၂၀၁၇ခုနှစ် သြဂုတ်လ ၁၃ ရက်

 မြန်မာနိုင်ငံအင်ဂျင်နီယာအသင်း(မန္တလေးတိုင်းဒေသကြီးအသင်းခွဲ)၏ ၂၀၁၇ ခုနှစ် နှစ်ပတ်လည်အသင်းသားစုံညီ ညီလာခံနှင့် အသင်းသားအဆိုပြုလွှာ များပေးအပ်ခြင်းအခမ်းအနားကို သြဂုတ်လ ၁၃ ရက် နံနက် ၉ နာရီက ပုသိမ်ကြီးမြို့နယ်၊ မန္တလေးနည်းပညာတက္ကသိုလ်ရှိ စုဝေးခန်းမတွင် ကျင်းပသည်။

 အခမ်းအနားသို့ မန္တလေးတိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်နှင့် ဆောက်လုပ်ရေးဝန်ကြီးဌာန ဝန်ကြီး ဦးဇာနည်အောင်၊ မန္တလေးနည်းပညာ တက္ကသိုလ်နှင့် နည်းပညာတက္ကသိုလ်(မန္တလေး)မှ ပါမောက္ခချုပ်များ၊ ဌာနအသီးသီးမှတာဝန်ရှိသူများ၊ ဆရာ၊ ဆရာမများ၊ ဗဟိုအလုပ်အမှုဆောင် ကော်မတီဝင်များ၊ ဗဟိုကော်မတီဝင်များနှင့် ဖိတ်ကြားထားသူများ တက်ရောက်ကြသည်။

 ရှေးဦးစွာ လျှပ်စစ်၊ စွမ်းအင်နှင့်ဆောက်လုပ်ရေးဝန်ကြီးဌာန ဝန်ကြီး ဦးဇာနည်အောင်က အဖွင့်အမှာစကားပြောကြားပြီးနောက် မြန်မာနိုင်ငံအင်ဂျင်နီယာ အသင်းဥက္ကဋ္ဌ ဦးအောင်မြင့်၊ မြန်မာနိုင်ငံအင်ဂျင်နီယာကောင်စီဥက္ကဋ္ဌ ဒေါက်တာချာလီသန်းတို့က မြန်မာနိုင်ငံအင်ဂျင်နီယာအသင်း၏ နှစ်ပတ်လည် အသင်းသားစုံညီ ညီလာခံကျင်းပခြင်းနှင့်ပတ်သက်၍ ရှင်းလင်းပြောကြားကြသည်။

 ထို့နောက် ဝန်ကြီးနှင့် မန္တလေးနည်းပညာတက္ကသိုလ်၊ နည်းပညာတက္ကသိုလ်(မန္တလေး)တို့မှ ပါမောက္ခချုပ်များနှင့်အဖွဲ့သည် ပြသထားသည့် ထုတ်ကုန် ပစ္စည်းပြခန်းများအား လှည့်လည်ကြည့်ရှုကြသည်။

 အစီအစဉ်အတိုင်း အပိုင်းနှစ်ပိုင်းခွဲကျင်းပရာ ဒုတိယပိုင်းတွင် အခမ်းအနားမှူးက မန္တလေးတိုင်းဒေသကြီးအသင်းခွဲ၏ ဗဟိုကော်မတီအမည်စာရင်းအား ဖတ်ကြားတင်ပြခြင်း၊ သဘာပတိက တက်ရောက်လာသူများထံမှ အတည်ပြုချက်ရယူခြင်း၊ မြန်မာနိုင်ငံအင်ဂျင်နီယာအသင်း(မန္တလေးတိုင်းဒေသကြီးအသင်းခွဲ) ဥက္ကဋ္ဌက မိတ်ဆက်စကားပြောကြားခြင်း၊ အသင်းသားအဆိုပြုလွှာပေးအပ်ခြင်း၊ ပါမောက္ခချုပ်များထံသို့ ကျောင်းဖွံ့ဖြိုးရေးလုပ်ငန်းများအတွက် အလှူငွေများ ပေးအပ်ခြင်း၊ အသင်းရုံးအဆောက်အအုံတည်ဆောက်ရန်အတွက် အလှူငွေပေးအပ်ခြင်း၊ ဖူဆယ်ဘောလုံးပြိုင်ပွဲတွင် ဆုရရှိသော မျိုးဆက်သစ်လူငယ်အင်ဂျင်နီယာများအား ဆုချီးမြှင့်ခြင်းနှင့် ဗဟိုကော်မတီဝင်များနှင့်တွေ့ဆုံမေးမြန်းခြင်းများကို ဆက်လက်ဆောင်ရွက်ခဲ့သည်။