၂၀၁၈ ခုနှစ် ဖေဖော်ဝါရီလ ၇ ရက်

 မန္တလေး၊ ချမ်းမြသာစည်မြို့နယ်ရှိ ကန်တော်ကြီးလူထုအပန်းဖြေဥယျာဉ်တွင် ကျင်းပပြုလုပ်မည့် ၁၆ ကြိမ်မြောက် မြို့တော်ဝန်ဖလား ဟင်းသီးဟင်းရွက် နှင့် သစ်သီးဝလံပန်းမန်ပြပွဲ ပြိုင်ပွဲနှင့်ပတ်သက်၍ စာနယ်ဇင်းရှင်းလင်းပွဲကို ဖေဖော်ဝါရီ ၇ ရက် နံနက် ၁၀ နာရီက အဆိုပါ လူထုအပန်းဖြေဥယျာဉ် အတွင်း၌ ကျင်းပသည်။

 စာနယ်ဇင်းရှင်းလင်းပွဲတွင် မန္တလေးမြို့တော်စည်ပင်သာယာရေးကော်မတီ၊ ပန်းဥယျာဉ်နှင့် ကစားကွင်းများဌာနမှ ဌာနခွဲမှူး ဒေါ်မိုးမိုးသန်းက မြို့တော် စိမ်းလန်းစိုပြေသာယာလှပရေးလုပ်ငန်းများတွင် ပြည်သူလူထု စိတ်ပါဝင်စားလာစေရန်နှင့် ပါဝင်ပူးပေါင်းဆောင်ရွက်လာစေရန် အိမ်တိုင်းအိမ်တိုင်း စိမ်းလန်းစိုပြေရေး ဆောင်ရွက်ခြင်းဖြင့် မန္တလေးမြို့တော်အား ဥယျာဉ်မြို့တော်အဖြစ် တည်ဆောက်ထိန်းသိမ်းရာတွင် အထောက်အကူဖြစ်လာစေရန် ဟင်းသီးဟင်းရွက်နှင့်သစ်သီးဝလံပန်းမန် အဆင့်မြင့်စိုက်ပျိုးနည်းပညာများ ဖလှယ်နိုင်စေရန်၊ ဟင်းသီးဟင်းရွက်နှင့် သစ်သီးဝလံပန်းမန် မျိုးကောင်း မျိုးသန့်များကို အိမ်တိုင်းအိမ်တိုင်း တစ်ပိုင်တစ်နိုင်စိုက်ပျိုးထုတ်လုပ်ခြင်းဖြင့် နိုင်ငံတော်၏ စီးပွားရေးဖွံ့ဖြိုးတိုးတက်ရေးကို အထောက်အကူဖြစ်စေရန် စသည့် ရည်ရွယ်ချက်များဖြင့် ကျင်းပခြင်းဖြစ်ကြောင်း ပြောကြားသည်။

 ဆက်လက်၍ မန္တလေးတိုင်းဒေသကြီး စိုက်ပျိုးရေးဦးစီးဌာန တိုင်းဒေသကြီးဦးစီးမှူး ဦးကျင်မောင်၊ မန္တလေးတိုင်းဒေသကြီး ပန်းဝါသနာရှင်များအသင်း ဥက္ကဋ္ဌ ဦးတင်လှ၊ မန္တလေးမြို့တော်စည်ပင်သာယာရေးကော်မတီ၊ စိုက်ပျိုးရေးနှင့် မွေးမြူရေးဌာန ဒုတိယဌာနမှူး ဦးဇေယျနှင့် ပြည်သူ့ဆက်ဆံရေးနှင့် ပြန်ကြားရေးဌာန ဌာနမှူး ဦးသန်းလွင်တို့က ဟင်းသီးဟင်းရွက်နှင့် သစ်သီးဝလံပန်းမန် ပြပွဲ၊ ပြိုင်ပွဲနှင့်ပတ်သက်၍ အသီးသီး ရှင်းလင်းတင်ပြကြသည်။

 ထို့နောက် ရှင်းလင်းတင်ပြချက်များအပေါ် မီဒီယာများက သိလိုသည်များကို မေးမြန်းရာ တာဝန်ရှိသူများက ပြန်လည်ရှင်းလင်းဖြေကြားခဲ့သည်။