၂၀၁၈ ခုနှစ်၊ မေလ ၁၃ ရက်

 မန္တလေးမြို့တော်ဝန် စည်ပင်သာယာရေးဝန်ကြီးဌာန ဝန်ကြီး ဒေါက်တာရဲလွင်၊ မန္တလေးမြို့တော်စည်ပင်သာယာရေးကော်မတီ ဒုတိယ ဥက္ကဌ ဒုတိယမြို့တော်ဝန် ဦးရဲမွန်၊ တွဲဖက်အတွင်းရေးမှူးနှင့် ကော်မတီဝင်များသည် ယနေ့နံနက် ၁၁ နာရီခွဲက မဟာအောင်မြေမြို့နယ် ၃၈ လမ်းကို ၇၃ လမ်းမှ ၇၈ လမ်းအထိ လမ်းဖောက်လုပ်ခြင်းလုပ်ငန်းများဆောင်ရွက်နေမှုကို သွားရောက်ကွင်းဆင်းကြည့်ရှုစစ်ဆေးကြသည်။

 မြို့တော်ဝန်နှင့်အဖွဲ့အား လမ်းတံတားဌာန ဒုတိယဌာနမှူးနှင့်တာဝန်ရှိသူများက လမ်းဖောက်လုပ်ရာတွင် လမ်းဧရိယာနှင့်မလွတ်ကင်းသည့် ရွှေစင်နာရဏီ ဓမ္မဗိမာန်တော်အုတ်တံတိုင်းထိစပ်နေမှုကိစ္စရပ်အား ညှိနှိုင်းဆောင်ရွက်မှုအခြေအနေ၊ ၃၈ လမ်းတစ်လျှောက် လမ်းအူကြောင်း ဖောက်လုပ်ပြီးစီးမှုအခြေအနေ၊ လမ်းဧရိယာနှင့် ထိစပ်လျက်ရှိသည့်(၇၆) ဓာတ်အားခွဲရုံ(မျက်ပါးရပ်)နှင့် လျှပ်စစ်မီးတိုင်များ ပြောင်းရွှေ့စိုက်ထူရေး ဆောင်ရွက်နေမှုများကို ရှင်းလင်းတင်ပြကြသည်။

 ထို့နောက် အဆိုပါလမ်းသစ်ဖောက်လုပ်ရာ၌ မင်္ဂလာတူးမြောင်းဖောက်ကူးသည့် အကျယ် ပေ ၇၀၊ ရေသွားအကျယ် ၁၀ ပေရှိ Precast အမျိုးအစား ကွန်ကရစ်တံတား တည်ဆောက်ပြီးစီးမှုအခြေအနေကို ကြည့်ရှုစစ်ဆေးကာ မြို့တော်ဝန်က လုပ်ငန်းကဏ္ဍအလိုက် သတ်မှတ် စံချိန်စံညွှန်း၊ အရည်အသွေးပြည့်မီအောင်ဆောင်ရွက်သွားကြရန် တာဝန်ခံအင်ဂျင်နီယာများအား မှာကြားသည်။