၂၀၁၈ ခုနှစ် နိုဝင်ဘာ ၂၅ ရက်

 အမျိုးသမီးများအပေါ် အကြမ်းဖက်မှု ပပျောက်ရေးဆိုင်ရာ အပြည်ပြည်ဆိုင်ရာနေ့ အခမ်းအနားများကို ကမ္ဘာတစ်ဝန်းတွင် နိုဝင်ဘာလ ၂၅ ရက်နေ့   တစ်ပြိုင်နက်တည်း ကျင်းပကြပြီး မန္တလေးမြို့အနေဖြင့် အောင်မြင်ခြင်းဟိုတယ်၌ ကျင်းပသည်။

 အဆိုပါအခမ်းအနားကို ဥရောပသမဂ္ဂ၊ lDLO, My Justice, British Council, Life Drama စသည့် အဖွဲ့အစည်းများနှင့် မိတ်ဖက်အဖွဲ့အစည်းများ ပူးပေါင်း၍ ကျင်းပခြင်းဖြစ်ပြီး ကျား၊ မအခြေပြု ဆန့်ကျင်ရေး ၁၆ ရက်တာ လှုပ်ရှားမှု၏ ပထမဆုံး ရက်လည်းဖြစ်သဖြင့် ယင်းအစီအစဉ်ကို ထောက်ခံသည့် အနေဖြင့် အခမ်းအနားတက်ရောက်လာသူများက လိမ္မော်ရောင်များ ဝတ်ဆင်ခဲ့ကြသည်။

 တိုင်းဒေသကြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဦးမျိုးသစ်က ဂုဏ်ပြုစကား ပြောကြားရာတွင် အမျိုးသမီးများ အကြမ်းဖက်မှု ဆိုင်ရာကိစ္စရပ်များ ပပျောက်စေရေးကို မိမိတို့အစိုးရလက်ထက်တွင် အဖွဲ့အစည်းများ ဖွဲ့စည်းခဲ့ပြီး အရပ်ဘက်အဖွဲ့အစည်းများနှင့် ချိတ်ဆက်ပူးပေါင်း ဆောင်ရွက်ခဲ့ပါကြောင်း၊ မြို့နယ်များတွင် သက်ဆိုင်ရာအဖွဲ့အစည်းများကလည်း အားတက်သရော ဆောင်ရွက်မှုများရှိပါကြောင်း၊ ယင်းအပြင် တိုင်ကြားချက် များ၊ ဖြေရှင်းချက်များကို လေ့လာခြင်း အားဖြင့် လူထု၏ အားကိုးမှုကို ရရှိလာသည်ကို တွေ့ရပါကြောင်းနှင့် အမျိုးသမီးများအကြမ်းဖက်မှုဆိုင်ရာကိစ္စများ လျော့ကျစေရေးအတွက် အစိုးရနှင့်အတူ အားလုံးပူးပေါင်း၍ ဆောင်ရွက်ကြရမည်ဖြစ်ကြောင်းနှင့် ယနေ့အခမ်းအနားဖြစ်မြောက်ရေး အတွက် ဝိုင်းဝန်း ဆောင်ရွက်ကြသူများကို ကျေးဇူးတင်ပါကြောင်းစသည်ဖြင့် ပြောကြားသည်။

 အခမ်းအနားသို့ တိုင်းဒေသကြီး အမျိုးသမီးကော်မတီဝင်များ၊ ဥပဒေရေးရာအဖွဲ့များ၊ NGO, CSO အဖွဲ့များ၊ တက္ကသိုလ်ကျောင်းသား၊ ကျောင်းသူများနှင့် အမျိုးသမီးဖွံ့ဖြိုးတိုးတက်ရေးကဏ္ဍဆိုင်ရာ ဆောင်ရွက်နေသူများ၊ စိတ်ပါဝင်စားသူများနှင့် ဖိတ် ကြားထားသူများ တက်ရောက်ကြသည်။

