၂၀၁၇ ခုနှစ်၊ စက်တင်ဘာလ ၁၂ ရက်

 စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ညောင်ဦးခရိုင်စိုက်ပျိုးရေးဦးစီးဌာနမှ ခရိုင်(မြေ၊ မျိုး၊ ပိုး) တာဝန်ခံ ဝန်ထမ်းများဦးဆောင်သော အဖွဲ့သည် စက်တင်ဘာ ၁၂ ရက် နံနက် ၈ နာရီက ညောင်ဦးမြို့နယ်အတွင်း စိုက်ပျိုးရေးဦးစီးဌာန၏ ကြီးကြပ်မှုဖြင့် စိုက်ပျိုးဆောင်ရွက်ထားရှိသည့် စံပြကွက်သီးနှံစိုက်ခင်းများကို သွားရောက်ပြီး အောင်မြင်ဖြစ်ထွန်းမှုရှိ၊ မရှိ အခြေအနေများ နှင့် သီးနှံဖျက်ပိုးကျရောက်မှု ရှိ၊ မရှိ အခြေအနေများကို ကွင်းဆင်းကြည့်ရှုစစ်ဆေးခဲ့ကြသည်။

 ယင်းသို့ စံပြကွက်သစ်သီးနှံစိုက်ခင်းများအား သွားရောက်ကွင်းဆင်းကြည့်ရှုစစ်ဆေးရာတွင် ညောင်ဦးခရိုင်စိုက်ပျိုးရေးဦးစီးဌာနမှ ခရိုင်မြေအသုံးချရေးတာဝန်ခံ ဒေါ်စန်းစန်းဝေ၊ ခရိုင်မျိုးစေ့တာဝန်ခံ ဒေါ်ကြည်ကြည်ဆွေနှင့် ခရိုင်ပိုးမွှားတာဝန်ခံ ဒေါ်ခင်သန်းမြင့်တို့က ဦးဆောင်၍ ဝန်ထမ်းများကို အဖွဲ့များခွဲကာ ညောင်ဦးမြို့နယ်အတွင်း စိုက်ပျိုးဆောင်ရွက်ထားရှိသည့် မိုးစပါးစံပြကွက်သီးနှံ စိုက်ခင်းများ၊ မိုးမြေပဲစံပြကွက်စိုက်ခင်းများနှင့် ပဲစင်ငုံ(မျိုးစေ့ဘဏ်)စံပြကွက်သီးနှံစိုက်ခင်းများသို့ သွားရောက်ပြီး သီးနှံဖျက်ပိုးကျရောက်မှု ရှိ၊ မရှိ အခြေအနေများကို ကြည့်ရှုစစ်ဆေးကြပြီး သီးနှံစိုက်ခင်းအလိုက် ဒေသခံတောင်သူများ သီးနှံအထွက်နှုန်းကောင်းမွန်စေရန် လိုအပ်သည်များကို ကွင်းဝန်ထမ်းများနှင့် ဒေသခံတောင်သူများအား မှာကြားခဲ့သည်။