၂၀၁၇ ခုနှစ်၊ ဇန်နဝါရီလ ၂၆ ရက်

 ဘူတန်နိုင်ငံဘုရင်မင်းမြတ်၏ဒွေးတော် ယခင်ဘူတန်၏ ပထမမြောက်မိဖုရား Her Majesty the Queen Mother Ashi Dorji Wang Chuek ဦးဆောင်သည့် ကိုယ်စားလှယ်အဖွဲ့သည် ယနေ့ နံနက် ၁၀ နာရီ မိနစ် ၂၀ တွင် ညောင်ဦးမြို့မှတစ်ဆင့် မန္တလေးမြို့သို့ လေကြောင်းခရီးဖြင့် ရောက်ရှိကြရာ မန္တလေးတိုင်းဒေသကြီး အစိုးရအဖွဲ့  စီမံကိန်းနှင့် ဘဏ္ဍာရေးဝန်ကြီး ဦးမြတ်သူနှင့် တာဝန်ရှိသူများက မန္တလေးအပြည်ပြည်ဆိုင်ရာ လေဆိပ်၌ ကြိုဆိုကြသည်။

ဧည့်သည်တော်ကိုယ်စားလှယ်အဖွဲ့သည် ယနေ့ မွန်းလွဲ ၁ နာရီတွင် မန္တလေးအောင်မြေသာစံမြို့နယ် ဖောင်တော်ဦး ဘုန်းတော်ကြီး ပညာသင်ကျောင်းသို့  သွားရောက်လေ့လာကြရာ ကျောင်းအုပ်ဆရာကြီးနှင့် ဆရာ၊ ဆရာမများ၊ ကျောင်းသား၊ ကျောင်းသူများက ကြိုဆိုကြပြီး ဘူတန်နိုင်ငံ ဘုရင်မင်းမြတ်၏ ဒွေးတော်သည်ကျောင်းသား၊ ကျောင်းသူများအား တွေ့ဆုံကာ ဧည့်သည်တော် မှတ်တမ်းစာအုပ်၌ မှတ်တမ်း တင်လက်မှတ်ရေးထိုးသည်။

 ထိုမှတစ်ဆင့် ဧည့်သည်တော် ကိုယ်စားလှယ်အဖွဲ့သည် မဟာလောကမာရဇိန်စေတီ ကုသိုလ်တော်ဘုရား၌ အာရုံခံတန်ဆောင်းရှိ ဗုဒ္ဓရုပ်ပွားတော်မြတ်အား ပန်း၊ ဆီမီး၊ ရေချမ်းနှင့် နံ့သာများ ဆပ်ကပ်လှူဒါန်းပူဇော်ပြီး ဧည့်သည်တော် မှတ်တမ်းစာအုပ်၌ မှတ်တမ်းတင် လက်မှတ်ရေးထိုးသည်။ 

 ထို့နောက် ဧည့်သည်တော် ကိုယ်စားလှယ်အဖွဲ့သည် မန္တလေးတောင်ရသေ့ကြီး ဦးခန္တီတန်ဆောင်းနှင့် ဗုဒ္ဓဘုရား၏ အရိုးဓာတ်တော် အပူဇော်ခံ ဌာနသို့ သွားရောက်ဖူးမြောက်ကြည်ညိုကြပြီး ဦးခန္ဓီကျောင်းတိုက်ရှိ နာယကဆရာတော်ကြီးများအား ဖူးမြော်ကြည်ညိုကြသည်။

 ဆက်လက်၍ မန္တလေးတောင်တော်သို့ ဆုတောင်းပြည့်မြတ်စွာဘုရားအား ဖူးမြော်ကြည်ညိုကြပြီး ပန်း၊ ဆီမီး၊ ရေချမ်းနှင့် နံ့သာများ ဆပ်ကပ်လှူဒါန်း၍ အင်္ဂါထောင့်ရှိ ဂြိုလ်ပြေနံပြေဘုရား၌ ရေသပ္ပာယ်ကြသည်။

 ထို့နောက် မန္တလေးမြို့၏ ဖွံ့ဖြိုးတိုးတက်မှုနှင့် ရှုခင်းအလှတို့ကို မန္တလေးတောင်တော်ပေါ်မှ ကြည့်ရှုလေ့လာကြပြီး မန္တလေးတောင် ဆုတောင်းပြည့်ဘုရားအား လက်ယာရစ်လှည့်လည်ဖူးမြောက်ကြည်ညို၍ ဧည့်သည်တော်မှတ်တမ်းစာအုပ်တွင် လက်မှတ်ရေးထိုးကြသည်။