၂၀၁၈ ခုနှစ်၊ မေလ ၂၃ ရက်

 စဥ့်ကူးမြို့နယ်၊ ဝါးရုံကုန်းကျေးရွာအုပ်စု၊ ကြို့ပင်ကျေးရွာတွင် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ရည်မှန်းချက်ဖြစ်သော စဉ်ဆက်မပြတ် ဖွံ့ဖြိုးရေးပန်းတိုင် (SDG)အရ ကျေးရွာများတွင် ဘက်စုံဖွံ့ဖြိုးတိုးတက်စေရန်အတွက် ၂၀၁၈-၂၀၁၉ ဘဏ္ဍာရေးနှစ်မှစတင်၍ Pilot Project အနေဖြင့် အမှိုက်များ စနစ်တကျ စွန့်ပစ်နိုင်ရေးအတွက် စီမံချက်များ ရေးဆွဲ၍ စတင်အကောင်အထည်ဖော် ဆောင်ရွက်လျက်ရှိရာ မေ ၂၁ ရက်က စဥ့်ကူးမြို့နယ်၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူး ဦးထွန်းကျော်ဇောနှင့် ဝန်ထမ်းများ၊ မြို့နယ်ကျေးရွာအမှိုက်စီမံခန့်ခွဲမှု ကော်မတီများ၊ ကျေးရွာရှိ ပရဟိတလူငယ်များသည် ထော်လာဂျီယာဉ်များဖြင့် ရွာတွင်းလမ်းများတွင် စုပေါင်းအမှိုက်ကောက် သန့်ရှင်းရေးပြုလုပ်ကြပြီး ကျေးရွာအမှိုက်သိမ်းဆည်း ယာဉ်များဖြင့် အမှိုက်ကန်သို့ အမှိုက်များ စွန့်ပစ်ကြကာ ကျေးရွာအတွင်း သန့်ရှင်းရေး ပညာပေးဆိုင်းဘုတ်များ စိုက်ထူကြသည်။