၂၀၁၈ ခုနှစ်၊ နိုဝင်ဘာလ ၇ ရက်

 မန္တလေး၊ အောင်မြေသာစံမြို့နယ်ရှိ မန္တလေးတိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် ငြိ်မ်းချမ်းရေးတွဲလက်များ မြစ်ဧရာမှ ထပ်ဆင့် ပွား သင်္ဘောကြီး မန္တလေးမြို့မှ ရန်ကုန်မြို့သို့ ဧရာဝတီမြစ်ကြောင်းအတိုင်း နိုဝင်ဘာ ၁၅ ရက်တွင် မန္တလေးမြို့ ဂေါဝိန်ဆိပ်ကမ်းမှ စတင်ထွက်ခွာ မည်ဖြစ်ကြောင်း မြန်မာနိုင်ငံခရစ်ယာန်မျက်မမြင်များအသင်း မိတ်သဟာ၏ ငြိမ်းချမ်းရေးတွဲလက်များ ၂၇ ရက် လုပ်ငန်းစဉ် အောင်မြင်စွာကျင်းပ နိုင်ရေးလုပ်ငန်းညှိနှိုင်းအစည်းအဝေးကို နိုဝင်ဘာ ၆ ရက် နံနက် ၁၁ နာရီက ကျင်းပခဲ့သည်။

 အစည်းအဝေးတွင် မန္တလေးတိုင်းဒေသကြီးအစိုးရအဖွဲ့၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီး ဦးမျိုးသစ်က အဖွင့်အမှာစကားပြောကြားသည်။ ထို့နောက် မြန်မာနိုင်ငံ ခရစ်ယာန် မျက်မမြင်များအသင်း မိတ်သဟာအဖွဲ့ကိုယ်စား မန္တလေးတိုင်းဒေသကြီး လူမှုဝန်ထမ်းဦးစီးမှူးရုံး ဒုတိယညွှန်ကြားရေးမှူး ဦးသက်လှိုင်ထွန်းက ပြည်နယ်နှင့် တိုင်းဒေသကြီးအတွင်း စထွက်မည့် မြို့များနှင့် သင်္ဘော ဆိုက်ကပ်မည့်မြို့များတွင် ဆောင်ရွက်ပေးစေလိုသည့်အချက်များအား ရှင်းလင်းပြောကြားသည်။ ထို့နောက် တက်ရောက်လာသော ဌာနဆိုင်ရာ တာဝန်ရှိသူများက မန္တလေးမြို့နှင့် မန္တတိုင်းဒေသကြီးအတွင်း ဖြတ်သန်းသွားလာစဉ် သင်္ဘောဆိုက်ကပ်မည့် မြို့များတွင် ကူညီဆောင်ရွက်ရမည့် လုပ်ငန်းစဉ်များအား ဆွေးနွေးပြောကြားသည်။ ယင်းနောက် မန္တလေးတိုင်းဒေသကြီးအစိုးရအဖွဲ့ သယံဇာတနှင့် သဘာဝပတ်ဝန်းကျင်ထိန်းသိမ်း ရေးဝန်ကြီးဌာန ဝန်ကြီးက နိဂုံးချုပ်အမှာစကားပြောကြားသည်။

 မြန်မာနိုင်ငံ ‘ခရစ်ယာန်မျက်မမြင်များအသင်း မိတ်သဟာ၏ ငြိမ်းချမ်းရေးတွဲလက်များ မြစ်ဧရာမှ ပတ်ဆင့်ပွား’ဟူသော ဆောင်ပုဒ်ဖြင့် မန္တလေး မြို့မှ ရန်ကုန်မြို့သို့ သင်္ဘောဖြင့် ဧရာဝတီမြစ်ကြောင်းတစ်လျှောက် စုန်ဆင်းခရီးကို နိုဝင်ဘာ ၁၅ ရက်မှ ဒီဇင်ဘာ ၁၁ ရက်အထိ ၂၇ ရက်ကြာ ကျင်းပသွားမည်ဖြစ်ကြောင်း၊ သင်္ဘောဆိုက်ကပ်မည့် မြို့ရွာများတွင် ညစဉ်ငြိမ်းချမ်းရေးဂီတပွဲတော်များ ကျင်းပသွားမည်ဖြစ်သည်။

 အဆိုပါအစည်းအဝေးသို့ မန္တလေးတိုင်းဒေသကြီးအစိုးရအဖွဲ့၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ဝန်ကြီးနှင့် တိုင်း ဒေသကြီး ခရိုင်အဆင့် ဌာနဆိုင်ရာတာဝန်ရှိသူများ၊ INGO၊ NGO အဖွဲ့အစည်းများမှ တာဝန်ရှိသူများ၊ ဖိတ်ကြားထားသူများ တက်ရောက်ကြ သည်။