ မန္တလေးမြို့တော်ဝန် စည်ပင်သာယာရေး ဝန်ကြီးဌာန ဝန်ကြီး ဒေါက်တာ ရဲလွင် တက်ရောက်ဆွေးနွေးသည်။

 "သားရေနယ်စက်ရုံလုပ်ငန်းတွေကို စစ်တဲ့အခါ အနေအထား တော်တော်ဆိုးတာကို တွေ့ရတယ်။ လုပ်ငန်းရှင်တွေအနေနဲ့ ရလာတဲ့ အကျိုး အမြတ်ကတော့ ဘယ်လောက်ရမယ်ဆိုတာ မသိပါဘူး။ ဒါပေမဲ့ လူနေမှုဂေဟစနစ်ကြီး ပျက်သွားအောင် ဖျက်လိုက်တာ အကျိုးအမြတ်ထက် ဆယ်ဆမက တန်ဖိုးကြီးမားပါတယ်။ လေထု၊ ရေထု၊ မြေထု ပျက်စီးသွားတာ ကဏ္ဍတစ်ခု၊ လျှပ်စစ်မီးသွယ်တန်း ထားတဲ့စနစ်က စိတ်ချယုံကြည်ရတဲ့ စနစ် တစ်ခုမှ မရှိဘူး။ ဥပဒေ၊ နည်းဥပေဒနဲ့ ပတ်သက်ပြီး ပြောရမယ်ဆိုရင် မန္တလေးမှာ ဖွင့်လို့ရမယ့် စက်ရုံတစ်ရုံမှ မရှိဘူး။ လုပ်ငန်းရှင်အဖွဲ့တွေနဲ့ လည်း မကြာ ခဏ တွေ့ဆုံဆွေးနွေးမှုတွေ လုပ်ခဲ့တယ်။ တစ်ခုပြီးတစ်ခုလည်း သတိပေးနေပါတယ်။ ပေးတဲ့အတိုင်းလည်း လိုက်နာစေချင်တယ်။ လုပ်ငန်းရှင်တွေလည်း စီးပွားမပျက်စေချင်ဘူး။ အလုပ်သမားတွေ လည်း အလုပ်လက်မဲ့ မဖြစ်စေချင်ပါဘူး။ စက်ရုံ၊ အလုပ်ရုံ လုပ်ငန်းရှင်တွေကို ယုံကြည်ပါတယ်။ ပြုပြင်မယ်လို့ ထင်ပါတယ်။ မန္တလေးမြို့တော်အတွက် စဉ်းစားပေးဖို့၊ မြန်မာပြည်အတွက် စဉ်းစားပေး ဖို့၊ ဒုဋ္ဌဝတီ၊ ဧရာဝတီ အတွက် စဉ်းစားပေးဖို့ပါ။ ကိုယ့်ကြောင့် လူတွေဒုက္ခရောက်နေကြတာ မမြင်ကြရဘူး။ ဖြည်းဖြည်းချင်း ဆိုးကျိုးက နှစ်ပေါင်းကြာလာမှ သိလာတာ။ ကိုယ်တိုင်လည်း ခံစားနေရ သူတွေ ဖြစ်နေရတယ်။ မြန်မာပြည်ကလူတွေ သက်တမ်းတိုနေတာ အများကြီးပဲ။ တတ်နိုင်သမျှ ပြောင်းလဲပေးပါ။ တရားဥပဒေနည်းလမ်းဘောင်အပြင်ဘက်ကဆိုရင် လက်မခံပါဘူး။ လိုက်နာတဲ့ လုပ်ငန်းရှင်တွေ ဆက်လုပ်လို့ရမယ်။ မလိုက်နာရင်တော့ နောက် တစ်ကြိမ်ဆိုတာ မရှိပါဘူး။ မြေပါသိမ်းမယ့်အနေအထားဖြစ်ပါတယ်"ဟု မြို့တော်ဝန်က ဆွေးနွေးပြောကြားသည်။

 ထို့နောက် ဆွေးနွေးပွဲသို့တက်ရောက်လာသော လုပ်ငန်းရှင်များက မြို့တော်ဝန်၏ ဆွေးနွေးချက်များအပေါ် လုပ်ငန်းရှင်များက ပူးပေါင်းဆောင်ရွက် မည့် အစီအစဉ်များ၊ တွေ့ကြုံနေရသည့် အခက် အခဲများ၊ လုပ်ငန်းများ ဆက်လက်ဆောင်ရွက်ရာတွင် ထွက်ရှိလာမည့် ရေဆိုးများအား စနစ်တကျ စွန့်ထုတ်နိုင်မည့် နေရာရွေးချယ်မှုနှင့် အမြန်ဆုံး အကောင်အထည်ဖော်နိုင်ရေးတို့အတွက် ဆွေးနွေး ကြသည်။

 ဆက်လက်၍ လုပ်ငန်းရှင်များ၏ ဆွေးနွေးမှုများအပေါ် ရေနှင့်သန့်ရှင်းမှုဌာန ကော်မတီဝင် ဒေါ်မြင့်မြင့်သန်းနှင့် တာဝန်ရှိသူတို့က ဖြည့်စွက် ဆွေးနွေးကြသည်။