၂၀၁၇ ခုနှစ်၊ ဇူလိုင်လ ၃၀ ရက်

 မန္တလေးနိုင်ငံခြားဘာသာတက္ကသိုလ် ၂၀၁၆-၂၀၁၇ ပညာသင်နှစ် ဘာသာစကားသင်္ကေတ ဥယျာဉ်ငယ်ပြိုင်ပွဲနှင့် ယဉ်ကျေးမှုဆိုင်ရာ ခင်းကျင်းပြသမှု ပြိုင်ပွဲ အခမ်းအနားကို ဇူလိုင် ၂၈ ရက် နံနက် ၈ နာရီက အဆိုပါတက္ကသိုလ်၌ကျင်းပရာ မန္တလေးတိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေး ဝန်ကြီးဌာနဝန်ကြီး ဦးမြတ်သူ၊ Fuqing International Language Teaching Centre ကျောင်းအုပ်ကြီး ဒေါက်တာထွန်းနိုင်နှင့် နိုင်ငံခြားဘာသာ တက္ကသိုလ် ပါမောက္ခချုပ် ဒေါက်တာတင့်တင့်တို့က ဖဲကြိုးဖြတ်ဖွင့်လှစ်ပေးကြသည်။

 ထို့နောက် ဘာသာစကားသင်္ကေတ ဥယျာဉ်ငယ်ပြိုင်ပွဲကျင်းပရာ သက်ဆိုင်ရာဘာသာစကားဌာနများက ၎င်းတို့၏ ပန်းဥယျာဉ်ဖွဲ့စည်းတည်ဆောက် ထားမှု၊ အမျိုးသားအထိမ်းအမှတ်များ ရည်ညွှန်းဖော်ဆောင်ထားမှု(National Landmarks)များနှင့်မြေယာရှုခင်းအလှပြုပြင်မှု(Landscaping)တို့ကို ရှင်းလင်းတင်ပြကြရာ ဧည့်သည်တော်များက လှည့်လည်ကြည့်ရှုကြပြီး အကဲဖြတ်ဒိုင်အဖွဲ့က အကဲဖြတ် အမှတ်ပေးကြသည်။

 ဆက်လက်၍ ယဉ်ကျေးမှုဆိုင်ရာခင်းကျင်းပြသမှုပြိုင်ပွဲ ကျင်းပရာ သက်ဆိုင်ရာ ဘာသာစကားဌာနများက ဆောင်ရွက်ထားရှိမှုများကို ရှင်းလင်းတင်ပြ ကြရာ ဧည့်သည်တော်များက လှည့်လည်ကြည့်ရှုကြပြီး အကဲဖြတ်ဒိုင်အဖွဲ့က အကဲဖြတ်အမှတ်ပေးကြသည်။

ထို့နောက် ဆုချီးမြှင့်ပွဲကျင်းပရာ ဘာသာစကားသင်္ကေတ ဥယျာဉ်ငယ်ပြိုင်ပွဲတွင် ပထမဆုရရှိသော အင်္ဂလိပ်ဘာသာဌာန၊ ဒုတိယဆုရရှိသော မြန်မာ ဘာသာဌာန၊ တတိယဆုရရှိသော ဂျပန်ဘာသာဌာနတို့က မန္တလေးတိုင်းဒေသကြီးအစိုးရအဖွဲ့ စီမံကိန်းနှင့်ဘဏ္ဍာရေးဝန်ကြီးဌာန ဝန်ကြီး ဦးမြတ်သူက လည်းကောင်း၊ နှစ်သိမ့်ဆုများရရှိကြသည့် ပြင်သစ်၊ ဂျာမန်၊ ရုရှား၊ တရုတ်၊ ထိုင်းနှင့် ကိုရီးယားဘာသာဌာနတို့ကို သင်တန်းရေးရာ ဌာနမှူး ဦးကြီးမြိုင်က လည်းကောင်း၊ ယဉ်ကျေးမှုဆိုင်ရာ ခင်းကျင်းပြသမှုပြိုင်ပွဲတွင် ပထမဆုရရှိသော ဂျာမန်ဘာသာဌာန၊ ဒုတိယဆုရရှိသော မြန်မာဘာသာဌာန၊ တတိယဆု ရရှိသော ဂျပန်ဘာသာဌာနတို့ကို Fuqing International Language Teaching Centre ကျောင်းအုပ်ကြီး ဒေါက်တာထွန်းနိုင်က လည်းကောင်း၊ နှစ်သိမ့်ဆုများရရှိကြသည့် ပြင်သစ်၊ ကိုရီးယား၊ တရုတ်၊ ရုရှား၊ အင်္ဂလိပ်နှင့် ထိုင်းဘာသာဌာနတို့ကို အရှေ့တိုင်းပညာဌာန ပါမောက္ခဌာနမှူး ဒေါက်တာ ခိုင်ခိုင်သန်းကလည်းကောင်း ဆုများပေးအပ်ကြသည်။

 ထို့နောက် ၂၀၁၆-၂၀၁၇ ပညာသင်နှစ် တက္ကသိုလ်၊ ဒီဂရီကောလိပ်၊ ကောလိပ်ပေါင်းစုံ ရေကူး(လိပ်ပြာကူး) မီတာ ၁၀၀ နှင့် မီတာ ၂၀၀ ပြိုင်ပွဲများတွင် တတိယဆုရရှိသော မပန်းဖြူဖြူသက်၊ တိုင်းဒေသကြီးနှင့်ပြည်နယ် တိုက်ကွမ်ဒို (53-57)kg ဖယ်သာဝိတ်တန်းပြိုင်ပွဲတွင် ဒုတိယဆုရရှိသော မမေဝဿန်မိုး၊ မြန်မာဘာသာစကားစွမ်းရည် (အရေး၊ အပြော၊ အရွတ်၊ အဖတ်)ပြိုင်ပွဲတွင် ပထမဆုရရှိသော မောင်ကျော်ဇေယျလင်း၊ ဒုတိယဆုရရှိသော မောင်သက်ပိုင်ဦး၊ တတိယဆုရရှိသော မောင်ကောင်းမြတ်ထက်တို့ကို ပါမောက္ခချုပ် ဒေါက်တာတင့်တင့်က လည်းကောင်း ဆုများပေးအပ်ခဲ့သည်။