၂၀၁၆ ခုနှစ်၊ ဒီဇင်ဘာလ ၂၁ ရက်

 အမရပူရ မြို့ပြဖွံ့ဖြိုးရေး စီမံကိန်းဆိုင်ရာ ဆောင်ရွက်ထားမှုများနှင့် ဆက်လက်ဆောင်ရွက်မည့်အစီအစဉ်များကို သက်ဆိုင်ရာတာဝန်ရှိသူများသို့ ရှင်းလင်း တင်ပြပွဲကို ဒီဇင်ဘာ ၂၁ ရက် မွန်းလွဲ ၁ နာရီက မန္တလေးမြို့ စွမ်းဟိုတယ်၌ ကျင်းပသည်။

 အခမ်းအနားသို့ မန္တလေးတိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ဦး၊ ဒုတိယ ဥက္ကဋ္ဌ ဒေါက်တာ ခင်မောင်ဌေးနှင့် တိုင်းဒေသကြီး လွှတ်တော် ကိုယ်စားလှယ်များ၊ တိုင်းဒေသကြီး သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးမျိုးသစ်၊ Mandalay Business Capital City Develop-ment,Ltd ကုမ္ပဏီမှ ဒါရိုက်တာ ဦးဝိတ်နှင့် တာဝန်ရှိသူများ၊ ဖိတ်ကြားထားသူများ တက်ရောက်ကြသည်။

 "ပွင့်လင်းမြင်သာမှုရှိနေတဲ့ အချိန်ဖြစ်လို့ ဒေသဖွံ့ဖြိုးရန် စီမံကိန်းများ ဆောင်ရွက်တာဖြစ်တဲ့အတွက် ဆောင်ရွက်ရန် သင့်၊ မသင့်ကို ပညာရှင်များ ဝိုင်းဝန်း အကြံပြုဆွေးနွေးပေးစေလိုပါတယ်"ဟု မန္တလေးတိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ဦးက ပြောသည်။

 ဆက်လက်၍ တိုင်းဒေသကြီး ဝန်ကြီး ဦးမျိုးသစ်က အမရပူရ မြို့ပြဖွံ့ဖြိုးရေး စီမံကိန်းဆိုင်ရာများနှင့် ပတ်သက်၍ ရှင်းလင်းပြောကြားပြီး Mandalay Business Capital City Development,Ltd မှ ဒါရိုက်တာက အမရပူရ မြို့ပြဖွံ့ဖြိုးရေး စီမံကိန်း ဆောင်ရွက်ရခြင်း ရည်ရွယ်ချက်များအပါအဝင် ဆောင်ရွက် ထားရှိမှုများနှင့် ဆက်လက်ဆောင်ရွက်မည့် လုပ်ငန်းဆိုင်ရာများကို ပရိုဂျက်တာဖြင့် အသေးစိတ်ရှင်းလင်းပြောကြားသည်။

 အဆိုပါ စီမံကိန်းတည်နေရာနှင့် အကျယ်အဝန်းမှာ အမရပူရမြို့နယ် မန္တလေးမြို့ပတ်လမ်း၏ အရှေ့ဘက်ရှိ အကျယ်အဝန်းဧရိယာ ဧက ၅၀၀ ခန့် မြေ နေရာ၊ မန္တလေးမြို့ပတ်လမ်း၏ အနောက်ဘက်နှင့် ဧရာဝတီမြစ်အကြားတွင် အကျယ်အဝန်းဧရိယာ ဧက ၂၀၀၀ ခန့်ဖြင့် ဆောင်ရွက်မည်ဖြစ်သည်။ စီမံကိန်း ကို EIA, SIA စိစစ်မှုများ ဆောင်ရွက်ပြီးပါက မြန်မာနိုင်ငံရင်းနှီးမြှုပ်နှံမှုကော်မရှင်သို့ တင်ပြပြီး ဆက်လက်ဆောင်ရွက်မည်ဖြစ်သည်။