 lDLO မှ Country Manager Miss Mata က “ဒီနေ့မှာ အမျိုးသမီးနဲ့ မိန်းကလေးတွေ ရင်ဆိုင်ကြုံတွေ့နေရတဲ့ အကြမ်းဖက်မှုတွေ ပပျောက်နိုင်ရေး အတွက် အသိပညာပေးအစီအစဉ်တွေကို ကမ္ဘာတစ်ဝန်းမှာ ပြုလုပ်နေပါတယ်။ ကျား၊ မအခြေပြု ဆန့်ကျင်ရေး ၁၆ ရက်တာလှုပ်ရှားမှုရဲ့ ပထမဆုံးရက်လည်း ဖြစ်ပါတယ်။ ဒါကြောင့် ကျွန်မတို့အားလုံး လိမ္မော်ရောင်ကို အတူတကွ ဝတ်ဆင်ပြီးတော့ အစီအစဉ်ကို ထောက်ခံအားပေးကြောင်း ပြသတာဖြစ်ပါတယ်။ ဒီလိုထောက်ခံအားပေးခြင်းဟာ လိင် ပိုင်းဆိုင်ရာနဲ့ ကျား၊ မအခြေပြု အကြမ်းဖက်မှုတွေကင်းစင်တဲ့ တောက်ပတဲ့ အနာဂတ်ကို အတူဖန်တီးကြရာ ရောက်ပါတယ်”ဟု ပြောကြားပြီး အမျိုးသမီးအကြမ်းဖက်မှု ပပျောက်ရေးဆိုင်ရာများကို ဝိုင်းဝန်းဆောင်ရွက်ဖို့ တိုက်တွန်းသည်။

 British Council ၏ My Justice အစီအစဉ်မှ Field Officer မချိုလဲ့ရည်ကလည်း မိမိတို့ ဆောင်ရွက်နေသော My Justice အစီအစဉ်ဆိုင်ရာများကို လည်းကောင်း၊ အမျိုးသမီးများ တရားမျှတမှု လက်လှမ်းမီရေးစီမံကိန်းမှ National Officer ဒေါ်ယဉ်မင်းအေးက မိမိတို့ စီမံကိန်း၏ ဆောင်ရွက်ချက်များနှင့် အမျိုးသမီးများ၏ ရပိုင်ခွင့်တွေ ပိုမိုတိုးတက်ရရှိစေရေး၊ လိင်ပိုင်းဆိုင်ရာနှင့် ကျား၊ မအခြေပြုဖြစ်လာသည့် အကြမ်းဖက်မှုများကို ပြည်သူလူထု ပိုမိုသိရှိ လာစေရေး၊ ရှေ့နေအကူအညီများ၊ ဥပဒေဆိုင်ရာ ဆွေးနွေးအကြံပြုမှုများကို ပိုမိုအားကောင်းလာစေရေးဆိုင်ရာများကိုလည်းကောင်း၊ မိတ်ဖက်အဖွဲ့အစည်း များမှ တာဝန်ရှိသူများက မိမိတို့သက်ဆိုင်ရာလုပ်ငန်းများကိုလည်းကောင်း အသီးသီးရှင်းလင်းပြောကြားကာ Life Drama အဖွဲ့က လူထုပြဇာတ်ဖြင့် သရုပ် ဖော်ပြသခဲ့သည်။

 ယခုနှစ်တွင် အမျိုးသမီးများအပေါ် အကြမ်းဖက်မှုများ ပပျော်ကရေးအတွက် နှိုးဆော်အသိပေးရာတွင် ကမ္ဘာတစ်ဝန်းလုံး၌ “အကြမ်းဖက်မှု ရပ်တန့်ရေး အမျိုးသမီးအသံ နားထောင်ပေး”ဟူသည့် ဆောင်ပုဒ်ဖြင့် အသုံးပြုသွားမည်ဖြစ်သည်။