၂၀၁၇ခုနှစ်၊အောက်တိုဘာလ ၁၂ ရက်

 မိတ္ထီလာမြို့၊ ရှင်မြို့ကျေးရွာ၌ ကိုယ့်အားကိုယ်ကိုးဆောင်ရွက်သည့် အောင်ရတနာတံတား တည်ဆောက်ပြီးစီး၍ ကျေးရွာ ၆ ရွာမှ ဒေသခံများ သွားလာရ အဆင်ပြေလျက်ရှိသည်။

 ရှင်မြို့ကျေးရွာမှ ဒေသခံများမှာတောင်သူများဖြစ်ကြသော်လည်း အများစုမှ မိတ္ထီလာမြို့ပေါ်ကို အမှီပြု၍ စီးပွားရေးလုပ်ကိုင်ကြသည့်အတွက် ရှင်မြို့မှ မိတ္ထီလာမြို့ပေါ်သို့ ဆက်သွယ်သွားလာသည့် လမ်းပေါ်တွင် မုန်တိုင်ဆည်မှ မိတ္ထီလာကန်အတွင်းသို့ စီးဝင်သည့် မုန်တိုင်ချောင်းအား ဖြတ်သန်းသွားလာ ရသည်။ အဆိုပါဖြတ်သန်းသွားလာသည့် မုန်တိုင်ချောင်းသည် တိမ်ကောနေပြီး ရေကြီးရေလျှံမှုဖြစ်ပေါ်၍ အနီးပတ်ဝန်းကျင်ကျေးရွာများကို ရေဝင်ရောက် ခဲ့ပြီး နှစ်စဉ်မိုးရာသီရောက်တိုင်း ရေဘေးဒုက္ခကြုံတွေ့လျက်ရှိသောကြောင့် ချောင်းရေလျှံမှုမရှိစေရန် ၂၀၁၃-၂၀၁၄ ဘဏ္ဍာနှစ်တွင် ဆည်မြောင်းဦးစီး ဌာနက အကျယ် ပေ ၅၀၊ အနက် ၁၅ ပေ၊ တူးဖော်ဆောင်ရွက်ခဲ့သည်။

 ထိုသို့မုန်တိုင်ချောင်းအား တူးဖော်ဆောင်ရွက်ခဲ့သည့်အတွက် ရှင်မြို့ကျေးရွာဒေသခံများမှာ သွားလာမှုအဆင်ပြေစေရန် သစ်သားတံတားကို တည်ဆောက်ခဲ့သော်လည်း ခိုင်ခန့်မှုမရှိဘဲ ချောင်းရေတိုက်စားမှုကြုံတွေ့ခဲ့ရသဖြင့် ရှင်မြို့ကျေးရွာရှိ ကျေးရွာသူကျေးရွာသားများမှ စုပေါင်း၍ ငွေကျပ် သိန်း ၃၀ ကျော်ဖြင့် အလျား ပေ ၈၀၊ အကျယ် ၁၂ ပေရှိ အောင်ရတနာသစ်သားတံတားကို ၂၀၁၇ခုနှစ် ဇူလိုင်လမှစတင်၍ တည်ဆောက်ခဲ့ရာ သြဂုတ် ၂၉ ရက်က ဆောက်လုပ်ပြီးစီး၍ ရှင်မြို့ကျေးရွာရှိ အိမ်ထောင်စု ၁၀၅ အိမ်၊ လူဦးရေ ၅၇၀ကျော်နှင့် အုတ်နှဲပုတ်၊ လက်ပံကော့၊ ရွာမ၊ အုတ်မြေကံနှင့် ကျောက်ဖြူကုန်းကျေးရွာများမှ ဒေသခံများသွားလာရအဆင်ပြေလျက်ရှိသည်။