၂၀၁၈ ခုနှစ်၊ စက်တင်ဘာလ ၁၂ ရက်

 

 မန္တလေးမြို့တော်စည်ပင်သာယာရေးကော်မတီ နယ်နိမိတ်အတွင်း အများပြည်သူဆိုင်ရာ လမ်းနယ်နိမိတ်များပေါ်တွင် အကြောင်းမဲ့ အချိန်ကြာမြင့်စွာ ရပ်ထားသည့် တွဲကားများကို ဆွဲကားများဖြင့် ဆွဲယူဖယ်ရှားသိမ်းဆည်းအရေးယူခြင်းကို စက်တင်ဘာ ၁၇ ရက်မှ စတင်ဆောင်ရွက်သွားမည်ဖြစ်သည်။

 “ပြည်ကြီးတံခွန်မြို့နယ်ထဲ လမ်းမကြီးတွေ၊ လမ်းသွယ်တွေမှာအမိုးမပါ၊ ခေါင်းတွဲတွေချည်းပဲရှိတဲ့ကားတွေ၊ ခေါင်းတွဲဖြုတ်ထားပြီး နောက်တွဲကိုယ်ထည်ကို ရက်ပေါင်းများစွာထားတဲ့ကားတွေ အများကြီးရှိတယ်၊ တချို့တွဲကားတွေ လမ်းမပေါ်မှာဖြုတ်ပြီး လိုသလိုထားသွားတဲ့အတွက် လမ်းပိတ်ဆို့တာတွေ၊ အခြား သွားလာနေတဲ့ ယာဉ်တွေအတွက် အန္တရာယ်ဖြစ်စေတယ်။ လမ်းတွေပျက်စီးစေတယ်။ မြို့တော်သန့်ရှင်းသာယာလှပဖို့ စီမံချက်နဲ့လုပ်တာပါ။ လုပ်ငန်းရှင် တွေကလည်း ဝိုင်းဝန်းပူးပေါင်းလိုက်နာပေးပါ ”ဟု မန္တလေးမြို့တော်စည်ပင်သာယာရေးကော်မတီဝင် ဦးကျော်ဇောအောင်က ပြောသည်။

 မန္တလေးမြို့တော်စည်ပင်သာယာရေးကော်မတီ နယ်နိမိတ်အတွင်း အများပြည်သူဆိုင်ရာ လမ်းနယ်နိမိတ်များအပေါ်တွင် သတ်မှတ်ထားသည့် နေရာမှ အပ ယာဉ်များ အကြောင်းမဲ့ကြာမြင့်စွာ ရပ်တန့်ခြင်း၊ ယာဉ်ကြော ပိတ်ဆို့ရပ်တန့်ခြင်း၊ ယာဉ်နှစ်ထပ် ရပ်ခြင်း၊ ပြုပြင်ခြင်း၊ ထားရှိခြင်းတို့ကြောင့် ပြည်သူများ စိတ်အနှောင့်အယှက်ဖြစ်စေခြင်း၊ ယာဉ်ကြောပိတ်ဆို့ခြင်းများ ဖြစ်ပေါ်စေသည့်အတွက် စီမံချက်ဖြင့် လုပ်ဆောင်ခြင်းဖြစ်ပြီး ကြိုတင်အသိပေး ကြေညာထားပြီးဖြစ်သည်။

 “ပညာပေးကာလ ပြီးသွားလို့ စက်တင်ဘာ ၁၇ ရက်ကနေစပြီး အောက်တိုဘာ ၁၇ ရက်အထိ စီမံချက်ကာလ တစ်လသတ်မှတ်ပြီး ဦးစားပေးလုပ်သွား မှာပါ။ စီမံချက်ပေါ်မူတည်၍ လိုအပ်လာပါက စီမံချက်ကာလ ထပ်တိုးလုပ်သွားဖို့ အစီအစဉ်ရှိပါတယ်။ ပထမဒဏ်ကြေးငွေကျပ် ငါးသောင်း ဒဏ်တပ်ရိုက် မယ်။ ဆွဲခ တစ်သိန်းပါ။ ထပ်ပြီး ကျူးလွန်မယ်ဆိုရင် စည်ပင်သာယာဥပဒေအရ တရားစွဲဆို အရေးယူသွားမှာပါ”ဟု ဆက်လက်ပြောသည်။

 မန္တလေးမြို့တော်စည်ပင်သာယာရေးကော်မတီ စည်ပင်သာယာရဲတပ်ဖွဲ့၊ ယာဉ်စည်းကမ်း၊ လမ်းစည်းကမ်းထိန်းသိမ်းရေးအဖွဲ့၊ မြို့နယ်အုပ်ချုပ်ရေးမှူးများ၊ ရပ်ကွက်အုပ်ချုပ်ရေးမှူးများနှင့် သက်ဆိုင်ရာ ဌာနများ ပူးပေါင်းဆောင်ရွက်သွားမည်။ လိုက်နာမှုမရှိကြောင်း စစ်ဆေးတွေ့ရှိပါက ယာဉ်ကို ဆွဲယူဖယ်ရှား သိမ်းဆည်းကာ မန္တလေးမြို့တော်စည်ပင်သာယာရေးဥပဒေအရ ဒဏ်တပ်ရိုက်အရေးယူမည့်အပြင် ယာဉ်ဆွဲယူရွှေ့ပြောင်းစရိတ် ကျပ်တစ်သိန်းကိုလည်း ပေးဆောင်ရမည်ဖြစ်ပြီး ယာဉ်ကို ၂၄ နာရီအတွင်း လာရောက်ယူဆောင်ခြင်းမရှိပါက ရက်လွန်ဒဏ်ကြေး တစ်ရက်လျှင် ဒဏ်ငွေ ကျပ်တစ်သောင်းနှုန်း ထပ်မံပေးဆောင်ရမည်ဖြစ်သည်။