၂၀၁၈ ခုနှစ် ဇန်နဝါရီ ၂၈ ရက်

 မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်၊ ပုပ္ပားတောင်ကလပ်တွင် ကောင်းကင်ကေဘယ်လ်ကား တပ်ဆင်နိုင်ရေးနှင့်ပတ်သက်၍ DAMODAR ROPEWAYS & INFRA ကုမ္ပဏီမှ တာဝန်ရှိသူများက မြို့နယ်ဒေသခံပြည်သူများအား အသိပေးရှင်းလင်းခြင်းနှင့် ဆန္ဒသဘောထား၊ အကြံပြုချက်များ ရယူခြင်းအတွက် တွေ့ဆုံပွဲကို ဇန်နဝါရီ ၂၈ ရက် နံနက် ၁၀ နာရီက ကျောက်ပန်းတောင်းမြို့နယ်အထွေထွေအုပ်ချုပ်ရေးဦးစီးဌာနရုံး၊ စကားဝါမြေခန်းမတွင် ကျင်းပပြုလုပ်ရာ တိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး ဦးမြတ်သူ တက်ရောက်ဆွေးနွေးသည်။

 အခမ်းအနားတွင် ရှေးဦးစွာ DAMODAR ROPEWAYS & INFRA ကုမ္ပဏီမှ Vice President Mr.Shrawan Kumar Agrawal က ၎င်းတို့ကုမ္ပဏီ၏ လုပ်ငန်းဆောင်ရွက်မှုအခြေအနေများနှင့်ပတ်သက်၍ မိတ်ဆက်ရှင်းလင်းပြီး ပုပ္ပားတောင်ကလပ်တွင် ဆောင်ရွက်ရန် လျာထားသည့် ကေဘယ်ကားစီမံကိန်းနှင့်ပတ်သက်၍ လုပ်ငန်းဆောင်ရွက်နိုင်မည့်အခြေအနေများကို ပရိုဂျက်တာဖြင့် ရှင်းလင်းပြောကြားသည်။

 ဆက်လက်၍ တိုင်းဒေသကြီးလွှတ်တော်ကိုယ်စားလှယ် ဦးအေးခိုင်က ဒေသခံပြည်သူများ၏ သဘောဆန္ဒနှင့်အညီ ဖြည့်ဆည်းဆောင်ရွက်သွားမည့် တိုင်းဒေသကြီးအစိုးရအဖွဲ့၏ သဘောထားကို ရှင်းလင်းပြောကြားပြီး တက်ရောက်လာသည့် ဒေသခံများ၏ အကြံဥာဏ်များကို ရယူရာ ပုပ္ပားတောင်ချစ်သူများအသင်း ဒုတိယဥက္ကဋ္ဌ ဦးတိုးက ယခုစီမံကိန်းအတွက် တိုင်းဒေသကြီးအစိုးရအဖွဲ့မှ တင်ဒါခေါ်ယူမည့်အစီအစဉ် ရှိ၊ မရှိ ပုပ္ပားဒေသသို့ ဝင်ရောက်လာမည့် နိုင်ငံခြားခရီးသွားများထံမှ ဇုန်ဝင်ကြေး ကောက်ခံမည့်အစီအစဉ် ရှိ၊ မရှိနှင့် ကုမ္ပဏီမှ နိုင်ငံတကာ သဘာဝပတ်ဝန်းကျင်ထိန်းသိမ်းရေးအဖွဲ့အစည်းများ၏ ထောက်ခံချက် ရရှိထားခြင်း ရှိ၊ မရှိနှင့် ဒေသခံဖွံ့ဖြိုးရေး အထောက်အကူပြုနိုင်မည့် အခြေအနေတို့ကို မေးမြန်းဆွေးနွေးကြသည်။

 ယင်းနောက် တောင်ကလပ် ယာယီဂေါပကအဖွဲ့ဝင် ဦးချိုတူး၊ Volunteer Group မှ ကိုသက်ဝင်း၊ မြို့နယ်စည်ပင်သာယာရေးကော်မတီမှ ဦးသန်းတို့က မေးမြန်းအကြံပြုဆွေးနွေးကြရာ ကုမ္ပဏီတာဝန်ရှိသူများက ပြန်လည်ရှင်းလင်းဖြေကြားကြသည်။

 ထို့နောက် မန္တလေးတိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး ဦးမြတ်သူက ယခု ဆောင်ရွက်ရန် အဆိုပြုတင်ပြလာသည့် စီမံကိန်းနှင့်ပတ်သက်၍ တိုင်းဒေသကြီးအစိုးရအဖွဲ့အနေဖြင့် ဒေသခံများ၏ သဘောဆန္ဒဖြင့်သာ ဆောင်ရွက်စေမှဖြစ်ကြောင်းနှင့် အကယ်၍ ဒေသခံပြည်သူများ သဘောတူညီခဲ့လျှင်လည်း မိမိတို့အစိုးရအဖွဲ့မှ လုပ်ငန်းတင်ဒါခေါ်ယူ၍ စနစ်တကျ တိုင်းတာစစ်ဆေး ဆောင်ရွက်သွားမှာဖြစ်ပြီး တကယ်လုံခြုံစိတ်ချမှုရှိပြီး ဒေသဖွံ့ဖြိုးရေး အထောက်အကူပြုမည့် ကုမ္ပဏီကိုသာ ဦးစားပေးဆောင်ရွက်စေမှာဖြစ်ကြောင်း ဆွေးနွေးပြောကြားသည်။

 အဆိုပါ တောင်ကလပ်ကောင်းကင်ကေဘယ်ကြိုးကို အိန္ဒိယနိုင်ငံကုမ္ပဏီမှ လာရောက်လေ့လာနေခြင်းဖြစ်ပြီး လုပ်ငန်းဆောင်ရွက်ခွင့်ရပါက တောင်ကလပ် အနောက်ဘက်အောက်ခြေမှ အမြင့်မီတာ ၃၅၀ အထိ ၁၂ ယောက်စီး ကေဘယ်လ်တပ်ဆင်သွားရန်ဖြစ်သည်။

 တွေ့ဆုံဆွေးနွေးပွဲသို့ မန္တလေးတိုင်းဒေသကြီးအစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး ဦးမြတ်သူ၊ ကျောက်ပန်းတောင်းမြို့နယ် မဲဆန္ဒနယ် အမှတ်(၁)မှ  တိုင်းဒေသကြီးလွှတ်တော်ကိုယ်စားလှယ် ဦးအေးခိုင်၊ ညောင်ဦးခရိုင်အုပ်ချုပ်ရေးမှူး ဦးစိုးတင့်၊ ကျောက်ပန်းတောင်းမြို့နယ်အုပ်ချုပ်ရေးမှူး ဦးဝင်းကိုကိုနှင့်ဌာနဆိုင်ရာများ၊ ရပ်ကွက်အုပ်ချုပ်ရေးမှူးများ၊ တောင်ကလပ်ယာယီဂေါပကအဖွဲ့ဝင်များ၊ ပုပ္ပါးတောင်ချစ်သူများအသင်းမှ တာဝန်ရှိသူများ နှင့် အခြားလူမှုရေးအသင်းအဖွဲ့များ၊ DAMODAR ROPEWAYS & INFRA ကုမ္ပဏီမှ Vice President နှင့် တာဝန်ရှိသူများ တက်ရောက်ကြသည်။