၂၀၁၇ ခုနှစ်၊ စက်တင်ဘာလ ၃၀ ရက်

 မန္တလေးတိုင်းဒေသကြီး ၊ ညောင်ဦးမြို့နယ်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မန္တလေးတိုင်းဒေသကြီး စားသုံးသူရေးရာဦးစီးဌာနနှင့် စားသောက်ကုန်ထုတ်လုပ်တင်ပို့ရောင်းချသူများအသင်း(မန္တလေး)တို့ ပူးပေါင်းစီစဉ်ကျင်းပသည့် သန့်ရှိင်းပြီး အရည်အသွေးကောင်းမွန်သော ထုတ်ကုန်များကို ပြည်တွင်း၊ ပြည်ပဈေးကွက်များသို့ တင်ပို့ရောင်းချနိုင်ရေးဆွေးနွေးပွဲ အခမ်းအနားကို ယနေ့ နံနက် ၁၀ နာရီက ညောင်ဦးမြို့ အနော်ရထာခန်မ၌ ကျင်းပသည်။

 အဆိုပါအခမ်းအနားသို့ မန္တလေးတိုင်းဒေသကြီး စားသုံးသူအငြင်းပွးမှုဖြေရှင်းရေးအဖွဲ့ ဥက္ကဌ၊ စီမံကိန်းနှင့်ဘဏ္ဍာရေးဝန်ကြီး ဦးမြတ်သူနှင့်အဖွဲ့ဝင်များ၊ တိုင်းဒေသကြီးလွှတ်တော်ကိုယ်စားလှယ်များ၊ စားသုံးသူရေးရာညွှန်ကြားရေးမှူးချုပ် ဦးလှမော်ဦးနှင့်ဝန်ထမ်းများ၊ မန္တလေးတိုင်းဒေသကြီး စားသောက်ကုန် ထုတ်လုပ်တင်ပို့ရောင်းချသူများအသင်း ဥက္ကဌ ဦးစန်းဝင်းနှင့် အဖွဲ့ဝင်များ၊ ညောင်ဦးခရိုင်အုပ်ချုပ်ရေးမှူးနှင့် ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများ၊ ပုဂံဒေသစားသောက်ဆိုင်လုပ်ငန်းရှင်များအသင်း ဥက္ကဌနျင့် အဖွဲ့ဝင်များ၊ အသေးစား၊ အလတ်စား စားသောက်ကုန် စီးပွားရေးလုပ်ငန်းရှင်များ တက်ရောက်ကြသည်။

 ရှေးဦးစွာ အခမ်းအနားတွင် မန္တလေးတိုင်းဒေသကြီး စားသုံးသူအငြင်းပွားမှုဖြေရှင်းရေးအဖွဲ့ဥက္ကဌ၊ စီမံကိန်းနှင့်ဘဏ္ဍာရေးဝန်ကြီး ဦးမြတ်သူနှင့် စားသုံးသူရေးရာဦးစီးဌာန ညွှန်ကြားရေးမှူးချုပ် ဦးလှမော်ဦးတို့က အဖွင့်အမှာစကားပြောကြားသည်။

 ထို့နောက် မန္တလေးတိုင်းဒေသကြီး စားသောက်ကုန်ထုတ်လုပ်တင်ပို့ရောင်းချသူများအသင်းဥက္ကဌ ဦးစန်းဝင်း၊ စားသုံးသူအငြင်းပွားမှုဖြေရှင်းရေးအဖွဲ့ ဒုတိယဥက္ကဌ ပါမောက္ခဒေါက်တာအောင်မြင့်တို့က စားသုံးသူအကာအကွယ်ပေးရေးဥပဒေများ၊စားသုံးသူများ၏အခွင့်အရေးများ၊ စားသုံးသူအငြင်းပွားမှု ဖြေရှင်းရေးအဖွဲ့၏ လက်ရှိဆောင်ရွက်နေသည့် လုပ်ငန်းစဉ်များနှင့်ပတ်သက်၍ ဟောပြောဆွေးနွေးကြသည်။

 ယင်းနောက် စားသုံးသူရေးရာ ဦးစီးဌာန(ရုံးချုပ်)မှ  ညွှန်ကြားရေးမှူး ဦးဆွေတင့်ကြူက စားသုံးသူအခြေပြု စီးပွားရေးဈေးကွက်ထိုးဖောက်မှု အခြေအနေများနှင့် ဆောင်ရန်၊ ရှောင်ရန်အချက်များကို လည်းကောင်း၊ အစားအသောက်နှင့် ဆေးဝါးကွပ်ကဲရေးဦးစီးဌာန မှ ဒေါက်တာကျော်ကျော်က ထုတ်လုပ်မှုကျင့်စဉ်များနှင့်စပ်လျဉ်း၍ လည်းကောင်း အသေးစိတ်ဟောပြောဆွေးနွေးကြသည်။

 ထို့နောက် တက်ရောက်လာကြသူများက သိလိုသည့်အချက်အလက်များကို မေးမြန်းကြရာ တာဝန်ရှိသူများက အပြန်အလှန်ဆွေးနွေးဖြေကြားခြင်းများ ဆောင်ရွက်ကြသည်။

 အဆိုပါဆွေးနွေးပွဲကို ဒေသတွင်းထုတ်လုပ်သည့် စားသောက်ကုန်ပစ္စည်းများ လုံခြုံစိတ်ချမှုဆိုင်ရာ အသိပညာများကို မြှင့်တင်ပေးနိုင်ရန်၊ ထုတ်ကုန်ပစ္စည်းများ နိုင်ငံတကာအရည်အသွေးစံချိန် စံချိန်စံညွှန်းများနှင့်အညီ ဆောင်ရွက်ခြင်းဖြင့် ထုတ်ကုန်လုံခြုံစိတ်ချမှုကို မြှင့်တင်ပေးနိုင်ရန်၊ ဘေးဥပဒ်အန္တရာယ်ကင်းရှင်းရေး၊ ကျန်းမာရေး၊ စိတ်ကြေနပ်မှုရရှိစေရေးတို့အတွက် အာမခံချက်ပေးနိုင်သည့် သန့်ရှင်းပြီးအရည်အသွေးကောင်းမွန်သော စားသောက်ကုန်၊ လူသုံးကုန်ပစ္စည်းများကို ပြည်တွင်းပြည်ပဈေးကွက်သို့ တင်ပို့ရောင်းချနိုင်ရေးအား ဖော်ဆောင်ဖြည့်ဆည်းပေးနိုင်ရန်၊ စားသုံးသူအခွင့်အရေးများနှင့် စားသုံးသူတို့၏ အကျိုးစီးပွားကို ကာကွယ်စောင့်ရှောက်ပေးရန် စသည့် ရည်ရွယ်ချက်များဖြင့် ကျင်းပရခြင်းဖြစ်သည်။