၂၀၁၈ခုနှစ်၊ ဇန်န၀ါရီလ ၂၀ ရက်

 ပြင်ဦးလွင်မြို့နယ်၊ ဒီးဒုတ်ရေပြာအိုင်သွား ကားလမ်းဘေး ၀ှက်ကားဒီးဒုတ်ကြိုးပြင်ကာကွယ်တောအတွင်းရှိ ဒီးဒုတ်ရေတံခွန်ဆင်စခန်းကို ယနေ့ နံနက် ၉နာရီက အဆိုပါဆင်စခန်းတွင် ဖွင့်ပွဲပြုလုပ်သည်။

 ရှေးဦးစွာ မန္တလေးတိုင်းဒေသကြီး သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်နှင့် မန္တလေးတိုင်းဒေသကြီးမြန်မာ့သစ်ထုတ် လုပ်ငန်း ဒုတိယအထွေထွေမန်နေဂျာ ဦးနန္ဒစိုးတို့က မုခ်ဦးအား ဖဲကြိုးဖြတ်ဖွင့်လှစ်ပေးကြပြီး ဆင်စခန်းအား လှည့်လည်ကြည့်ရှုကြသည်။

 “ဆင်များနဲ့ဝန်ဆောင်မှုပေးမယ့် ခရီးတိုဆင်စီးခြင်းသာ လောလောဆယ်ဝန်ဆောင်မှုပေးနိုင်ဦးမှာဖြစ်ပါတယ်၊ ခရီးရှည်ဆင်စီးနိုင်မယ့်ဝန်ဆောင်မှုကတော့ လမ်းပိုင်းဆိုင်ရာ ပြုပြင်နေဆဲဖြစ်ပြီးတော့ ရေတံခွန်ကိုသွားရောက်လည်ပတ်နိုင်မှာဖြစ်ပါတယ်” ဟု မန္တလေးတိုင်းဒေသကြီး မြန်မာ့သစ်ထုတ်လုပ်ငန်း ဒုတိယအထွေထွေမန်နေဂျာ ဦးနန္ဒစိုးကပြောသည်။

 ပြင်ဦးလွင်မြို့နယ် ဒီးဒုတ်ရေပြာအိုင်သွားကားလမ်းဘေး ၀ှက်ကားဒီးဒုတ်ကြိုးပြင်ကာကွယ်တောအတွင်းရှိ ကြိုးပြင်ကာကွယ်တော ၇၅ ဧက အသုံးပြုကာ ဆင်များဖြင့် ၀န်ဆောင်မှုပေးနိုင်သည့် ဆင်စခန်းဖွင့်လှစ်ခြင်းဖြစ်ကြောင်း ပြည်တွင်းခရီးသည်တွေအတွက် ဆင်စခန်းဝင်ကြေး ၁၀၀၀၀၊ ခရီးတိုဆင်စီးခြင်း ၀န်ဆောင်မှုအတွက် ၃၀၀၀၀၊ ခရီးရှည်ဆင်စီးဝန်ဆောင်မှုအတွက် အသွား ၆၀၀၀၊ အပြန် ၆၀၀၀ သတ်မှတ်ထားကြောင်း။ နိုင်ငံခြားသားများအတွက် ဆင်စခန်းဝင်ကြေး ၂၀၀၀၀၊ ခရီးတိုဖြစ်စေ ခရီးရှည်ဖြစ်စေ၀န်ဆောင်မှုအတွက် ၂၀၀၀၀ ပေးဆောင်ရမည်ဖြစ်ကြောင်း သိရသည်။

 အဆိုပါဆင်စခန်းအား နံနက် ၈နာရီမှ ညနေ ၅နာရီအထိ ဖွင့်လှစ်ပြသမှာဖြစ်ပြီး ဆင်များနားနေချိန်မွန်းတည့် ၁၂ နာရီမှ မွန်းလွဲ ၃နာရီမှအပ ကျန်အချိန် များမှာ ၀န်ဆောင်မှုပေးသွားမည်လက်ရှိ ဆင်အကောင်ရေ ၆ ကောင်နဲ့ ၀န်ဆောင်မှုပေးပြသမှာဖြစ်ကြောင်း၊ စားကျက်မြေဧက ထပ်တိုးရန်ရှိပြီး ဆင်ကောင်ရေကိုလည်း ထပ်တိုးသွားမည်ဖြစ်ကြောင်းသိရသည်။