၂၀၁၇ ခုနှစ်၊ စက်တင်ဘာလ ၃ ရက်

 စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ ယွန်းပညာကောလိပ်၊ ပုဂံမြို့၌ ဂျပန်နိုင်ငံ၊ တိုကျိုအနုပညာတက္ကသိုလ်၊ ဂျပန်နိုင်ငံ အာရှယွန်းလက်မှုအနုပညာဖလှယ်ရေး သုတေသနစီမံကိန်းတို့ပူးပေါင်း၍ မြန်မာ၊ ဂျပန်၊ ဗီယက်နမ်၊ ထိုင်း၊ ကိုရီးယား၊ ကမ္ဘောဒီးယား၊ လာအို၊ တရုတ်၊ အမေရိကန်နိုင်ငံတို့မှ ယွန်းလက်မှုအနုပညာပစ္စည်းများဖြင့် အာရှယွန်းလက်မှုအနုပညာပြပွဲ၊ အလုပ်ရုံဆွေးနွေးပွဲနှင့် ဂျပန်-မြန်မာ နည်းပညာဖလှယ်ပွဲ၏ ဖွင့်ပွဲအခမ်းအနားကို စက်တင်ဘာ ၂ ရက် နံနက် ၁၀ နာရီက ပြုလုပ်သည်။

 အခမ်းအနားသို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူးချုပ် ဦးမြသန်း၊ သမဝါယမဦးစီးဌာန ညွှန်ကြားရေးမှူးချုပ် ဦးအောင်ဖြူနှင့် တာဝန်ရှိပုဂ္ဂိုလ်များ၊ သမဝါယမတက္ကသိုလ်(စစ်ကိုင်း)မှ တာဝန်ခံပါမောက္ခချုပ် ဒေါက်တာမို့မို့ရီ၊ မန္တလေးတိုင်းဒေသကြီး သမဝါယမအသင်းစုချုပ်ဥက္ကဋ္ဌနှင့် မန္တလေးတိုင်းဒေသကြီး သမဝါယမဦးစီးဌာန ဒုတိယညွှန်ကြားရေးမှူး၊ ညောင်ဦးခရိုင်နှင့်မြို့နယ်မှ ဌာနဆိုင်ရာတာဝန်ရှိသူများ၊ ယွန်းပညာကောလိပ်ကျောင်းအုပ်ကြီး၊ ဆရာ၊ ဆရာမများနှင့် ဝန်ထမ်းများ၊ မြန်မာ့ယွန်းထည်အသင်း ဥက္ကဋ္ဌနှင့်အဖွဲ့ဝင်များ၊ ယွန်းပညာရှင်များ၊ ဂျပန်နိုင်ငံသံရုံးမှ သံတမန် Mr.Koga To Shimichi ၊ အာရှယွန်းလက်မှု အနုပညာဖလှယ်ရေး သုတေသနစီမံကိန်းမှ ညွှန်ကြားရေးမှူး(ပါမောက္ခ) Ms.Sakurako Matsushima ၊ တရုတ်၊ ဂျပန်၊ ဗီယက်နမ်၊ ထိုင်း၊ ကိုရီးယား၊ ကမ္ဘောဒီးယား၊ လာအိုနှင့် အမေရိကန်နိုင်ငံတို့မှ ပါမောက္ခများ၊ ယွန်းလက်မှုအနုပညာရှင်များနှင့် ဖိတ်ကြားသောဧည့်သည်တော် များ တက်ရောက်ကြသည်။

 ပထမဦးစွာ အခမ်းအနားအစီအစဉ်များကို အာရှယွန်းလက်မှုအနုပညာဖလှယ်ရေး သုတေသနစီမံကိန်း ညွှန်ကြားရေးမှူးက ရှင်းလင်းပြောကြား ၍ အသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူးချုပ်၊ မြန်မာနိုင်ငံဆိုင်ရာ ဂျပန်သံရုံး၊ သံတမန်၊ ယွန်းပညာကောလိပ် ကျောင်းအုပ်ကြီး၊ မြန်မာ့ယွန်းထည်အသင်းဥက္ကဋ္ဌတို့က အဖွင့်အမှာစကားများ ပြောကြားကြသည်။

 ၎င်းနောက် ယွန်းပညာကောလိပ် သမိုင်းကြောင်း၊ ရည်ရွယ်ချက်၊ အဓိကလုပ်ငန်းတာဝန်များ၊ သင်တန်းပို့ချပေးနေမှုများကို ကျောင်းအုပ်ကြီး ဒေါ်နီလာမြင့်က လည်းကောင်း၊ နိုင်ငံအသီးသီးယွန်းပညာပို့ချပေးနေမှု အခြေအနေများကို သက်ဆိုင်ရာပါမောက္ခများကလည်းကောင်း၊ မြန်မာ့ယွန်းအနုပညာရပ်နှင့်ပတ်သက်၍ ယွန်းပညာကောလိပ် သုတေသနနှင့်ဖွံ့ဖြိုးရေးဌာန ဌာနမှူး ဦးမောင်လင်းကလည်းကောင်း၊ ဂျပန်ယွန်း အနုပညာရပ်နှင့်ပတ်သက်၍ တိုကျိုအနုပညာတက္ကသိုလ်ပါမောက္ခ Mr.Norihiko Ogura ကလည်းကောင်း၊ တရုတ်၊ ဗီယက်နမ်၊ ထိုင်း၊ ကိုရီးယား၊ ကမ္ဘောဒီးယားနှင့် လာအိုနိုင်ငံ ပါမောက္ခများက ၎င်းတို့၏ ယွန်းပညာရပ်များနှင့် ပတ်သက်၍လည်းကောင်း၊ ရှင်းလင်းတင်ပြဆွေးနွေး ကြသည်။ နိဂုံးချုပ်အမှာစကားကို တိုကျိုအနုပညာတက္ကသိုလ်ပါမောက္ခနှင့် ယွန်းပညာကောလိပ်ကျောင်းအုပ်ကြီးတို့က ပြောကြားသည်။

 ပြပွဲတွင် နိုင်ငံအသီးသီးမှ ယွန်းထည်ပစ္စည်း ၃၀ မျိုး၊ ဂျပန်-မြန်မာ ယွန်းပညာနှီးနှောဖလှယ်ရေးအစီအစဉ်အရ နှစ်နိုင်ငံသင်တန်းသားများ၏ လက်ရာပစ္စည်းများ ခင်းကျင်းပြသထားပြီး ပြပွဲကာလမှာ စက်တင်ဘာ ၄ ရက်အထိဖြစ်သည်။ ၎င်းကာလအတွင်း နိုင်ငံအသီးသီးမှ ပညာရှင် ၁၅ ဦးအား မြန်မာ့ကညစ်ယွန်းပညာနှင့် ရွှေဇဝါယွန်းပညာရပ်တို့အား ပို့ချပေးခြင်းနှင့် ဂျပန်-မြန်မာ Student exchange program များအား ပြုလုပ် သွားမည်ဖြစ်သည်။