၂၀၁၇ ခုနှစ်၊ ဖေဖော်ဝါရီလ ၂၃ ရက်

မန္တလေးတိုင်းဒေသကြီး မန္တလေးမြို့နှင့် အနီးတစ်ဝိုက်တွင် စိုက်ပျိုးရေးအတွက် အရေးပါသော ဆည်တော်ကြီးမှ စိုက်ပျိုးရေများ စတင်လွှတ်ပေး လျက်ရှိသည်။ ဆည်တော်ကြီး စိုက်ပျိုးရေကို အခြေပြု ကာ စပါးများ စိုက်ပျိုးကြသည်။

 ဆည်တော်ကြီး ရေလှောင်တမံမှာ စိုက်ပျိုးရေးအတွက် အဓိကကျသော ရေလှောင်တမံဖြစ်သည်။ ဆည်တော်ကြီးမှ လွှတ်ပေးသောရေဖြင့် လယ် စိုက်ပျိုးခြင်းများကို ပြုလုပ်ကြရသည်။ ဆည်တော် ကြီး ရေလှောင်တမံမှာ စိတ်ဝင်စားစရာဖြစ်ပြီး ရေအသုံးချမှုများမှာ စနစ်ကျလှသည်။ ဆည်တော်ကြီးရေလှောင်တမံမှာ မန္တလေးတိုင်းဒေသကြီး၊ ပြင်ဦးလွင်ခရိုင်၊ မတ္တရာမြို့နယ်တွင် တည်ရှိ သည်။ ချောင်းမကြီးချောင်းနှင့် ဆက်သွယ်ထားပြီး ရေဆင်းဧရိယာ ၁၃၂၂ စတုရန်းမိုင် ရှိသည်။ နှစ်စဉ် ပျမ်းမျှမိုးရေချိန် ၃၄ ဒသမ ၁ လက်မ ရရှိသည်။

 နှစ်စဉ် ဆည်အတွင်း ပျမ်းမျှစီးဝင်သည့်ရေမှာ ဧကပေ ၁၃၃၀၀၀၀ ဖြစ်ပြီး တမံအမျိုးအစားမှာ မြေသား၊ ကွန်ကရစ်ကျောက်ဖြည့်တမံများဖြင့် ပြု လုပ်ထားသည်။ တမံအမြင့်ပေ ၁၃၃ ပေ၊ တမံအ လျားပေ ၄၁၂၀ ရှိသည်။ မြေသားတမံအနေဖြင့် ၂၇၅၈ ပေ၊ ကွန်ကရစ်တမံ ၇၇၇ ပေ၊ ကျောက် ဖြည့်တမံ ၅၈၅ ပေ၊ ကန်ရေပြင်ရေလှောင်ပမာဏ ဧကပေ ၃၆၃၀၀၀ ဖြစ်သည်။

 ဆည်တော်ကြီး ရေလှောင်တမံမှာ ကန်ရေသေ ရေလှောင်ပမာဏ ပေ ၈၄၀၀၀၊ ကန်ရေပြည့်ရေပြင် ဧရိယာအကျယ် ဧကပေ ၇၀၉၀ ရှိသည်။ ရေ ထုတ်ပြွန် အမျိုးအစားများအနေဖြင့် သံကူကွန် ကရစ်အမျိုးအစားဖြစ်ပြီး အရွယ်အစား ၁၄ ပေ အချင်းနှစ်လုံး၊ ရေထုတ်ပြွန် အလျားပေ ၁၅၀ ရှိပြီး ရေထုတ်ပြွန်ဒီဇိုင်း ရေထုစီးနှုန်း ၁၇၅၀ ကျူးဆက်ရှိသည်။ ရေပိုလွှဲအမျိုးအစားမှာ သံကူကွန်ကရစ် အမျိုးအစားဖြစ်ပြီး ရေပိုလွှဲအကျယ်ပေ ၃၆၀၊ ရေပိုလွှဲဒီဇိုင်းရေထုစီးနှုန်း ၁၃၅၅၀၀ ကျူးဆက်ရှိသည်။ တူးမြောင်းမကြီးမှာ ၅၅ ဒသမ ၆ မိုင်၊ လက်တံမြောင်း ၁၆၀ ဒသမ ၅၈ မိုင်၊ လက်တံခွဲ မြောင်း ၁၁၃ ဒသမ ၉၇ မိုင်၊ တူးမြောင်းအဆောက်အအုံ ၇၉၀ ခုရှိပြီး ဆည်ရေပေးနိုင်သည့်ဧရိယာမှာ လက်ရှိစိစစ်ထားသော စာရင်းအရ ၉၃၃၆၃ ဧကရှိသည်။ ဆည်တော်ကြီး ရေလှောင်တမံစီမံကိန်း စတင်သည့်နှစ်မှာ ၁၉၇၆-၇၇ ဘဏ္ဍာန်ှဖြစ်ပြီး စီမံကိန်းပြီးစီးသည့်နှစ်မှာ ၁၉၈၆-၈၇ တွင် ပြီးစီးခဲ့သည်။

 လက်ရှိတွင် စိုက်ပျိုးရေးအတွက် အရေးပါသော ဆည်တော်ကြီးက စိုက်ပျိုးရေများ စတင်လွှတ်ပေးလျက်ရှိပါသည်။