 ရှင်းလင်းပွဲတွင် ပြည်တွင်း၊ ပြည်ပမှ ပညာရှင်များက အမရပူရ မြို့ပြဖွံ့ဖြိုးရေး စီမံကိန်းနှင့်စပ်လျဉ်းသည့် အချက်များကို ရှင်းလင်းပြောကြားခဲ့သည်။

 "စီမံကိန်းကို ကန့်ကွက်ထားတာ မရှိပါဘူး။ သဘာဝပတ်ဝန်းကျင်ထိန်းသိမ်းမယ့် နည်းလမ်းတွေနဲ့ တည်ဆောက်မှာပါ။ စီမံကိန်းတစ်ခုလုပ်ရင် သဘာဝပတ်ဝန်းကျင် ထိခိုက်နိုင်တဲ့ အချက်တွေကို ညွှန်ကြားမှုတွေ၊ ပုံစံတွေပြောင်းလဲခဲ့တယ်။ ရင်းနှီးမြှုပ်နှံတဲ့သူတွေအနေနဲ့  ပြောင်းလဲလာတဲ့အပေါ်မှာ သဘာဝပတ်ဝန်းကျင်စီမံခန့်ခွဲမှု အစီအစဉ် (EMP)နဲ့ စနစ်တကျလုပ်ဆောင်သွားမှာပါ"ဟု Mandalay Business Capital City Development,Ltd ကုမ္ပဏီမှ သတင်းပြန်ကြားရေး ဦးဇော်ရဲဝင်းက ပြောသည်။

 စီမံကိန်းတည်ဆောက်ရေးကာလတွင် လူဦးရေ တစ်သောင်းခန့် အလုပ်အကိုင်ရမည်ဖြစ်၍ ပြီးစီးချိန်တွင် လူဦးရေ ၇၅၀၀ ခန့် အလုပ်အကိုင် ရရှိမည်ဖြစ် ကြောင်း၊ မန္တလေးမြို့တော်စည်ပင်သာယာရေးကော်မတီက ရင်းနှီးမြှုပ်နှံမှု ထည့်ဝင်ခြင်းမပြုဘဲ စီမံကိန်းတစ်ခုလုံး၏ ၂၅ ရာခိုင်နှုန်း အကျိုးအမြတ်ရရှိမည် ဖြစ်ပြီး လမ်း၊ တံတား၊ ပန်းခြံများ၊ ရေဆိုးထုတ်စက်များ၊ သာသနိကအဆောက်အအုံ၊ မိဘမဲ့ဂေဟာ၊ ဆေးရုံ၊ အုပ်ချုပ်ရေးမှူးရုံး၊ ရဲစခန်း၊ မီးသတ်စခန်း၊ အားကစားကွင်း စသည်တို့ ပါဝင်မည်ဖြစ်သည်။

 ယခုစီမံကိန်း အခြေခံအဆောက်အအုံများကို အပိုင်းလိုက် ဆောင်ရွက်ရန် အချိန် သုံးနှစ်မှ ခုနစ်နှစ် လိုအပ်၍ မြို့ပြတစ်ခုလုံး ရုပ်လုံးပေါ်ပေါက်ရန် စတင် သည့်နေ့မှ ၁၀ နှစ်ခန့်ကြာမည်ဖြစ်ပြီး စီမံကိန်းဆောင်ရွက်မှုတွင် သဘာဝပတ်ဝန်းကျင်အပေါ် သက်ရောက်မှု အခြေအနေစစ်တမ်းနှင့် ပြုပြင်ထိန်းသိမ်းရေး ဆိုင်ရာ အစီရင်ခံစာ ထွက်ပေါ်လာရန်၊ ရေထိန်းမြေကာ နံရံဒီဇိုင်း ရေးဆွဲတည်ဆောက်ရန် စသည့် အကြံပြုချက်များ ရယူခြင်းဖြစ်သည်။