၂၀၁၈ခုနှစ် ဇန်န၀ါရီ ၆ရက်

 မန္တလေးတိုင်းဒေသကြီးအစိုးရအဖွဲ့၏ ပူးပေါင်းစီစဉ်ကြီးကြပ်မှုဖြင့် ၂၀၁၈ခုနှစ်၊ ဇန်နဝါရီ ၂၁ရက်တွင် မန္တလေး၊ ချမ်းမြသာစည်မြို့နယ်၊ လေယာဉ်ကွင်း အဟောင်း၌ ကျင်းပမည့် မြန်မာ-ထိုင်း ချစ်ကြည်ရေးသံဃာအပါး (၂၀၀၀၀) ဆွမ်းဆန်စိမ်းလောင်းလှူပွဲကြီးသို့ တက်ရောက်ကာ သတင်းရယူကြမည့် မီဒီယာများအနေဖြင့် အောက်ပါစည်းမျဉ်းစည်းကမ်းများနှင့်အညီ လိုက်နာဆောင်ရွက်ပေးကြပါရန် ဆွမ်းဆန်စိမ်းလောင်းလှူပွဲဖြစ်မြောက်ရေး ဦးစီးကော်မတီမှ ကြိုတင်အသိပေးနှိုးဆောက်တိုက်တွန်းအပ်ပါသည်-

(၁)    ဆွမ်းဆန်စိမ်းလောင်းလှူပွဲနေ့တွင် မီဒီယာများအတွက် ဓာတ်ပုံရိုက်ကူးခွင့် သတ်မှတ်ထားသောနေရာများမှသာ ရိုက်ကူးကြရန်နှင့် ရိုက်ကူးခွင့် ကန့်သတ်ထားသော နေရာများ၌ ဝင်ရောက်ရိုက်ကူးခြင်းမပြုကြရန်။

(၂)    ဆွမ်းဆန်စိမ်းလောင်းလှူပွဲနေ့တွင် အားလုံးတစ်ပြေးညီ အဖြူရောင်သတ်မှတ်ထားပါသဖြင့် သတင်းရယူမည့် မီဒီယာသမားများအားလုံး အပေါ်ဝတ်အဖြူရောင်အင်္ကျီကိုသာ ဝတ်ဆင်ရမည်ဖြစ်ပြီး အခြားအရောင်များဝတ်ဆင်လာပါက ကွင်းအတွင်း ဝင်ရောက်ရိုက်ကူးခွင့် ပြုမည် မဟုတ်ပါ။

(၃)    အမျိုးသမီး မီဒီယာများအနေဖြင့် လုံချည်သာ ဝတ်ဆင်ပေးကြပါရန်။

(၄)    သတင်းရယူမည့်မီဒီယာများအားလုံး မိမိတို့၏ လိုင်စင်ဓာတ်ပုံ(၂)ပုံနှင့်အတူ မိမိတို့၏ သက်ဆိုင်ရာ သတင်းတိုက်များ၏ ထောက်ခံချက်ဖြင့် တိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနသို့ စာရင်းပေးသွင်းရမည်ဖြစ်ကာ ဝင်ခွင့်လည်ဆွဲကတ်များကို ၂၀၁၈ ခုနှစ် ဇန်နဝါရီ ၁၆ရက်မှ ၂၁ရက်နေ့ မွန်းတည့် ၁၂နာရီအထိသာ ထုတ်ပေးသွားမည်ဖြစ်ပါသည်။

(၅)    ဝင်ခွင့်လည်ဆွဲကတ်ဖြင့်သာ သတင်းရယူရိုက်ကူးခွင့် ရရှိမည်ဖြစ်ကာ Drone ကင်မရာများဖြင့် ရိုက်ကူးခွင့် မပြုပါ။

 

တိုင်းဒေသကြီး ပြန်/ဆက်