၂၀၁၇ ခုနှစ်၊ ဇွန်လ ၁၁ ရက်

 မိတ္ထီလာခရိုင်၌ ၂၀၁၇-၂၀၁၈ ဘဏ္ဍာရေးနှစ် ဒေသန္တရစီမံကိန်းရည်မှန်းချက်များ ရာနှုန်းပြည့်မီစွာဆောင်ရွက်နိုင်ရန် စီမံကိန်းတာဝန်ပေးအပ်ပွဲကို ဇွန်လ ၁၁ ရက် နံနက် ၉ နာရီက ခရိုင်အထွေထွေအုပ်ချုပ်ရေးဦးစီးဌာန အစည်းအဝေးခန်းခန်းမ၌ ကျင်းပရာ ရှေးဦးစွာ တိုင်းဒေသကြီး စီမံကိန်းရေးဆွဲရေးနှင့် အကောင်အထည်ဖော်ရေးကော်မတီ ဥက္ကဋ္ဌ တိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးမြတ်သူက လွှတ်တော်ကိုယ်စားလှယ်များနှင့် စီမံကိန်း ရေးဆွဲရေးကော်မတီများ ပေါင်းစပ်၍ လယ်ယာကဏ္ဍ၊ စက်မှုကဏ္ဍ၊ သားငါးမွေးမြူရေးကဏ္ဍ၊ လမ်းတံတားတည်ဆောက်ရေး၊ ကျေးလက်ရေရရှိရေး၊ မီးလင်းရေး စသည့် ကဏ္ဍအသီးသီ စီမံကိန်းရည်မှန်းချက်များ ရာနှုန်းပြည့်မီရေး အကောင်အထည်ဖော်ဆောင်ရွက်ကြရန်နှင့် ၂၀၁၆-၂၀၁၇ ဘဏ္ဍာရေးနှစ် စီမံကိန်းရည်မှန်းချက်အပေါ် အကောင်အထည်ဖောင်ဆောင်ရွက်မှုအခြေအနေများ၏ အားနည်းချက်၊ အားသာချက်များကို ပြောကြားပြီး ပြည်သူများ၏ လိုအပ်ချက်များ တင်ပြမှုအပေါ် (၆)လတစ်ကြိမ် စီမံကိန်းရေးဆွဲသွားရန်၊ ၂၀၁၇-၂၀၁၈ ဘဏ္ဍာရေးနှစ် စီမံကိန်းရည်မှန်းချက်များ အကောင်အထည်ဖော် ဆောင်ရွက်ရာတွင် မြို့၊ ရွာ ဖွံ့ဖြိုးတိုးတက်ရေးအတွက် အရှိန်အဟုန်မြှင့်တင်ဆောင်ရွက်သွားရန်နှင့် ထိုသို့ဆောင်ရွက်ရာတွင်လည်း တည်ဆဲဥပဒေအရ ဥပဒေနှင့်အညီ စီမံကိန်းရည်မှန်းချက်များ ရာနှုန်းပြည့်မီရေးပေါင်းစပ်၍ ရဲရဲဝံ့ဝံ့ဆောင်ရွက်သွားကြရန် ပြောကြားသည်။

ထို့နောက် တိုင်းဒေသကြီးစီမံကိန်းရေးဆွဲရေးနှင့်အကောင်အထည်ဖော်ရေးကော်မတီ အတွင်းရေးမှူး၊ တိုင်းဒေသကြီးစီမံကိန်းဦးစီးမှူး ဦးကျော်ရှိန်က စီမံကိန်းဆိုင်ရာလုပ်ငန်းများအကြောင်းကို ရှင်းလင်းပြောကြားပြီး မိတ္ထီလာခရိုင် စီမံကိန်းဦးစီးမှူး ဦးဝင်းအောင်က ၂၀၁၆-၂၀၁၇ ဘဏ္ဍာရေးနှစ် နှစ်စဉ် စီမံကိန်းရည်မှန်းချက်များအပေါ် အကောင်အထည်ဖော်ဆောင်ရွက်နိုင်မှုအခြေအနေနှင့် ၂၀၁၇-၂၀၁၈ ဘဏ္ဍာနှစ် နှစ်စဉ် စီမံကိန်းရည်မှန်းချက်များနှင့် ပတ်သက်၍ ရှင်းလင်းပြောကြားသည်။

 ၎င်းနောက် တိုင်းဒေသကြီးစီမံကိန်းရေးဆွဲရေးနှင့်အကောင်အထည်ဖော်ရေးကော်မတီ ဥက္ကဋ္ဌ၊ တိုင်းဒေသကြီး စီမံကိန်းနှင့်ဘဏ္ဍာရေးဝန်ကြီး ဦးမြတ်သူက မိတ္ထီလာခရိုင်၏ ၂၀၁၇-၂၀၁၈ ဘဏ္ဍာနှစ် နှစ်စဉ်စီမံကိန်းရည်မှန်းချက်များကို မိတ္ထီလာခရိုင် စီမံကိန်းရေးဆွဲရေးနှင့် အကောင်အထည်ဖော်ရေးကော်မတီ ဥက္ကဋ္ဌထံသို့ ပေးအပ်သည်။

 ပေးအပ်ပွဲသို့ တိုင်းဒေသကြီးလွှတ်တော်ကိုယ်စားလှယ် ဦးစိုးသန်း၊ ဒုတိယခရိုင်အုပ်ချုပ်ရေးမှူး ဦးတင်အောင်မြင့်ဦး၊ စီမံကိန်းရေးဆွဲရေးနှင့် အကောင်အထည်ဖော်ရေးကော်မတီအဖွဲ့ဝင်များ၊ ဌာနဆိုင်ရာတာဝန်ရှိသူများ တက်ရောက်ကြသည်။